Fréttablaðið - 13.11.2006, Qupperneq 38

Hótel 1919 Radisson SAS er
rekið í einu sögufrægasta húsi
borgarinnar, Eimskipshúsinu.
Gunnar V. Andrésson ljós-
myndari Fréttablaðins leit þar
inn og skoðaði hvernig nýi og
gamli tíminn mætast í fallegri
hönnun.
Í rúm 80 ár voru höfuðstöðvar Eim-
skipafélags Íslands í reisulegu
hvítu húsi við Pósthússtræti. Í dag
er í húsinu starfrækt fjögurra
stjörnu lúxushótelið 1919 sem
rekið er af Radisson SAS keðjunni.
Húsið teiknaði Guðjón Samúels-
son, sem var húsasmíðameistari
ríkisins, og var byggt á árunum
1919-1921. Það var með stærstu
byggingum bæjarins á þeim tíma
og jafnframt fyrsta byggingin sem
búin var fólkslyftu. Húsið var
stækkað um tæpan helming með
viðbyggingu á árunum 1977-1979
en sá hluti var teiknaður af Hall-
dóri H. Jónssyni arkitekt.
Við breytingar á húsinu kom í
ljós að það hentaði einstaklega vel
til hótelreksturs. Skrifstofuher-
bergin voru flest af æskilegri
stærð og ekki þurfti að breyta
burðarveggjum. Hins vegar mátti
ekki breyta hverju sem var, þar
sem búið var að friða ýmislegt í
húsinu, enda um sögufræga bygg-
ingu að ræða. Þar af leiðandi var
tekin sú ákvörðun að loka margt af
því sem mátti ekki hrófla við inni í
veggjum og merki Eimskipafélags-
ins sem er utan á húsinu var falið
undir merki hótelsins.
Hópur frá ARKÍS ehf. sá um að
teikna breytingar á húsinu undir
stjórn Björns Guðbrandssonar
arkitekts.
Gamli og nýi tíminn mætast