Fréttablaðið - 13.11.2006, Qupperneq 72
Getur vel verið að maður segi þetta bara gott
Í gær lauk alþjóðlegu
badmintonmóti, Iceland Express
International, sem fram fór hér á
landi. Fjölmargir erlendir leik-
menn tóku þátt í mótinu. Íslend-
ingar unnu tvenn verðlaun á móti
en Ragna Ingólfsdóttir vann gull-
verðlaun í einliðaleik kvenna og
hún vann silfurverðlaun í tvíliða-
leik ásamt Tinnu Helgadóttur.
Ragna mætti Susan Hughes í
úrslitum í gær og vann fyrstu lot-
una 21-14. Ragna lenti í erfiðleik-
um í annarri lotu þar sem sú
skoska hafði betur 21-11. Í odda-
lotunni fór svo Ragna með sigur af
hólmi 21-12 og tryggði sér þar með
sigurinn í einliðaleik.
„Það var mjög skemmtilegt fyrir
mig persónulega að vinna þessa
stelpu í úrslitum. Þetta var í fjórða
skiptið sem ég mætti þessari stelpu
og ég hafði tapað fyrir henni tvisv-
ar áður og unnið hana einu sinni.
Þannig að það var komið að mér að
vinna núna. Það er líka gott fyrir
sjálfstraustið að vinna mót og þá
sérstaklega hérna heima.
Ég vann mót í Tékklandi í síð-
asta mánuði og það eiginlega
skipti engan máli þar en hérna er
gaman af fá þessa hvatningu,“
sagði Ragna mjög ánægð með
árangur á mótinu.
„Ef maður þekkir andstæðing-
inn þá veit maður alveg í hverju
hún er góð og í hverju hún er slök.
Ég hafði ekki spilað við neinn
annan andstæðinga minna á þessu
móti og kom því í leikina án þess
að vita neitt um andstæðinginn. Þá
finnur maður það í leiknum og
þegar líður á í hverju hún er léleg.
En fyrir þennan úrslitaleik vissi
ég alveg hvernig ég ætlaði að
spila,“ bætti Ragna við.
Það er nóg að gera hjá Rögnu
og hún spilar grimmt víðsvegar
um Evrópu. „Ég fer út á fimmtu-
daginn og spila í Noregi. Síðan fer
ég til Ítalíu í desember og eftir
það kemur smá frí. Þá þarf ég að
byggja mig aftur upp.
Það er annað stórt mót hér á
landi í janúar, Evrópukeppni B-
landsliða, og það gæti verið að það
verði mitt fyrsta mót eftir ára-
mót.“
Ragna og spilafélagi hennar í
tvíliðaleik, Tinna Helgadóttir
þurftu að sætta sig við annað sætið
í tvíliðaleik á mótinu. Þær stöllur
mættu skosku stelpunum Emmu
Mason og Imogen Bankier í úrslit-
um og leikurinn var mjög spenn-
andi. Svo fór að skosku stelpurnar
sigruðu í tveimur lotum, 21-16 og
21-19.
Magnus Sahlberg frá Svíþjóð
vann í einliðaleik karla á mótinu
og Danirnir Christopher Bruun
Jensen og Morten T. Kronborg
sigruðu í tvíliðaleik karla. Í
tvenndarleik voru það þau Henri
Hurskainen og Emma Wengberg
frá Svíþjóð sem sigruðu.
Ragna Ingólfsdóttir fór með sigur af hólmi í einliðaleik á alþjóðlegu badminton-
móti sem fram fór hér á landi um helgina. Ragna og Tinna Helgadóttir enduðu
í öðru sæti í tvíliðaleik eftir æsispennandi úrslitaleik.
Fylkir mætti TVS St.
Otmar frá Sviss í síðari leik
liðanna í Evrópukeppninni í
handbolta í gær. Fylkir þurfti að
bíta í það súra epli að tapa
leiknum í gær með einungis einu
marki, 29-30.
Fylkir tapaði einnig fyrri
leiknum með sömu markatölu og
er því úr leik í Evrópukeppninni
að þessu sinni.
Sigurður Sveinsson, þjálfari
Fylkis, sagði eftir fyrri leikinn að
hans menn ættu að vinna þetta lið
en því miður gekk það ekki upp.
Því miður náðist ekki í Sigurð
Sveinsson eftir leikinn í gær.
Fylkismenn
eru úr leik
Evrópukeppnin í handb.:
Martin Jol, fram-
kvæmdastjóri Tottenham, hefur
látið hafa það eftir sér að hann
muni ekki bjóða í David Beck-
ham. Fréttir herma að bandaríska
knattspyrnudeildin vilji fá
Beckham en samkvæmt sömu
heimildum er Beckham tilbúinn
til að taka á sig mikla launalækk-
un til að fara til Manchester
United næsta sumar.
„Ég ber mikla virðingu fyrir
David Beckham en ég hef aldrei
sagt að ég vilji kaupa hann. Við
erum vel mannaðir. Við erum með
Aaron Lennon í stöðu hægri
kantmanns,“ sagði Jol.
Tottenham hefur farið illa af
stað í deildinni og í gær tapaði
liðið fyrir Reading á útivelli, 3-1.
Mun ekki bjóða
í Beckham
Silvio Berlusconi, forseti
AC Milan, segir að Andrei
Shevchenko vilji snúa aftur til
ítalska liðsins. Shevchenko var
keyptur til Chelsea í sumar fyrir
metfé og hefur ekki náð sér
almennilega á strik á Englandi.
„Ég talaði við Shevchenko
nýlega. Hann hringdi í mig og það
var mjög gaman. Ég var með öðru
fólki og það fóru allir að biðja
hann að koma aftur. Hann svaraði
því til að hann myndi vilja það
mjög mikið,“ sagði Berlusconi en
Shevchenko hefur skorað fimm
mörk í fimmtán leikjum fyrir
Chelsea hingað til.
Shevchenko vill
koma aftur
Karlalið Hauka varð
sér til skammar með frammistöðu
sinni gegn franska liðinu Paris
Handball í gær. Liðið sýndi átakan-
lega andlausan og lélegan leik
gegn Frökkunum og töpuðu með
tíu marka mun, 19-29. Síðari hálf-
leikur var glæpsamlega lélegur og
leikmenn Hauka hefðu með réttu
átt að standa fyrir utan húsið eftir
leik og endurgreiða þeim fáu sem
greiddu fyrir að horfa upp á þessa
hörmung. Þeir skoruðu „heil“ níu
mörk í síðari hálfleik.
Það var vitað fyrir leikinn að
það yrði á brattann að sækja fyrir
Hauka en þeir töpuðu fyrri leikn-
um ytra með tíu mörkum og þess
utan hefur liðið lítið sem ekkert
getað í vetur og því vart við því að
búast að liðið springi út í gær.
Haukastrákarnir byrjuðu leik-
inn ágætlega, skoruðu tvö fyrstu
mörk leiksins en lítið meir en það.
Smám saman tóku Frakkarnir
völdin og þeir voru ekki í vandræð-
um með finna glufur á arfaslakri
vörn Hauka þótt flest allt sem þeir
gerðu væru einstaklingsframtök.
Fyrir aftan varnarlínuna vörðu
markverðirnir síðan ekki skot og
verður að segjast eins og er að örg
mörk Frakkanna voru ódýr og
þurftu Frakkarnir lítið að hafa
fyrir þeim.
Sóknarleikurinn var ágætur til
að byrja með en það fjaraði fljótt
undan honum, leikmenn misstu
agann, fóru að taka illa ígrunduð
skot og fengu oftar en ekki á sig
ódýr mörk í kjölfarið. Ballið var
endanlega búið í hálfleik þegar
Frakkarnir leiddu með fimm
mörkum, 10-15, og fimmtán mörk-
um samtals.
Það var hrein pína að horfa á
síðari hálfleik. Haukamenn höfðu
algjörlega lagt niður vopnin en
Frakkarnir höfðu örlítið meiri
vilja til að spila. Leikurinn breytt-
ist í skrípaleik þar sem áhorfend-
ur töldu niður mínúturnar fram að
leikslokum. Þegar upp var staðið
vann Paris tíu marka sigur, 19-29,
og komst því áfram með 20 mörk-
um samtals.
Ömurleg frammistaða hjá Haukum