Fréttablaðið - 22.11.2006, Page 27

Hægt er að fara ótrúlegustu
leiðir í vali á hljómtækjum
í bílinn, enda úrvalið sífellt
betra. Fréttablaðið spurði
starfsmenn þriggja verslana
hvaða græjur væru vinsælast-
ar á Íslandi í dag.
„Ásóknin í mp3 spilara verður
sífellt meiri,“ segir Axel Thorar-
ensen Hraundal, hjá Bílanausti á
Bíldshöfða 9.
„Þeir hafa ýmislegt fram yfir
hefðbundna diskaspilara, meðal
annars þann mikla lagafjölda sem
þeir geta tekið,“ heldur Axel
áfram.
Mp3 spilarinn sýnir jafnframt
lista yfir lög, diska og flytjendur,
sem tiltölulega auðvelt er að fletta
í gegnum. Fullkomnari mp3 spil-
arar geta einnig leikið dvd-diska
og geta birt allan lagalistann á
skjánum.
Að sögn Axels er leiðréttingar-
búnaður mp3 spilara enn fremur
orðinn svo þróaður að þeir hiksta
ekki þótt ekið sé yfir hraðahindr-
anir eða erfiðan veg.
„Síðast en ekki síst er kostur-
inn við mp3 spilara sá að þeir leika
einnig diska á svokölluðu wma-
formati, það er efni sem hefur
verið afritað á heimatölvunni í
gegnum Windows Media Player
forritið,“ bætir Axel við. „Format-
ið er raunverulegt svar Microsoft-
fyrirtækisins við mp3.“
„Geislaspilarar tilbúnir fyrir iPod
eru vinsælastir um þessar mund-
ir,“ segir Guðmundur Ragnarsson,
hjá Nesradíó í Síðumúla 19.
„Tengin eru mismunandi fyrir
ólíkar lausnir. Til eru tengi sem
ganga beint í Alpine-útvarpstæki,
en þá verður iPodinn einskonar
harður diskur sem stýrt er frá
takkaborði útvarpstækisins.“
Guðmundur segir að í mörgum
tilvikum sé lítið mál að breyta
eldri gerðum útvarpstækja í bílum
svo að iPodinn virki. Hljóðinn-
gangur inn á tækið þarf að vera
fyrir hendi, en þá er iPodinum
stjórnað á gamla mátann og hljóð-
ið leitt inn á hljóðkerfi bílsins.
„iTrip búnaður, sem er einfald-
lega útvarpssendir hefur eitthvað
verið í notkun,“ heldur Guðmund-
ur áfram. „En hann þykir ekki
hafa gefið eins góða raun og bein-
tenging, vegna hljóðtruflana.“
Ásgeir Örn Rúnarsson hjá AMG
Aukaraf í Dalbrekku 16 í Kópa-
vogi segir mikla eftirspurn vera
eftir hljómtækjum frá sænska
framleiðslufyrirtækinu DLS.
„Þegar menn uppfæra hljóð-
kerfið í bílnum, er vinsælast að
taka DLS sett sem samanstendur
af hátölurum fyrir afmarkaða
staði,“ útskýrir hann. „Fyrst ber
að nefna hátónahátalara sem eru
settir ofarlega í bílinn, á mæla-
borðinu eða við gluggapósta, síðan
miðjubassahátalara í hurðir eða á
eða undir mælaborðið,“ segir
hann.
„Settinu fylgir sértakur filter
sem síar háu tónana í hátónahátal-
arana og þá lágu í hina. Samsetn-
ing af þessu tagi skilar góðum
hljómgæðum,“ heldur hann áfram.
„Til að keyra þetta velja menn sér
gjarnan magnara með innbyggðri
síu sem filterar enn lægri tóna í
bassahátalarana.“
Ásgeir segir vörur DLS njóta
vinsælda vegna þess náttúrulega
hljóms sem þær þykja skila, hátón-
arnir séu þannig ekki of skarpir og
mýktar gæti í heildarhljóðsviðinu.
„Gæði DLS-vörumerkisins eru
margsönnuð enda lætur fyrirtæk-
ið dæma vörur sínar á hljóm-
keppnum, þar sem það hefur náð
gríðarlega góðum árangri bæði á
Evrópu- og Bandaríkjamarkaði.
Af þessum sökum hikar DLS ekki
við að stilla sér upp með stóru
vörumerkjunum sem hafa verið
til um áratuga skeið,“ útskýrir
Ásgeir.
Með græjurnar á fullu
Fólki finnst nýjar bifreiðar
kvenlegar en þær eldri karl-
mannlegar.
Eins undarlega og það hljómar
skipta bílar um kyn eftir því sem
þeir eldast, samkvæmt niðurstöð-
um nýlegrar breskrar rannsókn-
ar.
Könnun framkvæmd af Bosch-
fyrirtækinu leiddi í ljós að meiri-
hluti þátttakenda hafði tilhneig-
ingu til að kvengera frekar bif-
reiðar á meðan þær voru nýjar, en
tóku að karlgera þær eftir því sem
þær eltust.
Höfundi rannsóknarinnar, Jan
Walsh, finnst niður-
stöðurnar
alveg rök-
réttar
miðað við
þá ólíku sam-
félagslegu
afstöðu sem
kynin mæta.
Nýr og flottur bíll vekur sterk
hugrenningatengsl við konu sem
eyðir töluverðum tíma að halda
sér vel til, svo hún veki sem mesta
eftirtekt á götum úti. Menn tengja
eldri bifreiðar aftur á móti frekar
við karlmenn, þar sem eldri bílar
þykja sýna merki um áreiðanleika,
styrk og afkastagetu, sem eru
almennt álitnir kostir feðra eða
afa.
Rannsóknin sýndi einnig að
karlkyns ökumenn eru líklegri til
að karlgera bifreiðar. Kvenkyns
bílstjórar kvengera aftur á móti
frekar bifreiðar heldur en hitt.
Nýir bílar kvenleg-
ir, gamlir karlalegir