Fréttablaðið - 22.11.2006, Blaðsíða 28

Fyrir Alþingi liggja tillögur að
lögleiðingu hlífðarfatnaðar
fyrir vélhjólamenn. Sniglarnir
leggja mikla áherslu á að regl-
urnar verði að veruleika.
Einu reglurnar um búnað vélhjóla-
manna eru þær að þeir verða að
vera með hjálm. Þeim reglum er
mjög ábótavant og er vinnuhjálmur
til að mynda löglegur vélhjóla-
hjálmur. Engar reglur eru í gildi um
annan klæðnað en tölfræðin sýnir
að réttur útbúnaður getur bjargað
miklu komi til slyss. „Við erum ekki
að eltast við neina staðla, við viljum
bara fá sem flesta til að nota það
sem við köllum lágmarks alfatnað
sem merktur er til bifhjólanotkun-
ar,“ segir Edda Þórey Guðnadóttir,
gjaldkeri Sniglanna. „Alfatnaður er
þá auk hjálms jakki, buxur, skór og
hanskar.“
Edda segir að ekki sé hlaupið að
lögleiðingu klæðnaðar því hann sé
ekki bara öryggisatriði heldur einn-
ig ákveðin tíska. Þarna á hún við
muninn á því sem hún kallar hippa,
„racera“ og þá sem eru á skellinöðr-
unum. „Markaðurinn hefur einblínt
á tvo fyrri hópana og þeir sem eru á
skellinöðrum hafa gleymst,“ segir
Edda. „Þeir sem eru á skellinöðrun-
um slasast ekki síður en aðrir og
þar sem hlífðarfatnaður er okkar
öryggisbelti er mikilvægt að allir
klæðist slitsterkum hlífðarfatnaði
sem sérstaklega er ætlaður til nota
á mótorhjólum.“
Baráttumálin er mörg og fyrir
utan hlífðarfatnaðinn nefnir Edda
reglur um tjónahjól. „Ef bíll grind-
arskekkist fær hann ekki að fara
aftur á götuna nema hann sé réttur.
Þetta gildir ekki um hjólin,“ segir
Edda. Hjól eru aldrei merkt sem
tjónahjól þegar þau eru boðin upp
og segir Edda að þetta sé eitthvað
sem verður að skoða því grindar-
skakkt hjól sé ekki öruggt farar-
tæki. „Það er á svo mörgu að taka
en nú er það hlífðarfatnaðurinn sem
við ætlum að klára áður en við höld-
um áfram.“
Hlífðargallar eru örygg-
isbelti vélhjólamanna
4x4 specialist
Fáanleg í flestum stærðum fyrir
15,16,17 og 18” felgur
Viðarhöfða 6 - Sími 577 4444
Jeppadekkin frá
Daewoo lyftarar
Partur-Spyrnan-Lyftarar • Eldshöfða 10 • 110 Reykjavík • Sími: 585-2500 • Fax: 567-9557
Gæði á góðu verði
Sýnum LMC og FENDT
hjólhýsin árgerð 2007.
Opið virka daga frá 9-18
Víkurverk Tangarhöfða 1
Sími 557 7720 www.víkurverk.is