Fréttablaðið - 12.01.2007, Blaðsíða 10

Framsóknarmenn í
Norðausturkjördæmi koma saman
í íþróttahúsinu í Reykjahlíð í
Mývatnssveit á morgun og velja
frambjóðendur á lista flokksins
fyrir alþingiskosningarnar í vor.
419 hafa rétt til setu á þinginu
og þar með atkvæðisrétt en 22
gefa kost á sér á listann.
Framsóknarflokkurinn á fjóra
þingmenn í Norðausturkjödæmi;
Valgerði Sverrisdóttur utanríkis-
ráðherra, Jón Kristjánsson, Dag-
nýju Jónsdóttur og Birki Jón Jóns-
son. Jón og Dagný láta af
þingmennsku í vor en Valgerður
og Birkir vilja áfram gegna þing-
mennsku.
Valgerður sækist ein eftir
fyrsta sætinu en hún fór fyrir list-
anum í síðustu kosningum. Birkir
Jón skipaði þá fjórða sætið en
sækist nú eftir öðru sætinu, líkt og
Logi Óttarsson. Er Birkir talinn
eiga sætið víst.
Ellefu til viðbótar vilja skipa
þau sæti sem nú eru þingsæti.
Framsóknarflokkurinn hlaut
góða kosningu í kjördæminu í
kosningunum 2003. Alls 7.722
kjósendur greiddu honum atkvæði
sitt, eða tæp 33 prósent kjósenda.
Það var besta útkoma flokksins í
kosningunum það ár en næstbesta
útkoman var í Suðurkjördæmi þar
sem framsókn hlaut tæp 24 pró-
sent. Í nýjustu skoðanakönnun
Capacent/Gallup mældist fylgi
flokksins í Norðausturkjördæmi
15 prósent, ögn minna en í Norð-
vestur- og Suðurkjördæmum.
Prófkjörsbaráttan hefur farið
fram í bróðerni utan hvað óánægju
gætti með að einn frambjóðenda –
Hjörleifur Hallgríms – keypti for-
síðu sameiginlegs kosningabæk-
lings sem dreift var til
framsóknarmanna í kjördæminu.
Þá hefur tilboð Hjörleifs um
tveggja milljóna króna framlag úr
eigin vasa til Framsóknarflokks-
ins á Akureyri, nái hann þriðja
sætinu, vakið nokkra úlfúð.
Valgerður Sverrisdóttir hefur
ein frambjóðenda opnað kosninga-
skrifstofu en frambjóðendur hafa
að mestu vakið athygli á sjálfum
sér með bæklingum, sendibréfum
og símtölum. Lítið hefur verið um
auglýsingar í hefðbundnum fjöl-
miðlum.
Viðmælendur Fréttablaðsins
töldu að búseta og rætur gætu
ráðið nokkru um val flokksmanna
á lista enda kjördæmið stórt, nær
frá Djúpavogi og norður og vestur
til Siglufjarðar.
Á kjördæmisþinginu verður
kosið í tíu efstu sæti listans.
Fjórtán vilja
í fjögur efstu
Valgerður Sverrisdóttir sækist ein eftir fyrsta sæti
Framsóknar í Norðausturkjördæmi. Listinn verður
valinn á kjördæmisþingi í Mývatnssveit á morgun.
STÓR
útsalan
á skólavörðustíg 15
er í fullum gangi
Allir diskar á útsölu
klassískir geisladiskar frá kr. 200
20-90% afsláttur!
12 Tónar bjóða upp í dans!
Skólavörðustíg 15 511 5656
Fiolstræde 26 3336 5656
www.12tonar.is
opið laugardag frá kl. 10:00-16:00
Umhyggja, félag til stuðn-
ings langveikum börnum, hlaut
sex hundruð þúsund króna styrk
hinn 5. janúar síðastliðinn.
Styrkurinn kemur frá höfundi
bókarinnar Leitin að tilgangi lífs-
ins, Viktor E. Frankl, en hann hafði
óskað þess að höfundarlaun hans
vegna útgáfu bókarinnar á Íslandi
rynnu til málefnis barna.
Bókin var gefin út fyrir um tíu
árum og endurútgefin af Siðfræði-
stofnun og Háskólaútgáfunni fyrir
skemmstu.
Í bókinni skrifar Frankl, sem
var austurrískur, um reynslu sína
í fangabúðum nasista og leit hans
þar að tilgangi lífsins.