Fréttablaðið - 24.03.2007, Blaðsíða 6
Pius Ncube, kaþólsk-
ur erkibiskup í Simbabve, hvetur
landsmenn sína til fjöldamótmæla
gegn stjórn Roberts Mugabe.
Hann segist sjálfur vera reiðubú-
inn til að vera í fararbroddi frið-
samlegra mótmæla til að koma
Mugabe frá völdum.
„Stærsta vandamálið í Simb-
abve eru heiglarnir, þar á meðal
ég sjálfur. Við verðum að standa
upp úr hægindastólunum og gang-
ast undir þjáningar með fólkinu,“
sagði Ncube á fimmtudaginn. „Ég
er tilbúinn til að standa í framlín-
unni. Við verðum að vera tilbúin
til að standa upp, jafnvel frammi
fyrir geltandi byssuhlaupum.“
Ncube hefur lengi verið harð-
ur gagnrýnandi Mugabes, sem
er orðinn 83 ára og hefur stjórn-
að Simbabve í meira en aldar-
fjórðung. Fyrir sjö árum skip-
aði Mugabe svo fyrir að land-
svæði hvítra bænda yrðu tekin af
þeim og afhent þeldökkum íbúum
landsins. Síðan þá hefur efnahag-
ur landsins hrunið og stjórnvöld
beitt æ harkalegri aðferðum við
að berja niður alla gagnrýni.
Stjórnarandstæðingar hafa hins
vegar verið að sækja í sig veðrið á
síðustu dögum og vikum og virð-
ast einbeittari en nokkru sinni.
Í gær varaði stjórn Simbabves
erlenda blaðamenn í landinu við
því að „skálda upp fréttir“. Einn-
ig ættu þeir að „halda sig fjarri ör-
yggissveitum landsins“.
Andstaðan við Mugabe eflist
Spennan milli sækjanda
og verjenda í Baugsmálinu kom
berlega í ljós þegar stutt dómþing
var haldið í málinu í gær. Upphaf-
lega stóð til að leggja fram tölvu-
gögn, en eftir hörð mótmæli Gests
Jónssonar, verjanda Jóns Ásgeirs
Jóhannessonar, ákvað dómari að
ekkert yrði lagt fram.
Gögnin sem sækjandi ætlaði að
leggja fram voru harður diskur
með öllum tölvupóstum Tryggva
Jónssonar, eins sakborninga í mál-
inu, auk allra gagna sem fundust í
tölvu Jóns Geralds Sullenbergers,
annars sakbornings.
„Þetta er algerlega fordæma-
laust, ég fullyrði það,“ sagði Gest-
ur. Hann mótmælti því að einhver
gögn yrðu lögð fram í málinu svo
seint, en munnlegur málflutning-
ur hefst á mánudaginn. „Ég lýsi
miklum vonbrigðum með þetta
[...] þetta er algerlega út í hött,“
sagði Gestur.
Sigurður Tómas Magnússon,
settur ríkissaksóknari í málinu,
vildi leggja tölvugögnin fram og
sýna dómnum með aðstoð mynd-
varpa hvernig hægt væri að
skoða gögnin. Vegna þess
sem fram hefði komið
um tölvugögn væri til að
mynda gott fyrir dóm-
inn að skoða tölvu-
póstskrá Tryggva, til
að sjá hvernig póst-
urinn þar væri flokk-
aður í ótal undirmöpp-
ur og því erfitt að fara í gegnum
póstana.
Sigurður Tómas kom einnig með
önnur gögn í farteskinu, meðal
annars rithandarsýnishorn sem
Tryggvi Jónsson var látinn fylla
út við yfirheyrslu hjá lögreglu.
Hann hugðist einnig leggja fram
samkvæmt ósk verjenda öll tölvu-
póstsamskipti lögreglumanna
og endurskoðanda Deloitte, sem
vann að bókhaldsrannsókninni
með lögreglu, auk tölvupóstsam-
skipta lögreglumanna við Jón
Gerald.
Gestur sagði ekkert gagn í því
að leggja gögnin fram nú, óskað
hefði verið eftir því að þessi gögn
yrðu lögð fram í síðasta lagi síð-
astliðinn mánudag. Óskiljanlegt
væri að ekki hefði verið hægt að
senda gögnin rafrænt fyrr.
„Það er ekki góð reynsla af því
að afhenda þér tölvugögn, Gestur
Jónsson,“ sagði Sigurður Tómas,
og sagði slík gögn eiga það til að
rata í fjölmiðla skömmu eftir af-
hendingu. Gesti virtist misboð-
ið en hann svaraði þessum
ásökunum ekki.
Sigurður Tómas
sagði raunar ekki gott
fyrir lögreglu að leggja þessi
gögn fram þar sem í þeim endur-
spegluðust ákveðnar rannsókn-
araðferðir lögreglu, en þar sem
verjendur hefðu beðið um gögn-
in hefðu þau verið fundin til með
mikilli fyrirhöfn.
Arngrímur Ísberg dómsfor-
maður reyndi að miðla málum, en
sagðist sjálfur ekki sjá tilgang-
inn í að leggja fram tölvugögn-
in. Hann lagði það til að þau yrðu
lögð fram sem hliðsjónargögn,
þannig að sækjandi og verjendur
gætu ekki vísað í þau í málflutn-
ingnum. Sækjandinn samþykkti
það fyrir sitt leyti en Gestur mót-
mælti. Úr varð að ekkert var lagt
fram og dómþingi slitið.
Vildi sýna póst-
hólf Tryggva
Hörð átök urðu í réttarsal í gær þegar sækjandi í
Baugsmálinu hugðist leggja fram gögn. Verjandi
mótmælti framlagningunni og sækjandinn sakaði
verjandann óbeint um að leka gögnum til fjölmiðla.
BAUGS M Á L I Ð
Hefur þú góða stjórn á skapi
þínu?
Ertu með klink í veskinu þínu?
Hæstiréttur staðfesti
í gær gæsluvarðhald yfir manni
sem grunaður er um nauðgun á
Hótel Sögu laugardaginn 17. mars
síðastliðinn. Hann mun sitja í
varðhaldi til 28. mars.
Í upphaflegum úrskurði Hér-
aðsdóms Reykjavíkur stendur að
lögreglustjóri telji brýna nauðsyn
að meintur nauðgari sé dæmd-
ur í gæsluvarðhald svo lögreglu
gefist tími til að vinna að rann-
sókn málsins. Gangi maðurinn
laus megi búast við að hann komi
undan munum sem geta haft þýð-
ingu við rannsókn málsins, auk
þess sem hann geti haft áhrif á
hugsanleg vitni.
Gæsluvarðhald í
nauðgunarmáli