Fréttablaðið - 24.03.2007, Blaðsíða 34

Íslensku stjórnmálaflokkarnir hafa í fyrsta sinn opnað flokks-
skrár sínar fyrir fjölmiðli. Þær tölur og upplýsingar sem fylgja
hér á eftir eru allar fengnar frá flokkunum sjálfum. Blaða-
mennirnir Magnús Halldórsson og Þórður Snær Júlíusson fengu
aðgengi að tölum um kjördæma-, aldurs- og kynjaskiptingu
skráðra flokksmanna og veittu þrír flokkanna tæmandi upp-
lýsingar. Hinir tveir flokkarnir, Sjálfstæðisflokkur og Frjáls-
lyndi flokkurinn, gáfu takmarkaðar upplýsingar. Eftirfarandi
grein er sú fyrsta af átta í sérstökum kosningagreinaflokki
Fréttablaðsins. Greinarnar munu birtast með viku millibili
fram að kjördegi hinn 12. maí.
S
amkvæmt þeim upplýsingum sem
flokkarnir afhentu Fréttablaðinu
úr flokksskrám sínum eru 85.445
einstaklingar á kosningaaldri
skráðir í flokkana. Fyrir sveitar-
stjórnarkosningarnar í fyrra voru
216.191 manns á kjörskrá. Miðað við þær
tölur þýðir það að um 40 prósent kosningar-
bæra manna séu flokksbundin.
Sjálfstæðisflokkurinn er langfjölmenn-
asti flokkur landsins samkvæmt þessum
tölum með um 49 þúsund meðlimi. Flokk-
urinn vildi ekki afhenda tæmandi upplýs-
ingar um kjördæma-, aldurs- og kynjaskipt-
ingu flokksmanna en sagði kynjahlutföll-
in milli þeirra vera 51 prósent karlmenn á
móti 49 prósentum kvenna. Andri Óttars-
son, framkvæmdastjóri Sjálfstæðisflokks-
ins, og flokksskrifsstofan voru ekki tilbúin
til að afhenda fleiri gögn en fram koma hér
að ofan.
Hjá Samfylkingunni eru karlar meiri-
hluti flokksmanna í öllum kjördæmum. Þá
kjósa rúmlega 66 prósent skráðra flokks-
manna hjá henni annaðhvort í Reykjavíkur-
kjördæmunum tveimur eða Suðvesturkjör-
dæmi. Það þýðir að tveir af hverjum þrem-
ur skráðum flokksmönnum er búsettur á
suðvesturhorni landsins. Kynjaskiptingin
er nokkuð jöfn milli kjördæma og í heildina
eru 53 prósent flokksmanna karlmenn en
47 prósent þeirra konur. Meðalaldur þeirra
er síðan 47 ár.
Hjá Framsóknarflokknum vekur það at-
hygli að hann er eini flokkurinn, sem lét
Fréttablaðinu í té tæmandi upplýsingar,
sem er ekki með flesta skráða flokksmenn
í Reykjavík. Það kjördæmi sem inniheld-
ur flesta skráða framsóknarmenn er Suður-
kjördæmi þar sem 3.576 manns eru skráð-
ir í flokkinn. Það er um 30 prósent allra
flokksmanna hans. Flokkurinn er þar að
auki með fæsta skráða flokksmenn í Suð-
vesturkjördæmi, sem er athyglisvert í sam-
anburði við hina flokkana þar sem Suð-
vesturkjördæmið er ætíð þeirra næstfjöl-
mennasta. Ef miðað er við að Reykjavík
og Suðvesturkjördæmi teljist til þéttbýlis-
ins og hin þrjú kjördæmin til landsbyggðar-
innar þá er staða Framsóknarflokksins ein-
stök, því 63 prósent flokksmanna hans eru
á landsbyggðinni.
Framsókn sker sig einnig úr hvað varðar
kynjahlutföll enda eru um 63 prósent þeirra
rúmlega tólf þúsund einstaklinga sem
skráðir eru í flokkinn karlmenn. Það þýðir
að rúmur þriðjungur flokksmanna er kven-
kyns og gerir það að verkum að Framsókn-
arflokkurinn er með minnst kynjajafnræði
allra flokkanna sem gáfu tæmandi upplýs-
ingar.
Vinstri græn er flokkur unga fólksins sam-
kvæmt flokksskrá sinni enda er meðalaldur
þeirra sá lægsti sem fékkst uppgefinn, eða
43 ár. Helmingur skráðra flokksmanna er
í Reykjavík og þar er meðalaldurinn einn-
ig lægstur, eða 41 ár. Reykjavík er líka eini
staðurinn þar sem konur eru fleiri en karlar
hjá Vinstri grænum en í heildina eru sex pró-
sentum fleiri karlmenn í flokknum en konur.
Þar munar mest um tvö kjördæmi, Suður og
Norðaustur, þar sem karlmenn eru yfir 60
prósent skráðra flokksmanna.
Fjálslyndi flokkurinn veitti einung-
is upplýsingar um heildarfjölda skráðra
flokksmanna í hverju kjördæmi fyrir sig.
Starfsmenn flokksins sáu sér ekki fært að
afhenda tölur um kynjahlutföll eða meðal-
aldur flokksmanna. Heildarfjöldi skráðra í
Frjálslynda flokkinn er 1.642 sem gerir það
að verkum að flokkurinn er sá minnsti af
þeim fimm sem eiga fulltrúa á Alþingi. Rétt
tæpur helmingur þeirra er í Reykjavík og
tveir þriðju hlutar á suðvesturhorninu.
Upplýsingar af því tagi sem hér er fjallað
um liggja ekki fyrir hjá öðrum stjórnmála-
hreyfingum sem hyggja á framboð til al-
þingiskosninga í vor.
85 þúsund skráðir í stjórnmálaflokka
Sjálfstæðisflokkurinn er langfjölmennasti flokkur landsins
samkvæmt flokksskrá hans. Tveir af hverjum þremur flokks-
mönnum Framsóknarflokksins eru á landsbyggðinni en
sama hlutfall Samfylkingarmanna er á suðvesturhorninu.
Vinstri græn eru með lægsta meðalaldur flokksmanna.