Fréttablaðið - 24.03.2007, Blaðsíða 74

Óskabörn þjóðarinnar
Landsins sómi, sverð og skjöldur.
Fátt festir óskabörn betur í sessi
en landkynning, ekki síst á vett-
vangi vinsælustu íþróttar heims.
Ferill Eiðs er draumur hvers
manns; hann hefur sjálfstraust
sem hæfir starfinu en kemur vel
fyrir og virðist bæði heilsteypt-
ur og jarðtengdur. Á sér breysk-
ar hliðar sem hafa komið honum
í sviðsljósið en hann hefur tækl-
að þær vel og uppskorið bæði fyr-
irgefningu áhangenda sinna og
sennilega enn meiri aðdáun fyrir
vikið.
Tilgerðarlaus sjarmi er aðall
margra óskabarna og af honum
hefur Eva María nóg. Er í senn
móðurleg og þokkafull og hefur
einstakt lag á að fá viðmælendur
sína til að opna sig, enda hýrnaði
um hólma og sker þegar fréttist að
Eva María myndi birtast aftur á
skjánum í vetur eftir nokkurt hlé.
Stimplaði sig rækilega inn sem
óskabarn með plötunni Mugi-
mama: Is this monkey music? sem
keyrði næstum allt um koll þegar
hún kom út. Eftirsóttur jaðarrokk-
ari með alþýðurætur og býr meira
að segja út á landi – séríslensk-
ur heimsborgari sem spilar á Bol-
ungarvík eitt kvöldið og í Berlín
það næsta. Þrátt fyrir velgengn-
ina er Mugison hinn hógværasti
og almennilegri maður í viðkynn-
ingu er vandfundinn.
Frómleikinn uppmálaður; sagan
af trúlausa kommúnistanum sem
turnaðist til kristni vekur jafn-
vel hugrenningatengsl við sjálf-
an Pál postula. Er fulltrúi þeirra
tíma þegar sátt ríkti um þjóðkirkj-
una og áhrif hennar voru meiri,
enda staldra menn við og leggja
við eyru þegar hann sér ástæðu til
að kveðja sér hljóðs.
Líknar fólki með söng sínum og
yndislega glaðværri lund. Er jafn-
vel fastur hluti af jólahaldinu í
hugum margra Íslendinga enda
hefur hún lýst sjálfri sér sem „al-
gjörri jóladúllu“.
Eini auðmaðurinn í hópi óska-
barna. Hlaut uppreisn æru eftir
hið umdeilda „Hafskipsmál“ og
hefur komist til meiri metorða en
nokkurn hefði órað fyrir. Er þekkt-
ur sem velunnari listanna og lýsir
jafnan yfir þakklæti fyrir að fá að
borga skatta. Hefur „afalegt“ yfir-
bragð, í orðsins besta skilningi, og
þrátt fyrir auðæfin vílar Björgólf-
ur sér ekki við að skipta sjálfur
um rúður í Landsbankanum þegar
á þarf að halda.
Eini nýbúinn á listanum enda hafa
fáir, ef nokkur, unnið hug og hjarta
þjóðarinnar jafn rækilega og Dor-
rit. Lífsgleðin og kátínan stirnir af
henni en lætur líka skína í alvar-
legri og dýpri hliðar sem og ríka
réttlætiskennd.
Persóna af stjarnfræðilegri stærð
í íslensku samhengi, nánast ríki
í ríkinu. Kom Íslandi óviljandi á
kortið sem svalasta landi í heimi.
Enn þann dag í dag er Björk það
eina sem fjölmargir útlending-
ar vita um Ísland. Í augum landa
hennar er listin orðið hér um bil
aukaatriði, við skiljum ekki öll
hvað hún er að gera en vitum að
það hlýtur að vera frábært.
Skákaði kanónum á borð við Gísla
Halldórson, Gunnar Eyjólfsson og
Kristbjörgu Kjeld í skoðanakönn-
un Fréttablaðsins um ástsælasta
leikara Íslands fyrr og síðar. Frá-
bær listamaður sem „gerir hlut-
verkið að sínu“, eins og ósjaldan
segir í leikdómum. Ingvar kemur
fyrir sjónir sem rólyndur og reglu-
samur fjölskyldumaður og nýtur
ef til vill meiri lýðhylli fyrir vikið
en umdeildari kollegar hans.
Táknmynd forsetaembættisins
fyrir daga „séðogheyrt-væðingar-
innar“ og nýtur mikillar virðingar
sem slík. Tekur hlutverk sitt líka
alvarlega og hefur í heiðri gildi
sem miða að einingu þjóðarinnar.
Þjóðnýttur í þágu landkynningar.
Íslendingar hafa slegið eign sinni
á þennan mikilsmetna listamann,
sem getur ekki velt við málning-
arfötu fyrir slysni núorðið án þess
að vekja þjóðarathygli á Íslandi.
Krúsídúlla krúsídúllanna. Hæfi-
leikarík tónlistarkona og náttúru-
dýrkandi, nánast löðrandi í ómót-
stæðilegum yndisþokka sem bræð-
ir jafnvel kaldlyndustu hjörtu.
Áður manna umdeildastur en nú
eitt dáðasta skáld landsins, þjóð-
skáld jafnvel. Síðasta vígið féll
líklega þegar Björn Bjarnason
afhenti honum verðlaun Jónasar
Hallgrímssonar á degi íslenskr-
ar tungu. Áhrif texta Megasar eru
ómæld, útúrsnúningar á söguleg-
um atburðum og örlögum mikil-
menna, til dæmis téðs Jónasar,
hafa jafnvel tekið sér bólfestu í
söguskoðun landsmanna.
Langvinsælasti rithöfundur lands-
ins og einn örfárra úr þeirri stétt
sem hafa komist í sæmilegar álnir
með skriftum. Hæverskur og
tranar sér ekki fram; þá sjaldan
hann gefur kost á viðtölum ligg-
ur honum þó iðulega eitthvað á
hjarta og er ætíð bljúgur í garð
lesenda sinna.
Kallaður Jón „góði“, sem segir
sína sögu; sennilega eini núlifandi
Íslendingurinn uppnefndur sem
dýrlingur væri. Gaf meðaljónum
von þegar hann storkaði öllum
hefðbundnum viðmiðum og var
kjörinn kynþokkafyllsti maður
landsins af hlustendum Rásar 2.
Var um skeið draumatengdason-
ur allra; hnyttinn, geðþekkur og
barmafullur af hugsjónum, sem
allir vilja eiga eitthvað í. Ýfði
hins vegar fleiri fjaðrir en óska-
börnum er hollt með deiluritinu
Draumalandinu. Gæti þó skot-
ist aftur upp á óskabarnalistann
áður en langt um líður.
Hugsanlega dáðasti fjölmiðla-
maður Íslands fyrr og síðar.
Fátt gengur hins vegar af óska-
börnum dauðum hraðar en pól-
itík og Ómar hefur nú tekið slag
sem sumir fella sig illa við.
Var skærasta stjarna Íslendinga
á erlendri grund um árabil. Fall
hans var hins vegar jafn hátt
og stjarnan reis; Kristján hefur
ekki borið sitt barr hér heima
eftir umdeilda góðgerðartón-
leika fyrir tveimur árum og enn
umdeildari framkomu í frægum
Kastljósþætti stuttu síðar.
Til eru þeir sem njóta allt að því óumdeildrar
lýðhylli umfram aðra sökum hæfileika sinna, at-
gervis og yfirbragðs. Fréttablaðið bankaði í baró-
metið, stakk sleiktum vísifingri upp í vindinn og
réðst í hávísindalega könnun á hvaða Íslending-
um Íslendingar unna öðrum fremur.