Fréttablaðið - 05.04.2007, Síða 48

5. APRÍL 2007 FIMMTUDAGUR10 fréttablaðið x-factor
Ellý verður án skjólstæðings
í úrslitum X-factor eftir að
hin efnilega Guðbjörg féll úr
keppni í undanúrslitunum.
Hún hefur trú á að Jógvan sigri
örugglega á meðan Páll Óskar
og Einar Bárðarson búast við
spennandi keppni.
„Ég er svolítið spæld og hissa á
að Hara hafi farið áfram síðast
en ekki Guðbjörg. Mér fannst
þær ekki standa sig nógu vel. Þær
voru rammfalskar, alveg út úr
korti,“ segir Ellý. „Þær hafa mikla
útgeislun og eru flottir „perform-
erar“ en mér finnst samt svolít-
ið skrítið að þær hafi farið svona
langt og verið svona alveg „out of
tune“,“ segir hún.
FALLEG RÖDD OG MIKILL SJARMI
Ellý segir að það hversu Guð-
björg sé ung hafi ekki hjálpað
henni í keppninni. „Hún er „out-
standing“ söngkona og hefur rosa-
lega margt til brunns að bera. Ég
held að hún geti bara verið mjög
sátt. Ég held að aldurinn hafi sett
strik í þetta hjá henni, ég hef ekki
aðra útskýringu.“
Hún hefur mikla trú á Jógvan í
úrslitunum. „Hann vinnur. Hann
hefur einstaklega fallega rödd og
mikinn sjarma. Hann er sætur
strákur og það er alltaf vel þegið
að fá sæta stráka inn í brans-
ann. Ég hefði aldeilis verið hrifin
þegar ég var yngri.“
SPILAR JÓGVAN Í LONDON
Einar Bárðarson segir að Hara
muni veita skjólstæðingi sínum
Jógvan harða keppni. „Ég er
mjög hrifinn af Hara-flokknum
en auðvitað ætlum við að gera
okkar besta til að vinna,“ segir
hann. „Jógvan hefur verið mjög
jafngóður. Hann hefur höndlað
hverja hæð mjög fast og örugg-
lega. Það hefur sýnt sig að hann
hefur farið rosalega vel í gegnum
þetta og ég hef haft trú á honum
frá upphafi. Hann var sá kepp-
andi sem ég hafði mestar vænt-
ingar til og ég er stoltur af því að
hann hafi komið okkur í úrslita-
þáttinn. Það hefði ekki gerst án
aðstoðar frá Kristjönu Stefáns-
dóttur, Yasmin Olson og þeim
Dýrleifu og Möggu,“ segir Einar,
sem ætlar að fagna sigri í kvöld.
„Þetta verður hörkukeppni. Við
höfum fundið fyrir rosalega
miklu fylgi hans en þetta er ekki
unnið fyrr en þetta er unnið.“
Einar sér fram á bjarta fram-
tíð Jógvans í tónlistarbransan-
um. „Ég er búinn að spila upptök-
ur með honum í London og það
hefur fallið vel í mannskapinn.
Það er aldrei að vita hvar þetta
endar.“
STANDA ENN ÞÁ Í LAPPIRNAR
Páll Óskar segist allan tímann
hafa búist við að Jógvan og Hara
myndu ná langt í keppninni. „Ég
þorði ekki á sínum tíma að hengja
mig upp á það hvort þau myndu
vera í úrslitum en við erum ofsa-
lega glöð og sátt sem stöndum að
þessu. Ég er mjög ánægður með
þau sem hafa aðstoðað mig en
ég er líka að rifna úr stolti yfir
mínum stelpum. Ég hef horft upp
á þær með aðdáun standast þetta
álag sem fylgir keppninni. Ég
held að áhorfendur geri sér ekki
grein fyrir því hversu mikil erf-
iðisvinna er á bak við hvern þátt,“
segir Palli. „Það eru engin frí og
við byrjum um leið og hverjum
þætti lýkur að plotta og plana
næsta þátt. Það er aðdáunarvert
að hugsa til þess að Hara standi
enn þá í lappirnar.“
Palli býst við hörkueinvígi við
Hara. „Stemningin í hjarta mér
og í kringum mig er sú að fólk
elskar Hara og Jógvan jafnmik-
ið. Þau eiga sama séns og ég held
að úrslitin verði 51% á móti 49%.
Þetta verður líklega 88 atkvæða
munur eins og í Hafnarfirði.“
LÍFSORKAN SKIPTIR SKÖPUM
Hann segir að lífsorka Hara
muni á endanum ráða úrslitum.
„Ég, Árni Pétur og Hera Björk
getum kennt þeim ýmislegt en
það er ekki hægt að kenna þessa
lífsgleði. Það er eitthvað sem þær
komu með frá fyrstu mínútu og
þessi lífsorka er þessi X-Factor
sem við vorum að leita að allan
tímann, þessi óþekkta stærð sem
er ekki hægt að kenna.“
Sjarmi Jógvans og lífsorka Hara
berjast um atkvæðin
Ellý, Einar og Páll Óskar hafa staðið í ströngu í X-Factor í vetur.
Dalsmynni *116 Reykjavík, Sími:566-8417 Fax:5668457 hundagalleri@simnet.is, www.dalsmynni.is
Við ræktum: Papillon, Chihuahua, Pomeranian, Japanese Chin, Pug, French bulldog, Cavalier King Charles, Spaniel, Miniature Pinscher, Miniature Púðli, Pekingese, Silky Terrier
Smáhundaræktun