Fréttablaðið - 14.04.2007, Side 8

Hvert vill starfshópur sam-
gönguráðherra og borgarstjórn-
ar helst láta færa Reykjavíkur-
flugvöll?
Lið Ásthildar Helgadóttur í
sænsku kvennaknattspyrnunni
skipti nýverið um nafn. Hvað
heitir það nú?
Íslenskt fjármálafyrirtæki er
í hópi 800 stærstu félaga heims
á lista hjá viðskiptatímaritinu
Forbes. Hvaða fyrirtæki er það?
Þyrlur og kafarar bresku
strandgæslunnar leituðu í gær fimm manna, sem
saknað var eftir að norsku olíuborpallaþjónustuskipi
hvolfdi vestur af Hjaltlandseyjum í fyrrakvöld. Þrír
skipverjar höfðu þegar fundist látnir en sjö öðrum
tókst að bjarga og var þeim flogið til aðhlynningar á
sjúkrahús í Leirvík.
Öll áhöfn skipsins var norsk. Meðal hinna týndu
voru feðgar, áhafnarmeðlimur og fimmtán ára sonur
hans sem var í starfskynningu á vinnustað föður síns.
Að sögn talsmanna strandgæslunnar var talið
sennilegt að mennirnir fimm hefðu lokast inni í
skipsskrokknum er skipinu hvolfdi. Líkur á að þeir
fyndust á lífi fóru hraðþverrandi.
Skipið var við borpallinn Transocean Rather, vestur
af Hjaltlandseyjum, þegar slysið varð. Eftir að slysið
átti sér stað voru 72 menn á borpallinum sem ekki
voru alveg ómissandi fluttir í land í öryggisskyni.
Norsk yfirvöld áforma að kalla saman sérstaka
rannsóknarnefnd til að rannaka hvernig slysið bar að.
Hið 72 metra langa skip var nýsmíðað og var í
reglubundnu verkefni við góðar veðuraðstæður þegar
því hvolfdi skyndilega.
Øystein Hovdkinn, ræðismaður Noregs í Skotlandi,
sagði slysið vera „hræðilegan harmleik sem erfitt er
að skilja“.
Pólverjarnir fjór-
ir sem hafa búið í Bjarma BA-326
í þrjá mánuði eru samtals með 108
ára reynslu af sjómennsku. Þeir
hafa siglt um öll heimsins höf, allt
frá Suðurskautslandi til Kamt-
sjakaskaga, í Afríku og á Nýja-
Sjálandi. Aldrei hafa þeir lent í því
áður að vera sviknir um laun eða
vinnu. Þeir segjast hafa fengið
áfall þegar þeir komust að því
hvernig í pottinn var búið.
„Það er ömurlegt með alla þessa
starfsreynslu að koma hingað og
láta hrifsa af sér öll réttindi,“
segir Marek Wozniak og lýsir síð-
ustu þremur mánuðum sem
„skelfilegum“.
Þeir hafi beðið í góðri trú, meðan
eiginkonur þeirra hafi hringt
reglulega til að spyrja fregna.
„Við hefðum ekki verið eins
þreyttir og við erum ef við hefð-
um verið að vinna þennan tíma.
Við erum andlega uppgefnir. Það
er erfitt að bíða í þriggja mánaða
prísund með börnin og fjölskyld-
una heima. Það er ekkert vit í
þessu, við héldum alltaf að allt
væri í lagi.“
Þegar þeir gáfust upp á biðinni
ætluðu mennirnir fyrst að fara til
lögreglunnar en hikuðu vegna
tungumálaörðugleika. Síðan fréttu
þeir af Alþjóðahúsinu. Túlkur þar
benti þeim á Vinnumálastofnun og
Sjómannasambandið og hjálpaði
þeim langt umfram skyldur sínar,
segja mennirnir.
„Núna fyrst sjáum við hvernig
fyrir okkur er komið. Eftir að við
heyrðum um íslenska taxta sjáum
við að brotið hefur verið á okkur
allan tímann, alveg síðan í maí, en
ekki bara síðustu þrjá mánuði,“
segir Marek.
Ógreidd laun Pólverjanna „eru
að fara í innheimtu“, segir Hólm-
geir Jónsson, framkvæmdastjóri
Sjómannasambands Íslands. Hann
segir lögfræðing vera með málið
„í hefðbundnum farvegi“. Verka-
lýðsfélag Vestfirðinga mun taka á
sig kostnað við hugsanlega mál-
sókn, því þar áttu mennirnir að
vera á skrá.
„Það gæti tekið mjög langan
tíma að fá launin greidd,“ segir
Hólmgeir, því útgerðin hafi farið í
gjaldþrot áður og „virðist vera að
lenda í sama farinu“.
Hvergi sviknir um laun nema á Íslandi
Michel Rocard,
fyrrverandi forsætisráðherra
Frakklands úr röðum sósíalista,
hvetur til þess að sósíalistinn
Segolene Royal og
miðjumaðurinn
Francois Bayrou
sameini krafta sína
til að hindra að
hægrimaðurinn
Nicolas Sarkozy
beri sigur úr býtum
og taki við af
flokksbróður sínum
Jacques Chirac eftir síðari umferð
forsetakosninganna 6. maí. Fyrri
umferðin fer fram 22. apríl.
Samkvæmt könnunum bendir
flest til að Royal og Sarkozy takist
á í síðari umferðinni og þar muni
Sarkozy hafa betur. Kæmist Bayrou
aftur á móti í síðari umferðina
myndi hann sigra Sarkozy.
Vill bandalag
gegn Sarkozy
Mahmoud Abbas,
forseti Palestínustjórnar, sagðist á
fimmtudag hafa „trúverðugar
heimildir“ fyrir því að breski
fréttamaðurinn Alan Johnston,
sem rænt var á Gazaströnd í
síðasta mánuði, sé enn á lífi og
heill heilsu.
Ekkert hefur heyrst frá
Johnston né heldur frá ræningjum
hans frá því að hann hvarf þann
12. mars síðastliðinn. Enginn
erlendur gísl hefur verið jafn
lengi í haldi Palestínumanna á
Gazaströnd. Saeb Erekat, trúnað-
armaður Abbas, sagði forsetann
„gera sitt besta“ til þess að fá
Johnston leystan úr haldi.
Abbas segir að
hann sé á lífi