Fréttablaðið - 14.04.2007, Blaðsíða 48

hús&heimili
„Persónur sýningarinnar eru á
fullri ferð í lífsgæðakapphlaupinu
og mig langaði til að fara alla leið
til að sýna það,“ útskýrir Ilmur
Stefánsdóttir myndlistarkona,
sem annaðist sviðsmynd söng-
leiksins Leg, sem sýnt er í Þjóð-
leikhúsinu. „Þess vegna ákvað ég
að nota eins verðmæta og fallega
hluti og völ er á. Í mínum huga lá
því beinast við að fá Eyjólf Páls-
son hjá Epal til að lána okkur hús-
gögn í sýninguna og hann reyndist
ótrúlega hjálpsamur.“
Ilmur segist aldrei hafa verið í
neinum vafa um að hún vildi raun-
veruleg húsgögn til að endur-
spegla þann munað sem persón-
urnar búa við. Það hvarflaði aldrei
að henni að nota eftirmyndir fyrir
sýninguna, þar sem hún telur að
þær hefðu ekki náð tilætluðum
áhrifum. „Mér fannst ákveðin yf-
irlýsing fólgin í því að nota raun-
verulega hönnunarhluti. Þeir sýna
svo ekki verður um villst óhóflega
neyslu sögupersónanna og endur-
spegla tilvistarkreppu þeirra.“
Ilmur vill þó ekki meina að leik-
munirnir séu sýndir í neikvæðu
ljósi, ekki fremur en persónurn-
ar sjálfar. „Þvert á móti,“ segir
hún. „Það er með umhverfið eins
og fólkið sem fjallað er um í verk-
inu, að því er hvorki hampað né er
það lítilsvirt. Gert er grín að því
um leið og samúð er vakin með
því. Þessi fína lína er ávallt farin
í verkinu. Sömu sögu má segja
um húsgögnin. Athygli er vakin
á hönnunarmunum en spurning
vakin hvort við þurfum virkilega
á þeim að halda.“
Ilmur segir markmiðið með
þessu að endurspegla íslensku
þjóðina og fá áhorfendur til að
hugleiða hver við séum og hvert
verið sé að stefna. „Einn gagnrýn-
andi hitti naglann á höfuðið þegar
hann sagði sýninguna vera mjög
fyndna, en velti því fyrir sér hvað
við ætluðum að gera þegar hlátra-
sköllunum linnti,“ segir hún.
„Ætlum við að velta stöðunni fyrir
okkur, endurskoða hana eða láta
okkur fátt um finnast?“ roald@fretta-
Hönnun sem vekur
fólk til umhugsunar
Ilmur Stefánsdóttir myndlistarkona fékk muni úr Epal lánaða í söngleikinn Leg.
Stund milli stríða. Ilmur Stefánsdóttur vildi komast sem næst íslensku ríkidæmi með
leikmyndinni og fékk því lánaða hluti úr versluninni Epal. FRÉTTABLAÐIÐ/RÓSA
Atli Rafn Sigurðarson, sem Hjörtur, í FORMULA-stól frá Eero Aarenio. Tilvísanir í
vísindaskáldskap eru alls staðar að finna í verkinu. MYND/EDDI
Elma Lísa Gunnarsdóttir sem Ditte, úti í
garði við gervikofa eftir Michael Young
og gervihundinn Puppet eftir Eero
Aarenio. MYND/EDDI
„Enginn hlustar á mig.“ Friðrik Friðriks-
son sem strákurinn Kalli á mottu heima
hjá mömmu sinni. MYND/EDDI
Kjartan Guðjónsson sem Ari, í köldu
skrifstofuumhverfi. MYND/EDDI
Edda Björg Eyjólfsdóttir, sem Ingunn,
teygir makindalega úr sér á borðinu
Parabel eftir Eero Aarenio. MYND/EDDI
14. APRÍL 2007 LAUGARDAGUR8