Fréttablaðið - 29.06.2007, Side 4

Gordon Brown, nýr for-
sætisráðherra Bretlands, valdi ungt
og upprennandi fólk í nokkur helstu
ráðherraembætti ríkisstjórnar sinn-
ar sem hann kynnti í gær. Hinn 41
árs gamli David Miliband tekur við
embætti utanríkisráðherra, en hann
er rísandi stjarna í Verkamanna-
flokknum og hefur á liðnum misser-
um haft uppi efasemdir um utanrík-
isstefnu Tonys Blair.
Miliband, sem flytur úr ráðuneyti
umhverfismála, sagðist styðja utan-
ríkisstefnu sem væri „þolinmóð en
jafnframt árangursmiðuð“.
En það eru líka nokkrar gamal-
reyndar kempur í nýju stjórninni.
Þannig skipaði Brown Alistair Dar-
ling eftirmann sinn í fjármálaráðu-
neytinu, en Darling var iðnaðar- og
viðskiptaráðherra. Hann er einnig
Skoti eins og Brown. Þá verður Jack
Straw dómsmálaráðherra.
Brown heimilaði aðstandendum
hermanna sem fallið hafa í Írak og
Afganistan að vera meðal áheyr-
enda í Downingstræti 10 þegar hann
flutti fyrstu ræðu sína eftir að hann
tók við völdum á miðvikudaginn.
Hann hyggst ennfremur aflétta
ströngum hömlum sem settar voru
við mótmælaaðgerðum við þinghús-
ið í Lundúnum.
John Denham, sem sagði sig úr
stjórn Blairs í mótmælaskyni við
Íraksstríðið, snýr nú aftur sem ráð-
herra nýsköpunar- og háskólamála.
Annar þekktur gagnrýnandi Íraks-
stríðsins, Mark Malloch-Brown,
fyrrverandi aðstoðarframkvæmda-
stjóri Sameinuðu þjóðanna og harð-
ur andstæðingur utanríkisstefnu
Bandaríkjastjórnar, verður einnig í
stjórninni, að vísu í einu hinna veiga-
minni ráðherraembætta - Afríku-,
Asíu- og SÞ-mála - en með skipun
slíkra manna í stjórnina er Brown
að gefa ótvíræð skilaboð um áherslu-
breytingu frá valdatíð Blairs.
Brown skipaði hina 44 ára gömlu
Jacqui Smith í hið áhrifamikla emb-
ætti innanríkisráðherra og er hún
fyrsta konan í breskri stjórnmála-
sögu sem gegnir því.
Brown hefur líka boðið fulltrúum
úr stjórnarandstöðuflokkunum stöð-
ur í stjórnarliðinu. Þannig verður
Shaun Woodward, þingmaður
Íhaldsflokksins sem var reyndar á
sínum tíma kjörin á þing fyrir
Verkamannaflokkinn en skipti um
flokk árið 1999, ráðherra Norður-
Írlandsmála. Í breskum fjölmiðlum
hefur einnig verið fullyrt að Chris
Patten, þingmaður Íhaldsflokksins
sem var síðasti héraðsstjóri Breta í
Hong Kong, og Shirley Williams,
sem situr í lávarðadeildinni fyrir
frjálslynda demókrata, yrðu boðnar
stjórnarstöður.
Alls eru ellefu manns sem sátu í
stjórn Blairs - að Blair sjálfum og
John Prescott varaforsætisráðherra
meðtöldum - ekki í stjórn Browns.
Brown yngir upp í
bresku stjórninni
Gordon Brown stokkaði rækilega upp í bresku ríkisstjórninni í gær. Meðal
helstu breytinga er að hinn 41 árs gamli David Miliband verður utanríkisráð-
herra og Jacqui Smith verður fyrsta konan í embætti innanríkisráðherra.
Ákveðið var að óska eftir gjaldþrotaskiptum á
hluthafafundi rækjuvinnslunnar Miðfells hf. á Ísafirði
á þriðjudag. Sú ákvörðun var svo tilkynnt starfsfólki
rækjuvinnslunnar á fundi í gær.
Að sögn Finnboga Sveinbjörnssonar, formanns
verkalýðsfélags Vestfirðinga, munu um 40 manns
missa vinnuna við gjaldþrotið. „Næstu skref verða
tekin þegar kemur í ljós hvernig þessu verður öllu
háttað. Skiptastjóri hefur öll völd í hendi sér. Það á
eftir að koma í ljós hvort hann fær einhvern til að reka
fyrirtækið áfram eða hvort því verði lokað og allt gert
upp. Þegar það verður ljóst ráðleggjum við fólki að
fara á svæðisvinnumiðlun Vestfjarða og skrá sig á
atvinnuleysisskrá svo það fái sínar bætur,“ segir Finn-
bogi og bætir því við að starfsfólkið ætli að hittast
næsta mánudag í húsi verkalýðsfélagsins á Ísafirði.
Finnbogi segir varla á ástandið á Vestfjörðum bæt-
andi þessa dagana en vonar að betri tíð sé fram undan.
„Það er farin að veiðast aftur rækja hérna og maður
sér það fyrir sér að það gæti verið bjartara fram undan
í þessum málum.“
Óskað eftir gjaldþrotaskiptum
Aðalmeðferð í máli
Ásgeirs Davíðssonar, eiganda
nektardansstaðarins Goldfinger,
og tveggja kvenna sem starfa
hjá honum við nektardans hófst í
Héraðsdómi Reykjaness í gær.
Konunum tveimur, Rattönu H.
Knudsen og Svietlönu Kruk, er
gefið að sök að hafa stundað
einkadans fyrir viðskiptavini í
lokuðu rými á Goldfinger gegn
greiðslu. Ásgeir er eigandi
staðarins og er sakaður um
milligöngu.
Einkadans er ekki leyfilegur
samkvæmt lögreglusamþykkt
Kópavogsbæjar.
Ásgeir í dómsal
fyrir einkadans
Ríkissaksóknari hefur
ákært 23 ára gamlan mann fyrir
brot gegn valdstjórninni með því
að fara út að skemmta sér í miðbæ
Akureyrar í apríl íklæddur
einkennisskyrtu lögreglu. Hann er
einnig ákærður fyrir ranga
skýrslugjöf, en hann skýrði
lögreglu rangt frá nafni sínu og
kennitölu þegar hún hafði afskipti
af honum vegna málsins.
Samkvæmt heimildum Frétta-
blaðsins hafði maðurinn tekið
skyrtuna ófrjálsri hendi úr
vistarverum félaga síns, sem þá
var starfandi lögreglumaður.
Ákæran var þingfest í Héraðs-
dómi Norðurlands eystra í gær.
Skemmti sér í
lögregluskyrtu
Innflytjendur vildu
flytja inn tæp tvö þúsund tonn af
kjöti og unnum kjötvörum en
heimildir voru til innflutnings á
316 tonnum.
Landbúnaðarráðuneytið hefur
úthlutað kvótum vegna innflutn-
ings á kjöti til næsta árs.
Í boði var að flytja inn 95 tonn af
nautgripakjöti, 64 tonn af svína-
kjöti, 59 tonn af alifuglakjöti, tólf
tonn af öðru kjöti og 86 tonn af
unnum kjötvörum.
Þá vildu innflytjendur flytja inn
290 tonn af ostum en í boði voru
119 tonn. Jafnframt voru 53 tonn
af smjöri til úthlutunar en aðeins
var óskað eftir heimildum til
innflutnings á tveimur tonnum.
Vildu flytja inn
sex sinnum
meira en mátti Síðustu daga hefur orðið
vart við smá líf í laxveiðiánum
eftir dræma veiði það sem af er
veiðitímabilsins. Í Straumum,
ármótum Hvítár og Norðurár,
veiddust ellefu laxar á einum
degi. Vonast er til að smálaxinn
sé kominn á stjá.
Júní hefur verið þurr og því er
lítið vatn í ánum. Við Laxá í Kjós
er vatnsleysi orðið mikið vanda-
mál. Afli veiðimanna á tíu stangir
þar hefur verið á bilinu frá
engum til tvo laxa á dag. Síðustu
tvo daga hefur þó sést meira af
hefðbundnum sjóbirtingagöngum
þar og vonir standa til að veiðar
taki að glæðast.
Smálaxinn er
kominn á stjá
Lítil úrkoma á
Norðausturlandi veldur tjóni á
túnum og lítilli sprettu í Keldu-
hverfi.
„Tún sem höfðu grænkað vel og
sprottið ágætlega eru farin að
brenna,“ segir Þórarinn Þórarins-
son í Vogum í Kelduhverfi.
„Það er búinn að vera dumbungur
í dag og í gær en það er ekki vatnið
sem við þurfum í jarðveginn. Við
þurfum almennilega rigningu,“
segir hann. Undirlag túna í
Kelduhverfi er að mestu sandur og
grunnt á hraun. Því heldur jarðveg-
urinn minna vatni en í sveitunum í
kring þar sem þurrkur hefur valdið
minna tjóni.
Brennd tún í
Kelduhverfi