Fréttablaðið - 29.06.2007, Blaðsíða 60

Eftir tónleika The Rapture síðastliðið þriðjudagskvöld er útlit fyrir held-
ur dræmt tónleikasumar. Ekkert hefur heyrst um Innipúkann og ef af
honum verður er nokkuð ljóst að stóru erlendu nöfnin sem prýtt hafa há-
tíðina síðustu tvö ár munu ekki láta sjá sig. Á Borgarfirði eystra náðu
menn heldur ekki að landa samningum í tíma og því verður ekkert haldið
í líkingu við Belle & Sebastian tónleikana í fyrra. Þeir fyrir austan eru þó
stórhuga og hyggjast koma sterkir inn á næsta ári.
Hvað er þá til ráða fyrir tónleika- og stuðþyrsta Íslendinga? Útlitið
verður að teljast nokkuð slæmt þegar það „forvitnilegasta“ í stöðunni er
þjóðhátíð í Eyjum. Listahátíð ungra Austfirðinga, LungA, er samt vafa-
laust það mest spennandi hérlendis í sumar. Hátíðin fer fram í hinum frá-
bæra bæ Seyðisfirði og þar kemur fram lungi íslenskrar grasrótar. Þessa
sömu helgi fer hins vegar fram hátíð sem ég hygg að margir líti hýru
auga til. Hátíðin sameinar margt sem ætti að vera flestum Íslendingum
vel að skapi; stuð, fjör, góða tónlist, útiveru og almennt kæruleysi. Há-
tíðin sem um ræðir er G! hátíðin í Færeyjum. Hátíðin er haldin í Götu,
heimabæ Eivarar Pálsdóttur, en hátíðin hefur vaxið mjög undanfarin ár.
Alls sækja hátíðina um sex þúsund manns en umhverfi hennar á engan
sinn líka.
Hátíðin hefur það að markmiði að fá til sín rjómann af skandinavískri
tónlist og auk þess stóra alþjóðlega listamenn. Frá Skandinavíu má helst
nefna frá Íslandi Últra mega teknóbandið Stefán, Dr. Spock og Pétur Ben,
Serena Maneesh frá Noregi, Nephew frá Dan-
mörku og Guillemots frá Bretlandi en sú sveit
átti án efa eina af bestu plötum síðasta árs.
Ekki má heldur gleyma öllum fær-
eysku listamönnunum en þar mæli ég
sérstaklega með Boys in a Band sem er
gríðarlega hress og efnileg sveit en hún mun
troða upp á Airwaves í október.
Þó að nöfnin séu reyndar ekki svo
stór eða mikilfengleg þá er það án efa
staðurinn sjálfur og stemningin sem
er það mest heillandi við hátíðina. Að
fara þangað er heldur ekki eins dýrt
og margir myndu ætla. Nú er verið
að bjóða pakka á hátíðina fyrir rétt
rúmar 30 þúsund krónur með öllu
og þeir sem farið hafa á íslenskar
útihátíðir vita að slík fjárhæð er nú
lítið meira en góð skiptimynt.
Allir á G!
Fyrsta breiðskífa hafn-
firsku hljómsveitarinnar
Jakobínarína hefur fengið
nafnið The First Crusade,
eða Fyrsta krossferðin.
Kemur hún út hérlendis og
í Bretlandi 24. september
næstkomandi.
„Nonni [Jón Sæmundur]
var með pælingar um að
við værum í krossferð því
við erum Íslendingar sem
erum alltaf úti,“ segir söngvarinn Gunnar
Ragnarsson um nafnið. „Vinir okkar spurðu
síðan hvort við vildum ekki láta hana bara
heita The First Crusade og okkur leist vel á
það.“
Jón Sæmundur leikstýrði einmitt mynd-
bandi hljómsveitarinnar við lagið Jesus og
hefur jafnframt aðstoð-
að þá félaga í fatavali.
Jakobínarína er á leið-
inni í tónleikaferð um
Bretland eftir viku. Spila
þeir félagar á tíu tón-
leikum á aðeins tveim-
ur vikum og með þeim
í för verður hljómsveit-
in Cajun Dance Party.
„Þetta eru krakkar á
okkar aldri sem voru að
semja við stórt plötufyrirtæki. Þeir hafa vakið
mikla athygli þarna úti,“ segir Gunnar.
Jakobínarína er um þessar mundir að
semja lög fyrir B-hliðar á væntanlegum
smáskífum sínum. Kemur sú næsta, This is
an Advertisment, út 23. júlí næstkomandi.
Krossferð Jakobínarínu
Dizzee Rascal vakti athygli
árið 2003 þegar hann fékk
Mercury-verðlaunin fyrir
fyrstu plötuna sína yngst-
ur vinningshafa í sögu
verðlaunanna. Hann sendi
nýlega frá sér sína þriðju
plötu Maths + English.
Trausti Júlíusson hlustaði
á gripinn og tók stöðuna á
bresku rappi.
Breskt rapp hefur aldrei almenni-
lega slitið barnsskónum. Sveitir
eins og London Posse og Demon
Boyz ruddu brautina á níunda ára-
tugnum, en náðu ekki miklum vin-
sældum. Breska hip-hopið stóð
lengi í skugganum af því amer-
íska og það var ekki fyrr en menn
fóru að gera hlutina öðruvísi sem
breskir rapparar fengu einhvern
hljómgrunn að ráði. Samt hafa
bylgjurnar risið og hnigið mjög
hratt undanfarin ár. Árið 2000 sló
garage-rapp sveitin So Solid Crew
í gegn svo um munaði og í kjöl-
farið fylgdu hjarðir minni spá-
manna. Tveimur árum seinna var
senan dauð. Svo var grime-bylgj-
an á allra vörum, en í dag fer ekki
mikið fyrir henni.
Þó að breska rappið hafi aldrei
náð að verða að sterkri fjölda-
hreyfingu þá hafa breskir rapp-
arar sent frá sér nokkrar af bestu
hip-hop plötum síðustu ára. Það
eru nokkrir yfirburðamenn sem
standa af sér alla tískustrauma og
fjölmiðlafár sem eiga heiðurinn
af þeim. Þarna eru menn eins og
Roots Manuva, félagarnir í New
Flesh, Ty, The Streets, Wiley og
Dizzee Rascal. Eins og áður segir
er þriðja plata Dizzee Rascal,
Maths + English, nýkomin út, en
áður hafði hann sent frá sér tvær
frábærar plötur, Boy In Da Corn-
er sem kom út 2003 og Showtime
sem kom árið á eftir. Þær eiga það
sameiginlegt að vera í senn til-
raunakenndar og fönkí. Meistara-
verk báðar tvær.
Eins og The Streets og reyndar
Lady Sovereign líka þá vakti Dizz-
ee nokkra athygli í Bandaríkjun-
um með Showtime. Maður heyrir á
nýju plötunni að hann hefur verið
með hugann við bandarískt hip-
hop þegar hann gerði hana. Hann
segist hafa verið að hugsa
um að taka plötuna upp
í Atlanta eða Houston,
enda dái hann suður-
ríkjarappið, en svo
hafi hann ákveðið að
loka sig frekar inni
heima í London, laga
sé tebolla og vinna plöt-
una eins og fyrri plöturn-
ar. „Ég ákvað að leika mér
með minni úr bandarísku
rappi,“ segir Dizzee, „en
hjá mér eru þau samt séð
með augum Breta til að ná
þessari fjarlægð sem er
nauðsynleg til að þetta
verði áhugavert.“
Það er fullt af minn-
um úr bandarísku
rappi á Maths + Eng-
lish. Lagið Pussyole
er t.d. ekta „old-skool“
slagari með James
Brown sampli og í
Sirens ómar sírenuvæl. Samt er
tónlistin hrárri, einfaldari og fer-
skari en þessi dæmigerða ofpró-
dúseraða bandaríska rappplata.
Það eru nokkrir gestir á plötunni,
m.a. Alex Turner úr Arctic Monk-
eys og Lily Allen. Maths + English
er flottasta hip-hop platan sem ég
hef heyrt á árinu. Það slæðast að
vísu inn á hana eitt eða tvö slöpp
lög (sérstaklega hið vonlausa Suk
My Dick), en í heildina er þetta
samt frábær plata.
Margverðlaunaður danshöfundur og einn af dómurum So You Think You Can Dance
DANSFESTIVAL DWC
21.-22. JÚLÍ
Allar nánari upplýsingar í síma 553 0000 í World Class, Laugum. Sjá einnig www.worldclass.is
Hefur hlotið American
Dance Music Awards og
MTV Awards, sem besti
danshöfundurinn.
Dan Karaty kemur
sérstaklega á vegum:
NÁMSKEIÐIN ERU
FYRIR ALLA!
SKIPT Í BYRJENDA- OG
FRAMHALDSHÓPA
ÞAÐ HEITASTA
FRÁ NEW YORK
!
VILT ÞÚ EIGA
DANSTÍMA
MEÐ
DAN KARATY?
EINUNGIS ÞESS
A HELGI!
100% SKEMMTU
N
LOFAÐ!!!
SJÓÐHEITAN
Danshöfundur m.a. Jessicu
Simpson, Kylie Minogue og
Britney Spears.
GÓÐUR OG SVALANDI
DANSGLEÐI með: