Fréttablaðið - 27.07.2007, Síða 79

Bandaríski tónlistarmaðurinn
Nico Muhly leikur fyrir gesti í
verslun 12 Tóna í dag. Muhly sendi
í fyrra frá sér geisladiskinn
Speaks Volumes sem fékk frábæra
dóma víðs vegar um heiminn. Það
var fyrirtæki Valgeirs Sigurðs-
sonar, Bedroom Community, sem
gaf diskinn út. Tónlist Nicos má
skilgreina sem nýja kammermúsík
með rafrænu yfirbragði og þóttu
tónleikar hans á Iceland Airwaves-
hátíðinni í fyrra afar frumlegir og
áhugaverðir. Tónleikarnir hefjast
klukkan fimm og eru allir
velkomnir.
Nico í 12 Tónum
„Ég held að Ragnhildur sé svona
„múltítalent“. Það virðist vera
sama hverju hún einbeitir sér að,“
segir tónlistarmaðurinn Þorvaldur
Bjarni Þorvaldsson um Kastljóss-
konuna Ragnhildi Steinunni Jóns-
dóttur. Þorvaldur Bjarni hafði yfir-
umsjón með tónlistinni í
kvikmyndinni Astrópíu sem frum-
sýnd verður í ágúst næstkomandi.
Eins og fram kom í Fréttablaðinu
fyrir skemmstu gerði Ragnhildur
Steinunn sér lítið fyrir og söng
dúett með Helga Björnssyni fyrir
myndina en hún leikur einnig aðal-
hlutverkið. Um er að ræða lagið
Sumarást sem Nancy Sinatra gerði
frægt. Það hefur þó áður verið
sungið á íslensku bæði af Hljóm-
sveit Ingimars Eydal og Rad-
íusbræðrunum Davíð Þór Jónssyni
og Steini Ármanni Magnússyni.
Ragnhildur Steinunn er ekki eina
leikkona myndarinnar sem syngur í
henni því X-factor-kynnirinn Halla
Vilhjálmsdóttir lék sama leikinn.
Þorvaldur Bjarni segir að karlleik-
arar myndarinnar hafi ekki spreytt
sig en þeir Sverrir Þór Sverrisson,
Pétur Jóhann Sigfússon, Jón Gnarr
og Davíð Þór Jónsson fara allir með
hlutverk í myndinni. Þorvaldur úti-
lokar ekki frekara samstarf við
Ragnhildi Steinunni í tónlistinni.
„Já, maður veit aldrei þó að þetta
hafi verið á léttu nótunum. Það er
ólíklegasta fólk sem tekur alls
konar u- og l-beygjur í lífinu.“ Áætl-
að er að Astrópíu-platan komi í
verslanir í næstu viku.
U-beygja Ragnhildar Steinunnar