Fréttablaðið - 03.08.2007, Blaðsíða 8

Hvar er Nýsköpunarmiðstöð
Íslands til húsa?
Hvaða breska sjónvarpsstöð
hyggst bjóða upp á niðurhal
sjónvarpsþátta sinna af netinu?
Á hvaða knattspyrnuvelli
söng Garðar Thor Cortes á
miðvikudagskvöld?
Íslensk heimili greiða lægsta raforkuverð á
Norðurlöndunum. Af 27 ríkjum Evrópusambandsins,
auk Íslands, Króatíu og Noregs, er Ísland með ellefta
ódýrasta raforkuverðið. Rúmenía, Slóvenía, Tékkland
og Finnland eru á svipuðu róli og við.
Tölurnar eru fengnar úr samantekt hagstofu
Evrópusambandsins, Eurostat, og verðskrá Orku-
veitu Reykjavíkur. Fyrir 3.500 kílóvattstundir, sem
er algeng meðalársnotkun heimilis, greiða Íslending-
ar tæpar 36 þúsund krónur. Finnar greiða rúmum
þúsund krónum meira, Svíar um 47 þúsund krónur
og Norðmenn tæplega 60 þúsund. Danmörk er með
hæsta raforkuverðið á Norðurlöndunum, og í Evrópu,
með rúmlega 76 þúsund krónur.
Lægst er verðið í Búlgaríu, rúmar tuttugu þúsund
krónur, og almennt er verðið lægra í
austantjaldslöndunum en annars staðar í Evrópu.
Vegið meðalverð í 27 ríkjum Evrópusambandsins er
um 49 þúsund krónur á ári, töluvert meira en við
greiðum hér.
Í fréttatilkynningu frá Orkuveitunni segir að
ástæðan fyrir miklum mun á verði á Íslandi og í
Noregi sé vegna lélegs vatnsbúskaps vatnsaflsvirkj-
ana sem leiddi til verðhækkana. Mikil skattlagning
kemur Dönum í efsta sætið.
A
T
A
R
N
A
–
K
M
I
/
F
ÍT
Nóatúni 4 • Sími 520 3000
www.sminor.is
Þetta er vél sem hefur
algera sérstöðu.
Fjórtán blettakerfi fyrir
ólíka bletti, t.d. vínbletti,
blóðbletti og grasgrænku.
Tromlan er óvenjustór,
tekur 65 l og hægt er að
þvo í henni allt að 8 kg.
Innra byrði tromlunnar er
með droplaga mynstri
sem fer sérlega vel með
þvottinn. Vélin er mjög
snör í snúningum: 15
mín. hraðkerfi og 60
mín. kraftþvottakerfi
fyrir meðalóhreinan þvott.
Snertihnappar. Stór og
öflugur skjár. Vélin hefur
mjög góða hljóðeinangrun
og er í orkuflokki A+.
Íslenska tvíeykið, Exista
og Kaupþing, er komið með ríf-
lega fjórðungshlut í Storebrand,
næststærsta fjármálafyrirtæki
Noregs. Eykur það líkurnar á því
að félögin taki yfir Storebrand
sem kallað hefur verið hið munað-
arlausa tryggingafélag.
Exista, sem er stærst í Kaupþingi
og finnska fjármálafyrirtækinu
Sampo, jók hlut sinn í Storebrand
um 0,6 prósent í fyrradag og á
orðið 5,56 prósenta hlut sem
metinn er á 13,7 milljarða króna.
Exista á einnig VÍS að öllu leyti.
Kaupþing er eftir sem áður stærsti
eigandinn í norska félaginu með
fimmtungshlut sem metinn er á
tæpa fimmtíu milljarða króna.
Hlutabréf í Storebrand, sem er
leiðandi á sviði lífeyris- og líf-
trygginga í Noregi, hafa einnig
safnast á hendur annarra íslenskra
fjárfesta. Þannig á TM 0,3 pró-
senta hlut.
Sigurður Nordal, framkvæmda-
stjóri samskiptasviðs Existu, segir
að félagið hafi átt hlut í Store-
brand um nokkurt skeið og hann
hafi skilað góðum arði. Kaupin séu
því ekki skyndiákvörðun.
Meðalkaupgengi þeirra bréfa,
sem eru í höndum Existu, er um
76,25 norskar krónur á hlut. Store-
brand hækkaði um sex prósent í
norsku kauphöllinni í gær og var
lokagengið 93,5 norskar krónur.
Getum er leitt að því í erlendum
fjölmiðlum að Exista eigi fjögur
prósent til viðbótar í gegnum hlut
sem Morgan Stanley keypti. Sig-
urður segir að félagið tjái sig ekki
um getgátur sem þessar.
Hreiðar Már Sigurðsson, for-
stjóri Kaupþings, sagði í samtali
við Fréttablaðið í síðustu viku að
engar ákvarðanir hefðu verið
teknar um hvort bankinn hygðist
sækja um heimild til norska fjár-
málaeftirlitsins eftir auknum hlut
í Storebrand. -
Yfirtaka talin líkleg
Fjórir sóttu um
embætti dómara við Hæstarétt
Íslands, sem auglýst var laust til
umsóknar frá 1. september
næstkomandi, en umsóknarfrest-
urinn rann út á þriðjudag.
Umsækjendurnir fjórir eru:
Páll Sveinn Hreinsson, prófessor
og deildarforseti lagadeildar
Háskóla Íslands; Viðar Már
Matthíasson, prófessor við
lagadeild Háskóla Íslands;
Þorgeir Örlygsson, dómari við
EFTA-dómstólinn í Lúxemborg;
og Sigríður Ingvarsdóttir,
héraðsdómari við Héraðsdóm
Reykjavíkur.
Björn Bjarnason dómsmála-
ráðherra mun skipa í embættið.
Fjórir sóttu um
„Þetta var leiðinleg
aðkoma,“ segir Sigrún Sverris-
dóttir, gjaldkeri hjá Hróa hetti í
Hafnarfirði.
Í gær þegar starfsfólk Hróa
hattar kom til vinnu hafði óprútt-
inn aðili eða aðilar krotað á
rúður veitingastaðarins ásamt
því að krota á bíla fyrirtækisins.
Sigrún segir að veitingastað-
urinn sé ekki einn um að hafa
lent í þessu kroti. „Það er
rauður sendibíll hérna hinu
megin við götuna sem er allur
útkrotaður í hvítri málningu,“
segir Sigrún. Lögreglunni var
tilkynnt um málið.
Krotað á Hróa
„Það er betra en ekki
að koma Byggðastofnun aftur í
starfhæft ástand. Það hefur legið
fyrir lengi að annað hvort yrði að
hressa fjárhag hennar eða loka
henni,“ segir Steingrímur J.
Sigfússon, formaður Vinstri
hreyfingarinnar - græns framboðs
og alþingismaður.
Í gær var kynnt ákvörðun um
að aflétta öllum skuldum
Byggðastofnunar, alls 1.200
milljónum króna. Einnig var
tilkynnt að stofnunin skyldi fá 200
milljónir króna á næstu tveimur
árum til að styðja við atvinnu-
þróunarfélög á landsbyggðinni.
„Ég hef miklar efasemdir um
þessar aðgerðir iðnaðarráðherra,“
segir Sigurður Kári Kristjánsson
alþingismaður. „Mér finnst afar
vafasamt að fara út í sértækar
aðgerðir eins og þessar. Ég er
þeirrar skoðunar að sömu
leikreglur eigi að gilda í
atvinnurekstri á landsbyggðinni
og á höfuðborgarsvæðinu.“ Ef
menn á annað borð vilji grípa til
sértækra aðgerða hefði verið hægt
að gera mun skynsamlegri hluti en
að leggja 1.400 milljónir til
Byggðastofnunar. „Stofnunin
hefur tapað óheyrilegum fjár-
munum sem hafa verið lagðir til
hennar úr höndum skattgreiðenda.
Nýjasta dæmið er þegar hún
fjárfesti í hlutabréfum í útgerðar-
fyrirtæki fyrir vestan sem var lýst
gjaldþrota þremur vikum síðar.
Maður hefði haldið að slík aðgerð
ætti að vera nægilegt við-
vörunarljós framan í hinn nýja
iðnaðarráðherra. Ég hefði haldið
að hann hefði átt að hefja sinn feril
með því að leggja þessa stofnun
niður,“ segir Sigurður Kári.
„Það er löngu tímabært að menn
taki af skarið um Byggðastofnun
en mér finnst það óskylt því
verkefni sem svo er framundan.
Hér er meira verið að gera upp
syndir fortíðar en að bregðast við
niðurskurði á þorski,“ segir
Steingrímur. „Þó standa eftir
þessar 200 milljónir sem eiga að
fara í sérstök verkefni. Það er
viðleitnisvottur en það verður
ósköp lítið gert fyrir þetta. Ætli
200 milljónir dugi ekki til að kaupa
70 tonn af veiðiheimildum í þorski,
svo maður setji þetta í eitthvað
samhengi.“
Sigurður Kári segist hafa samúð
með landsbyggðinni. „En ég hef
líka samúð með skattgreiðendum
sem hafa farið illa út úr samskiptum
sínum við Byggðastofnun.“
Steingrímur segir gagnrýni
Vinstrihreyfingarinnar á ríkis-
stjórnina vegna mótvægisaðgerða
standa áfram. „Við gagnrýnum að
stjórnvöld hafi ekki haft hraðari
hendur og unnið markvissar. Ekki
hefur litið dagsins ljós heildstæð
aðgerðaáætlun. Óvissan hangir
enn yfir.“
Landsbyggðin lifir í óvissu
Byggðastofnun fær 1.400 milljónir króna á næstu árum. Steingrímur J. Sigfússon telur að enn þurfi heild-
stæðari mótvægisaðgerðir. Eftir standi 200 milljónir í sérstök verkefni sem dugi fyrir 70 tonnum af veiði-
heimildum í þorski. Sigurður Kári Kristjánsson hefði frekar viljað að stofnunin yrði lögð niður.