Fréttablaðið - 03.08.2007, Blaðsíða 34

BLS. 10 | sirkus | 3. ÁGÚST 2007
Æ tli ég sé ekki bara mismun-andi týpa eftir dögum,“ segir leikarinn Bjartmar Þórðar-
son spurður um eigin fatastíl. „Stund-
um er sálin í pönkuðu afaskapi og þá
bregð ég mér í gollu, gaddabelti, skyrtu
og támjóa skó og skreyti herlegheitin
með lakkrísbindinu góða. Aðra daga
eru það stórir hvítir strigaskór og der-
húfa, buxur með klofið milli hnjánna
og víðar peysur í neonlitum,“ segir
Bjartmar og viðurkennir að hafa geng-
ið í gegnum alls konar misgáfuleg
tískutímabil. „Hver vill ekki gleyma
buffalotímabilinu eða því þegar allir
áttu röndóttar útvíðar buxur? Þetta
kemur samt allt aftur, það eru ekki
mörg ár síðan allir bölvuðu gulrótar-
buxunum og krumpugöllum í neonlit-
um. Núna er þetta hátíska.“
Bjartmar hefur gaman af að kaupa
föt í hinum ýmsu stórborgum en Top
Shop á Oxford-stræti er í sérstöku
uppáhaldi. Fataskápurinn ætti því að
fá andlitslyftingu í haust því Bjartmar
stefnir á að flytja til London í septem-
ber til að halda í framhaldsnám í leik-
list og leikstjórn. „Top Shop á Oxford-
stræti er sérstök fyrir það að þar fá
ungir hönnuðir að spreyta sig. Þar er
hægt að finna allt, ný og notuð föt í
bland við tilraunakennd föt sem verið
er að sjá hvort seljist áður en fötin eru
send í hinar Top Shop-búðirnar,“ segir
Bjartmar, sem hefur einnig notið góðra
fatakaupa í New York og Istanbúl. „Ég
keypti eina uppáhaldsflíkina mína á
markaði í Istanbúl þegar við félagarnir
fórum í ævintýraferð til Tyrklands. Það
er svarthvít Guffapeysa sem fylgdu tíu
tússlitir svo eigandinn geti dundað sér
sjálfur við að lita flíkina,“ en Bjartmar
játar að litagleði hafi áhrif á fatavalið.
„Ég klæðist sumarlegum fötum bæði á
sumrin og veturna og skora á fólk að
gera slíkt hið sama til að lífga upp á
skammdegið með hressilegum litum.“
Í gulrótarbuxum
með lakkrísbindi
Í FOKDÝRUM FÁNALITUM „Þetta er
svakaleg peysa sem ég fékk í Spúútnik.
Hún er í fánalitunum og annaðhvort
finnst fólki hún æðisleg eða ógeðsleg.“
Ég borgaði fúlgu fyrir hana. Alltof mikið
miðað við hvað maður á að eyða í föt.”
TÚSSLITAPEYSA FRÁ ISTANBÚL Dúllar sér
með rauðan tússlit. Bjartmar ætlar sér
rúm fimm ár í að klára að tússlita þessa
forlátu Guffapeysu sem hann keypti sér í
ævintýraferð í Istanbúl. Frábærlega
sniðug peysa sem hægt er að breyta að
vild, eftir því sem tússpennarnir leyfa.
GJÖF FRÁ KÆRASTANUM „Þetta er svona
pönkuð afapeysa úr All Saints. Mjög
eiguleg flík en það sem heillar mig við
hana eru öll smáatriðin, til dæmis eru
engar tvær tölur eins. Það gefur
peysunni extra gildi að ég fékk hana í
gjöf frá manninum.“
SIRKUSMYND/VALLI
HEIÐGULIR
SUMAR-
SKÓR “Ég
keypti
þessa skó í
Top Shop í
London.
Þeir eru
svo gulir að
fólk snýr
sig úr
hálslniðn-
um til að
horfa á
þá,“ en
þess má
geta að
Bjartmar á
fimm alveg
eins skópör
í mismun-
andi litum.
BJARTMAR ÞÓRÐARSON HEFUR GENGIÐ Í GEGNUM MISGÁFULEG TÍSKUTÍMABIL OG HEFUR GAMAN AF ÞVÍ
AÐ KAUPA FÖT Í STÓRBORGUM. HANN HYGGST FLYTJA BÚFERLUM TIL LONDON Í HAUST
PÍNULÍTIÐ PÓLITÍSKUR Bjartmar fékk
þennan grænbláa Palestínuklút í London.
„Hann er glaðlegur en pínulítið pólitískur
því hann minnir á Ísrael-Palestínu.
deiluna. Eiginlega finnst mér eins og ég
sé persóna í Gasa söngleik þegar ég
klæðist honum, sem er mjög steikt.”