Fréttablaðið - 11.10.2007, Blaðsíða 34

11. OKTÓBER 2007 FIMMTUDAGUR2 fréttablaðið blessuð börnin
Leynifélagið er nýr barna-
þáttur á Rás eitt sem heldur
reglulega leynifundi í allan
vetur.
Fyrsti fundur Leynifélagsins
var haldinn 10. september síðast-
liðinn og tók við af barnaþættinum
Vitanum sem hefur verið á dagskrá
Ríkisútvarpsins í tæp átta ár.
Þær Kristín Eva Þórhallsdóttir
og Brynhildur Björnsdóttir leiða
fundi Leynifélagsins sem hefjast
stundvíslega klukkan átta á kvöld-
in, frá sunnudegi til miðvikudags.
„Hverjum fundi er útvarpað
beint til leynifélaga um allt land.
Allir geta gerst leynifélagar en
þættirnir eru kannski helst stíl-
aðir inn á krakka á aldrinum sex
til tíu ára. Einnig mælumst við til
þess að fullorðnir hlusti í fylgd
með börnum,“ segir Kristín Eva og
bætir við að leynifélagar erlendis
geti einnig hlustað í gegnum netið
bæði í beinni útsendingu og á eldri
þætti.
„Öll þessi íslensku börn sem búa
erlendis, annað hvort vegna starfs
eða náms foreldra, geta hlustað
og þannig heyrt og haldið við ís-
lenskunni. Einnig eru leynifélags-
fundir góðir fyrir erlend börn sem
eru búsett á Íslandi til þess að þau
geti lært málið enn betur,“ segir
Kristín Eva.
Leynifélags þættirnir eru hálf-
tíma langir og taka fyrir allt sem
viðkemur börnum og barnamenn-
ingu. „Okkur er ekkert óviðkom-
andi. Við förum inn í samfélag
barna og fylgjumst með því sem
þau eru að gera og heyrum í þeim.
Við tökum fyrir nýjar bækur, menn-
ingu og myndlist, ásamt tómstund-
um, sundi, fótbolta og þess háttar.
Síðan er alltaf lesin framhaldssaga
í hverjum þætti og að þessu sinni
er það Elsku Míó minn eftir Astrid
Lindgren, sem Þorleifur Hauks-
son les. Á sunnudögum hvílum við
framhaldssöguna og erum með
sérstaka fræðsluþætti. Þar höfum
við meðal annars verið að fjalla um
jörðina frá ýmsum sjónarhornum,“
útskýrir Kristín Eva.
Leynifélagið er á dagskrá klukk-
an átta á kvöldin og þar hefur
barnaefninu verið seinkað um
klukkutíma vegna mikillar eftir-
spurnar frá foreldrum og börnum.
„Útvarpinu bárust kvartanir
vegna þess að barnaefnið var allt-
af klukkan sjö. Þá er mikið ann-
ríki á heimilum í kringum kvöld-
mat og undirbúning fyrir háttinn
svo þessu var breytt. Enda hafa
foreldrar það hlutverk að draga
börnin að viðtækinu og verða að
hafa tíma til þess. Núna er hægt að
kveikja á tækinu og taka með sér
leynifund í háttinn,“ segir Kristín
Eva og bætir við: „Langflest-
um krökkum finnst gott að hlusta
og það er mun rólegri afþreying
en sjónvarp og tölvuspil. Þáttur-
inn er á rólegu nótunum og gefur
ímyndunarafli barnanna lausan
tauminn. Síðan endar hann á fram-
haldssögunni enda finnst flestum
börnum mjög gott að láta lesa fyrir
sig fyrir háttinn.“
Leynifélagar geta sent bréf og
tölvupóst á leynifélagsfund og
Kristín Eva segir þættinum þegar
hafa borist mörg skemmtileg bréf.
„Við lesum upp úr bréfunum
í þættinum svo við hvetjum alla
leynifélaga, bæði hérlendis og er-
lendis, til að láta í sér heyra.“
Netfangið er leynifelagid@ruv.
is og póstfangið er Leynifélagið,
RÚV, Efstaleiti 1, 103 Reykjavík.
rh@frettabladid.is
Algjört leyndó
Þær Brynhildur Björnsdóttir og
Kristín Eva Þórhallsdóttir leiða fundi
Leynifélagsins á Rás eitt í vetur.
FRÉTTABLAÐIÐ/VALLI
Bangsi bestaskinn
Þessi krúttlegi bangsa-
strákur er einstaklega
mjúkur og er með
bakpoka. Fæst
einnig í bleikum
buxum í Lene Bjerre
á 1.610 kr.
Bangsasnagi útskorinn úr tré.
Tilvalinn fyrir litla fingur að
hengja klæðin sín á. Einnig
eru til snagar með þremur
hönkum. Fæst í Lene Bjerre og
kostar 1.500 kr.
Flestir hafa einhvern tíma á lífsleiðinni átt sinn
uppáhaldsbangsa sem gott var að knúsa og
kúldrast með.
Mikið úrval er af tuskudýrum í margs konar litum,
stærðum og af ýmsum tegundum. Gamli góði bangs-
inn stendur hins vegar alltaf fyrir sínu og er kjörinn
svefnfélagi með sínar mjúku línur. Auk þess er hægt
að fá ýmiss konar fylgihluti með bangsamyndum sem
gaman getur verið að prýða barnaherbergi með. - hs
Þessi stóri og myndarlegi
bangsi er klassískur með
sínar mjúku línur og
ljósbrúna lit. Hann
fæst í Tekk-
Company á
7.500 kr.
Lítill bangsaengill með silfraða
vængi og kodda. Er með hanka
sem hægt er að hengja hann upp
á. Hann hentar til dæmis vel
til að skreyta vöggur eða
rúm. Fæst í Lene
Bjerre á
980 kr.