Fréttablaðið - 11.10.2007, Blaðsíða 67

Fyrsta umferð Iceland
Express-deildar karla í körfubolta
hefst í kvöld kl. 19.15 með fjórum
leikjum.
Teitur Örlygsson, þjálfari Njarð-
víkinga, getur ekki beðið eftir því
að mótið hefjist. „Loksins, segi ég
bara, sama þótt ég væri svo sem
alveg til í að fá aðrar tvær vikur
með liðið fyrir mót. Það var mikil
óvissa hjá okkur og við komum
frekar seint saman en þetta er allt
á réttri leið,“ sagði Teitur sem er
sérstaklega glaður að fá Friðrik E.
Stefánsson aftur til leiks eftir
veikindi.
„Friðrik verður að finna sig
sjálfur í þessu, en hann æfði með
okkur á þriðjudag og þá fundum
við fyrir því hvað liðið saknaði
hans mikið. Hann er ekki bara frá-
bær leikmaður, heldur gerir hann
líka alla í kringum sig betri. Það
eru reyndar miklar breytingar á
liðinu og við höfum misst átta leik-
menn frá síðasta tímabili, en
höfum fengið Ágúst Dearborn,
Sverri Þór Sverrisson, Hörð Axel
Vilhjálmsson og Charleston Long í
staðinn og við gerum bara gott úr
þessu,“ sagði Teitur sem býst við
hörkuleik á móti Snæfelli.
„Við töpuðum fyrir þeim í
Powerade-bikarnum um daginn og
það verður bara að segjast eins og
er að mér fannst þeir vera langt á
undan okkur og mun samæfðari.
Þeir eru með mjög gott lið og eru
eitt af þeim liðum sem geta farið
alla leið en deildin er almennt
orðin mjög sterk og það verður
mikið af járn-í-járn leikjum í
vetur,“ sagði Teitur en Njarðvík
var á dögunum spáð fjórða sæti af
þjálfurum, fyrirliðum og forráða-
mönnum liða deildarinnar.
Geof Kotila, þjálfari Snæfells,
talaði á svipuðum nótum og Teitur.
„Ég held að hvert lið verði að
mæta ákveðið til leiks í hvern leik,
annars tapar það klárlega, vegna
þess að það eru núna 7-8 lið sem
eiga möguleika á að ná langt,“
sagði Kotila sem fannst þó spá
þjálfara, fyrirliða og forráða-
manna liða í deildinni, þar sem
Snæfellingar voru settir í annað
sæti, heldur djörf.
„Það er allt of hátt. Powerade-
titillinn sem við unnum á dögun-
um gegn KR hefur ekkert að segja
um deildina í vetur, þar sem liðin
eru ekkert komin í gang á þessum
tímapunkti, en auðvitað ætlum við
að gera okkar besta,“ sagði Geof
Kotila að lokum.
Fyrsta umferð Iceland Express-deildar karla fer fram í kvöld með fjórum leikjum og hefur KR titilvörnina
gegn Fjölni á heimavelli en Njarðvík og Snæfell mætast í stórleik umferðarinnar í Njarðvík.
Fjölnismenn hafa
fundið nýjan Bandaríkjamann í
staðinn fyrir David Fanning, sem
yfirgaf liðið eftir stutta veru hér
á landi.
Nýi maðurinn heitir Karlton
Mims og er 27 ára og 189 sm
bakvörður sem er að upplagi
leikstjórnandi en getur einnig
spilað skotbakvörð. Á síðasta
tímabili skoraði hann 12,1 stig og
gaf 2,8 stoðsendingar að meðaltali
með Porvoon Tarmo í finnsku
úrvalsdeildinni.
Tarmo-liðið endaði í 7. sæti og
datt út fyrir verðandi meisturum
í Honka í úrslitakeppninni en þar
skoraði Mims þó aðeins 5,7 stig að
meðaltali og klikkaði á 20 af 26
skotum sínum.
Fjölnisliðið með
nýjan Kana