Fréttablaðið - 19.10.2007, Qupperneq 20
taekni@frettabladid.is
Tónlistin streymir eins og vatn á netinu
Leikjasetur hérlendis, þar
sem fólk hittist og spilar
saman tölvuleiki, hafa lagt
upp laupana hvert á fætur
öðru undanfarin ár. Það
eina sem eftir stendur er
Ground Zero við Ingólfs-
torg, sem hefur verið starf-
andi síðan 2002. Eigandinn
segir félagsskapinn og
stemninguna trekkja tölvu-
leikjaspilara að.
„Ég held að helstu ástæðurnar
fyrir langlífi okkar séu mikil vinna
og góð staðsetning,“ segir Sigurð-
ur Jónsson, annar eigandi Ground
Zero, leikjasetursins við Ingólfs-
torg. „Við höfum rekið okkur á
ýmsar þúfur á leiðinni og lærum
alltaf af reynslunni. Síðast en ekki
síst höfum við stefnt að því að
halda verðinu niðri með því að
hafa margar tölvur í boði.“
Staðurinn er titlaður leikjasetur
og netkaffihús en Sigurður segir
flesta koma til að spila leiki. Ein-
hver hluti viðskiptavina sé ferða-
menn sem þurfa að komast á netið,
og staðsetningunni sé helst að
þakka fyrir það.
„Við erum með ansi breiðan hóp
af fólki sem kemur hingað að spila,
alveg frá unglingum og upp í fólk
á þrítugsaldri. Flestir eru að spila
Counter-Strike, Battlefield 2142
og World of Warcraft. Það eru
stærstu leikirnir.“
Staðurinn státar af fimmtíu
tölvum en Sigurður segir áformað
að skipta þeim öllum út fyrir
nýjar. „Við erum að uppfæra til að
tölvurnar ráði við nýjustu leikina,
og ætlum að fjölga þeim í 64 á
næstu vikum.“
En hvers vegna fer fólk í leikja-
setur til að spila tölvuleiki þegar
það getur spilað þá heima hjá sér?
Sigurður segir að sumir spili í
Ground Zero einmitt til þess að
þurfa ekki að eiga og viðhalda
tölvu heima hjá sér sem er hæf til
að spila nýjustu leikina, en félags-
skapurinn og stemningin dragi
fólk líka að.
„Mikið af fólkinu sem spilar
hérna á mjög góðar tölvur heima
hjá sér en kemur hingað út af
félagsskapnum. Þó að menn séu að
koma einir þá er ákveðin stemn-
ing hérna inni sem er ekkert heima
hjá þér. Fólk talar saman og kynn-
ist hvert öðru út frá þessum leikj-
um sem er verið að spila.“
Sækja í félagsskapinn og
tölvuleikjastemninguna
Leopard, nýjasta útgáfa Mac OS X
stýrikerfisins frá Apple, kemur út
þann 26. október næstkomandi.
Útgáfu þess var frestað um fjóra
mánuði vegna vinnu Apple við
iPhone-símann, en nú er fimmta
uppfærsla stýrikerfisins loksins á
leiðinni.
Meðal helstu nýjunga í Leopard
er Time Machine, forrit sem tekur
reglulega afrit af gögnum tölv-
unnar og leyfir notandanum að
skoða eldri útgáfur skjala, nýtt
Finder-skráaskoðunarforrit og
Spaces, forrit sem býr til „skjá-
borðsrými“ þannig að hægt sé að
koma betra skipulagi á forritin
sem eru í gangi.
Mac OS X er arftaki uppruna-
lega Mac OS stýrikerfisins, og
kom fyrsta útgáfan út árið 2001.
Uppfærslurnar, sem koma á eins
til tveggja ára fresti, eru yfirleitt
nefndar eftir stórum kattardýrum
eins og Cheetah, Jaguar, Panther
og Tiger.
Ólíkt nýjustu útgáfu Windows-
stýrikerfisins, Vista, er Leopard
aðeins til í einni heimilisútgáfu
sem fylgir öllum seldum
Macintosh-tölvum. Eitt leyfi kost-
ar 12.900 krónur í Apple IMC.
Þvottavél verð frá kr.:
99.900
Íslenskt stjórnborð
Íslenskar leiðbeiningar
Stórt hurðarop
20 ára ending
Eirvík kynnir
sportlínuna
frá Miele
Miele gæði
AFSLÁTTUR30%