Fréttablaðið - 19.10.2007, Qupperneq 40

19. OKTÓBER 2007 FÖSTUDAGUR2 fréttablaðið miðborgin
Tinna Hrafnsdóttir leikkona
hafði þá skemmtilegu sumar-
vinnu fyrir nokkrum árum að
fræða Vinnuskólakrakka um
list í miðbæ Reykjavíkur. Hún
sá bæinn sinn í nýju ljósi þetta
sumar, með augum ferða-
mannsins, og á sér nokkur
uppáhaldsverk eftir þessa
reynslu.
„Uppáhaldið mitt í miðbænum er
Listasafn Einars Jónssonar við
Njarðargötu en það er alveg magn-
að,“ segir Tinna. „Ég man þegar
ég kom þangað í fyrsta skiptið og
hafði ekki hugmynd um hversu
stórkostleg verkin hans eru. Hann
sækir svo mikið í sögur úr goða-
fræðinni og slíku þannig að ég
myndi segja að hann væri mitt
uppáhald. Húsið sjálft er eitt og
sér heilt listaverk en hann hann-
aði það og teiknaði sjálfur,“ bætir
hún við.
„Í Hallgrímskirkju held ég
mikið upp á steinda gluggann sem
er eftir Leif Breiðfjörð. Það er
alveg rosalega gaman að fara inn
í Hallgrímskirkju og sjá gluggann
innan frá því það er ekki hægt að
njóta hans eins vel að utan,“ segir
Tinna og bætir við að glugginn
segi sögu kristinnar trúar.
Tinna nefnir einnig listaverk
sem er vel falið á horni Spítala-
stígs og Þingholtsstrætis og er
eftir leikstjórann Óskar Jónasson.
„Verkið er mynd af karli og ein-
hvers staðar heyrði ég að það væri
sjálfsmynd sem hann hafi gert
fyrir mörgum árum. Það eru engir
gluggar á þessum vegg heldur að-
eins þetta eina listaverk hátt uppi
þannig að ég er ekkert viss um að
allir sjái það,“ segir Tinna sem
einnig hefur gaman af góðu graffi.
„Það eru tvö verk sem mér finnst
mjög skemmtileg í miðbænum.
Annars vegar er mjög skemmtileg
mynd á húsi Máls og menningar
og svo er annað á gamla Ramma-
gerðarhúsinu en það er mynd af
Íslandi.“
Loks minnist Tinna á Iðnó sem
hún segir í heild sinni vera eitt
stórt listaverk. „Þetta er gamalt
hús í sinni upprunalegu mynd þar
sem hver lína er útpæld,“ segir
hún en leiðangurinn gekk einmitt
út á að sýna krökkunum list í sinni
margbreytilegu mynd. „Þetta var
alveg frábær sumarvinna þar
sem við gengum um miðbæinn
frá klukkan níu til eitt og skoðuð-
um listaverk. Ég sá bæinn í öðru
ljósi eftir þessa reynslu og upp-
lifði mig dálítið sem ferðamann í
eigin borg,“ segir Tinna og bætir
því við að ef maður setur sig í
þær stellingar að vera ferðamað-
ur þá horfi maður allt öðruvísi í
kringum sig og þá komi ýmislegt
í ljós.
sigridurh@frettabladid.is
Falin list í miðborginni
Tinna hrífst gjarnan af fallegu graffi og
bendir á þetta verk sem er á húsi Máls
og menningar sem eitt af skemmtileg-
um verkum í Reykjavík.
Steindur gluggi eftir Leif Breiðfjörð í
Hallgrímskirkju er eitt af uppáhalds-
verkum Tinnu í miðborg Reykjavíkur.
FRÉTTABLAÐIÐ/GVA
Tinna Hrafnsdóttir leikkona er mikill aðdáandi Einars Jónssonar og segir list hans hreint stórkostlega. FRÉTTABLAÐIÐ/HÖRÐUR
Listagallerí í miðbæ Reykjavík-
ur eru full af spennandi sýning-
um, ekki síst vegna listahátíðar-
innar Sequences. Sýningarnar
sem minnst er á hér fyrir neðan
eru aðeins hluti af því sem er í
boði.
Listasafn Íslands. Listamað-
urinn Curver Thoroddsen sýnir
raunveruleikagjörning sem nefn-
ist Drasl til sölu og er kompu-
sala.
Gallerí Auga fyrir auga,
Hverfisgötu 35. Inga Sólveig
Friðjónsdóttir sýnir ljósmyndir
eftir sig.
Hafnarhúsið. Gjörningaklúbb-
urinn sýnir afrakstur rúms ára-
tugar hér á fyrstu yfirlitssýningu
sinni. Sýningunni lýkur sunnu-
daginn 21. október.
Gallerí Ágúst, Baldursgötu 12,
tekur þátt í Sequences-listahá-
tíðinni með dagskrá myndbands-
verka, þar sem eitt myndbands-
verk verður sýnt á dag.
Turpentine Gallery, Ingólfs-
stræti 5. Myndlistarmað-
urinn Sigurður Árni Sig-
urðsson opnar sýningu
klukkan 17.00, þar sem
hann stillir saman ólík-
um miðlum: gleri, mál-
verki, teikningum og
skúlptúr.
Gallerí i8, Klapparstíg
33. Myndlistarmaðurinn
Eggert Pétursson sýnir verk sín.
Viðfangsefnið er íslenskur gróð-
ur. Sýning stendur yfir til 27. okt-
óber.
Gallerí Tukt í Hinu húsinu í
Pósthússtræti. Sýning undir yf-
irskriftinni „Fríða og dýrið“.
Kynning á þeim listmunum sem
voru skapaðir í vinnubúðum
sumarsins.
Gallerí Sævars Karls,
Bankastræti 7. Karl Jó-
hann Jónsson sýnir mál-
verk í galleríinu til 20.
október.
Listasýningar í
miðbænum
Yfirlitssýning Gjörningaklúbbsins
stendur yfir í Hafnarhúsinu.
Curver sýnir í Lista-
safni Reykjavíkur.
Auglýsingasími
– Mest lesið