Fréttablaðið - 19.10.2007, Qupperneq 44

19. OKTÓBER 2007 FÖSTUDAGUR6 fréttablaðið miðborgin
Rokkararnir eiga sitt athvarf í Kolaportinu.
Þessir gylltu lokkar passa
vel við svart og sítt.
Kolaportið er
hvort tveggja
í senn, fullt af
lífi og litum
og fast í sömu
skorðum. Þar er
nefnilega alltaf
eitthvað nýtt
að sjá og jafn-
framt gengur fólk að vissum hlutum
vísum. Þar er ys og þys um helgar og
þar fá augun aldrei hvíld.
Endalaust er hægt að gramsa í Kolaport-
inu og oft má gera kjarakaup. Fullir höldu-
pokar af fatnaði fást fyrir 500-kall og for-
vitnilegar bækur á slikk. Raftæki og bús-
áhöld sem tilheyra fortíðinni í huga okkar
birtast eins og gamlir kunningjar og eiga
enn fullkominn tilverurétt þegar að er gáð.
Antikin alltaf á sínum stað. Skódeildin og
lakkrísinn líka.
Matarhornið í Kolaportinu dregur til sín
fjölda fólks enda er matur mannsins megin.
Soðbrauðið að norðan og Selfosssnúðarnir
eru ómissandi í innkaupapokann og ef flat-
kökurnar eru uppseldar er illt í efni. Hvergi
er harðfiskurinn betri og hákarlinn hans
Hildibrands í Bjarnarhöfn auðvitað orðin
alger klassík. Margir koma við í veitinga-
horninu enda marensterturnar ómótstæði-
legar og ísinn freistar barnanna.
Kolaportið endurspeglar hin mörgu
andlit þjóðarinnar og því má líkja því við
mannfræðirannsókn að stíga fæti þangað
inn. - gun
Líflegur heimur
Skartið fangaði augu ljósmyndarans og linsunnar.
Sjávarfangið stendur alltaf fyrir sínu, svo sem
harðfiskur og graflax. Það veit þessi íbyggni kaup-
maður.
Bókatitlarnir skipta þúsundum.
Hann heldur dyggan vörð um Kolaportið þessi dáti
úr Army-deildinni. FRÉTTABLAÐIÐ/VILHELM
Þótt mann vanti ekkert þá er alltaf gaman að
skoða.
Fróðleiksþyrstir finna margt forvitnilegt að lesa.