Fréttablaðið - 30.10.2007, Síða 6

Lögreglan á
höfuðborgarsvæðinu hafði
afskipti af þrjátíu manns vegna
óláta og óspekta um helgina.
Sextán áttu erfitt með að haga sér
eðlilega aðfaranótt laugardags og
fjórtán nóttina á eftir. Tuttugu og
níu þeirra voru karlmenn og
langflestir á þrítugsaldri, eftir
því sem segir í tilkynningu.
Meðal þess sem fólkið gerði af
sér var að kasta af sér þvagi á
almannafæri, henda rusli, trufla
umferð og kasta grjóti. Einn var
handtekinn fyrir að trufla störf
lögreglumanna, en hann sagðist
ekki ætla að hætta því nema hann
yrði handtekinn. Honum varð að
ósk sinni.
Þrjátíu teknir
fyrir óspektir
Tugir starfs-
manna hjá Straumi-Burðarási fá
laun sín greidd í evrum, eða um
þriðjungur. Langflestir þeirra eða
alls 38 starfsmenn fá helming
launa sinna, þrjá fjórðu eða 100
prósent í evrum. Aðeins sjö starfs-
menn fá aðeins fjórðung launa
sinna í evrum.
Straumur-Burðarás varð fyrst
íslenskra fyrirtækja til að gefa
starfsmönnum kost á að taka laun
í erlendum gjaldmiðli. Jóhanna
Vigdís Guðmundsdóttir, forstöðu-
maður samskiptasviðs, segir að
ekkert þak sé á hlutfallinu.
Straumur-Burðarás sé alþjóðlegt
fyrirtæki.
„Fólk gerir þetta yfirleitt í beinu
samhengi við þær skuldbindingar
sem það hefur í erlendum lánum
og það er ákveðin trygging þar,“
segir hún og hefur af þessu góða
reynslu, tekur sjálf laun að fullu í
evrum. „Þetta er fyrst og síðast
persónulegt val og hefur reynst
mér prýðilega.“
Sú þróun að fá greidd laun í
evrum virðist skammt á veg
komin hjá öðrum fyrirtækjum.
Benedikt Sigurðsson, upplýsinga-
fultrúi hjá Kaupþingi, segir að
þessi ósk hafi ekki komið fram
svo hann viti en yrði ábyggilega
skoðuð hjá hverjum og einum ef
þess yrði óskað.
Baldur Guðnason, forstjóri Eim-
skips, segir að hugmyndin hafi
ekki verið rædd innan fyrirtækis-
ins. „Ég tel að meðan fyrirtæki er
með tekjur í íslenskum krónum sé
eðlilegt að greiða í íslenskum
krónum en svo er þetta spurning
um upptöku á evrunni,“ segir
hann.
Matthías Imsland, forstjóri Ice-
land Express, segir að félagið hafi
um helming tekna sinna í erlend-
um gjaldeyri. Krónan geri fyrir-
tækinu lífið erfitt. Greiðslur í
evru hafi ekki komið til skoðunar
„en það er ljóst að við þurfum að
skoða okkar gang varðandi allt
tengt þessum málum,“ segir hann
og telur koma til greina að greiða
starfsmönnum í evrum.
Stefán Aðalsteinsson, fram-
kvæmdastjóri BHM, bendir á
gengisáhættu sem fylgi því að
taka laun í evrum nema það sé á
móti húsnæðislánum í erlendri
mynt. „Við kaupum allt í íslensk-
um krónum og því væri þetta bara
gengisáhætta frá okkar bæjardyr-
um séð nema þetta væri valkvætt
og gæti verið með á móti lánum.“
Eins og fram hefur komið í
Fréttablaðinu ætlar Marel að gefa
starfsmönnum sínum kost á því að
fá laun í evrum.
Tugir starfsmanna
fá laun sín í evrum
Nokkrir tugir starfsmanna á Íslandi fá greitt í evrum. Hjá Straumi-Burðarási
þiggja tæplega fjörutíu starfsmenn helming launa sinna, eða meira, í evrum.
Stjórnendur margra fyrirtækja taka vel í að skoða málið komi sú ósk fram.
Abdullah, konungur
Sádi-Arabíu, segir að Bretar hafi
ekki brugðist við viðvörunum,
sem þeim hafi borist frá Sádi-
Arabíu, um hættu á hryðjuverka-
árásum. Meðal annars hefðu
slíkar upplýsingar getað komið í
veg fyrir hryðjuverkin sem
framin voru í London 7. júlí árið
2005.
Þetta sagði Abdullah í viðtali
við breska útvarpið BBC, sem
birt var skömmu áður en hann
kom í heimsókn til London í gær.
„Ég held að flest lönd taki þessi
mál ekki mjög alvarlega, þar á
meðal, því miður, Bretland,“ sagði
Abdullah um hættuna á hryðju-
verkum.
Bretar hunsa
viðvaranir
Gjaldfallnar skuldir Landspít-
alans við birgja eru nú á bilinu 1 til 1,1 milljarð-
ur króna, segir Magnús Pétursson, forstjóri
spítalans. Hann reiknar með því að Landspítal-
inn muni greiða tugi milljóna króna í vexti og
dráttarvexti á árinu.
„Það er ekki samræmi milli þess sem Land-
spítalinn er að gera, og á að gera, og þeirra fjár-
muna sem til hans eru ætlaðir,“ segir Magnús.
Hann segist hafa rætt málið við nýjan heil-
brigðisráðherra en málið snerti einnig fjár-
málaráðherra og í raun stjórnvöld í heild.
Reglulega hafa birst fréttir á undanförnum
árum af skuldum Landspítalans við birgja, en
Magnús viðurkennir að nú séu skuldirnar
óvenju miklar og í raun allt of miklar. Landspít-
alinn sé þó hvergi nærri einn á báti, aðrar heil-
brigðisstofnanir séu í svipaðri stöðu eða verri.
Magnús segir tvær meginskýringar á því að
reikningar birgja séu ekki greiddir. Sú fyrri
sé að legið hafi fyrir að halli á rekstri Land-
spítalans yrði fjögur til fimm prósent í upp-
hafi árs. Þá hlaðist upp skuldir þegar líði á
árið. Nú sé spáð 4,5 prósenta mun á tekjum og
gjöldum á árinu, sem sé um 1,5 til 1,6 milljarð-
ar króna.
Síðari skýringin sé sú að Landspítalanum
gangi illa að innheimta kröfur vegna þjónustu
sem spítalinn innir af hendi fyrir aðrar ríkis-
stofnanir, svo sem önnur sjúkrahús og heilsu-
gæslustöðvar. Nú séu um 350 milljónir úti-
standandi sem greiða eigi spítalanum fyrir
rannsóknir og fleira.
Þannig segir Magnús Landspítalann á vissan
hátt fjármagna aðrar ríkisstofnanir, og þar
með bíti vandinn í skottið á sér.
Skulda birgjum yfir einn milljarð króna
Nicolas Sarkozy
Frakklandsforseti batt snögglega
enda á viðtal sem hann var í hjá
fréttaskýringaþættinum 60
mínútur og sýndur var á sunnu-
dagskvöld með þeim orðum að
það hefði verið „heimskulegt“ og
„stór mistök“.
Áður en viðtalið hófst kallaði
hann fjölmiðlafulltrúa sinn
„fávita“ fyrir að hafa bókað
viðtal á erfiðum degi.
Í viðtalinu ræddi hann sam-
skipti Frakklands og Bandaríkj-
anna en varð pirraður þegar hann
var spurður út í eiginkonuna,
Ceciliu. „Ef ég hefði eitthvað að
segja um Ceciliu þá myndi ég
sannarlega ekki gera það hér,“
sagði Sarkozy og lýsti svo
viðtalinu lokið.
Pirraður Sar-
kozy í viðtali
Sigurður Sigurðs-
son, vígslubiskup í Skálholti,
segir fyrirhugaða 100 sumarhúsa
byggð vestur af staðnum munu
styrkja Skálholt bæði fjárhags-
lega og menningarlega. Að sögn
Ríkisútvarpsins leggjast bæði
Umhverfisstofnun og Skipulags-
stofnun gegn byggðinni en
sveitarstjórn Bláskógabyggðar
hefur úrslitaorðið.
„Þegar talað er um menningar-
landslag er líklega verið að tala
um útsýni frá Skálholti eins og
það mun hafa verið í þúsund ár.
En allt í kringum Skálholtsstað; í
austri, suðri og vestri er verið að
byggja bæði íbúðarhús og
frístundabyggðir sem eru í beinni
sjónlínu frá Skálholti. Og því
ráðum við ekkert,“ bendir
Skálholtsbiskup á.
Útsýni breytt af
annarri byggð
„Ríkisvaldið er ekkert
að taka neina vegi á höfuðborgar-
svæðinu og færa þá yfir á sveitar-
félögin án þess að tekjur komi á
móti,“ segir Kristján Möller sam-
gönguráðherra.
Hann segir „menn hafa farið fram
úr sér í þessu máli síðustu daga“ og
þetta hafi verið „blásið upp“ í sjón-
varpsfréttum.
Þar lýsti Sigurður Magnússon,
bæjarstjóri Álftaness, þungum
áhyggjum af því að um þriðjungur
þjóðvega á höfuðborgarsvæðinu
verði gerður að svokölluðum sveitar-
félagavegum. Þetta sé mikil aðför
að fjárhag sveitarfélaganna, því
engir aurar komi á móti.
Kristján bendir hins vegar á að í
sjálfri flutningsræðu fyrrverandi
samgönguráðherra með vegalögum
hafi verið horfið frá þeirri hugmynd
að færa veghald til sveitarfélaga,
vegna andstöðu sveitarstjórnar-
manna. Þar segi jafnframt að hefði
svo orðið hefðu sveitarfélög fengið
úthlutað fé af tekjustofnum til vega-
gerðarinnar.
Ofan á allt hafi vegamálastjóri
ekki lagt fram tillögur um að færa
vegi frá Vegagerð til sveitarfélaga.
Kristján fundaði um þetta við Jón
Rögnvaldsson vegamálastjóra, síð-
ast í gær.
„Þetta er auðvitað mál sem á eftir
að vinna mikið og ræða miklu meira.
Og þetta verður ekki gert á næst-
unni,“ segir Kristján.
Hann minnir einnig á að málið sé
ekki bundið við höfuðborgarsvæðið.
Á ekki að færa vegi án aura
Myndir þú vilja fá greidd laun
í evrum?
Vilt þú að Kolaportið verði
áfram í Tollhúsinu?