Fréttablaðið - 30.10.2007, Qupperneq 24

fréttablaðið austurland 30. OKTÓBER 2007 ÞRIÐJUDAGUR2
Fagurt er í fjörðum, sagði skáldið. Aust-
firðir eru þar engin undantekning eins
og Gunnar V. Andrésson, ljósmyndari
Fréttablaðsins, hefur komist að raun
um á ferð sinni um Austurland.
Stórbrotin og ægifögur eru lýsingarorð sem
vel eiga við austfirsku fjöllin og firðina.
Hver fjörður hefur sinn sérstaka svip þar
sem fjöllin skaga til himins á báða bóga.
Austfirðir eru samheiti fjarða á vog-
skorinni austurströnd Íslands og eru taldir
frá Glettingi að Eystrahorni. Áður fyrr var
byggð í flestum víkum og fjörðum á milli
Borgarfjarðar og Reyðarfjarðar, en lagðist
af á mörgum stöðum á fyrri hluta 20. aldar.
Enn eru þó þorp í hverjum firði nema Álfta-
firði og Lónsfirði.
Samgöngur geta verið erfiðar á vetrum
þar sem vegir liggja með ströndinni og
um snarbrattar skriður. Það ætti hins
vegar ekki að fæla ferðamenn og náttúru-
unnendur frá því fegurð Austfjarða er ein-
stök auk þess sem þjónusta við ferðamenn
er fyrsta flokks á flestum stöðum. - sgi
Austfjarðaþokan lið-
ast inn með fjöllum
Gönguhrólfar á Snæfelli virða fyrir sér Austfjarðaþokuna sem læðist yfir fjöllin. Í baksýn má sjá tungur Vatnajökuls og Kverkfjalla. FRÉTTABLAÐIÐ/GVA
Reyðarfjörður er stærstur Austfjarða, um þrjátíu kílómetra langur. Innst í fjarðarbotninum er samnefndur
bær sem áður hét Búðareyri, þar var útgerð og fiskvinnsla töluverð en er nú hverfandi. Atvinnulífið byggist
því á vaxandi þjónustu og byggingarstarfsemi vegna álvers Alcoa og Kárahnjúkavirkjunar.
Gamla kirkjan á Stöðvarfirði hefur fengið nýtt hlutverk en hún er nú leigð út til ferðamanna sem geta hvílt
lúin bein í húsi þar sem ófáar predikanir hafa farið fram.
Hólsfjöll og Herðubreið, drottning íslenskra fjalla. Hólsfjöll, eða Fjallasveit, nær yfir svæðið austan Jökulsár
á Fjöllum, sunnan núverandi þjóðvegar og allt austur að Dimmafjallagarði og Haugsöræfum.