Fréttablaðið - 03.11.2007, Síða 12

[Hlutabréf]
Titringur varð á alþjóðlegum
hlutabréfamörkuðum í gær og
fór gengi helstu hlutabréfavísi-
talna niður á mörkuðum í Asíu og
Evrópu. Takturinn var sleginn á
bandarískum fjármálamarkaði á
fimmtudag í kjölfar stýrivaxta-
lækkunar Bandaríska seðlabank-
ans degi fyrr en það smitaði út
frá sér og tóku vísitölur snarpa
dýfu eftir hækkun í vikubyrjun.
Lækkanahrinan hélt áfram í gær
þrátt fyrir aukna atvinnuþátt-
töku vestanhafs í síðasta mán-
uði.
Fjármálaskýrendur vestanhafs
telja sig hafa vísbendingar um að
seðlabankinn muni fremur horfa
til þess að halda verðbólgu niðri
út árið en að opna fyrir frekara
aðgengi að ódýru lánsfé á fjár-
málamarkaði og muni þar af leið-
andi ekki bregðast við viðvarandi
lausafjárkrísu með enn einni
stýrivaxtalækkun fyrir áramót,
að sögn fréttaveitu Bloomberg.
Þá spila inn í dræm uppgjör
fjármálafyrirtækja vestra og
horfur á frekari þrengingum á
fasteignamarkaði samhliða minni
einkaneyslu. Þessu til viðbótar
dældi Bandaríski seðlabankinn
41 milljarði dala, jafnvirði 2.450
milljarða íslenskra króna, inn á
markaðinn á fimmtudag í því
skyni að auka fjárflæði. Slíkur
gjörningur fór ekki vel í við-
kvæman fjármálamarkaðinn.
Titringur í vikulok
Bókfært tap FL Group á
þriðja ársfjórðungi nemur
27,1 milljarði króna, á pari
við meðalspá greiningar-
deilda bankanna. Hannes
Smárason, forstjóri FL
Group, segir uppgjörið
endurspegla punktstöðu á
mörkuðum enda fari félagið
þá leið að færa allar skráðar
eignir á markaðsvirði.
Hagnaður á hlut er neikvæður upp
á 3,6 krónur á þriðja ársfjórðungi
hjá FL Group, en um 50 aura sé
horft til fyrstu níu mánuða ársins.
Bókfært tap á fjórðungnum nemur
27,1 milljarði króna. Tap fyrstu níu
mánuðina er fjórir milljarðar
króna.Tap félagsins er mjög í sam-
ræmi við spá greiningardeilda
bankanna, en meðalspá þeirra
hjóðaði upp á 27,6 milljarða króna
tap á fjórðungnum.
Hannes segir óvarlegt að draga
of miklar ályktanir af tapi þriðja
ársfjórðungs, en í því endurspegl-
ist i raun uppgjörsaðferðin sem
félagið beitir þar sem eignir séu
bókfærðar á markaðsverði hverj-
um tíma. Önnur fjárfestingarfélög
beita gjarnan svokallaðri hlut-
deildaraðferð, en þá hefur verð-
mæti undirliggjandi eigna ekki
áhrif á afkomuna. Hannes segir
ekki útilokað að félagið taki að
hluta upp hlutdeildaraðferð síðar.
Jafnframt bendir Hannes á að
gæði undirliggjandi eigna félags-
ins séu eftir sem áður mikil og þau
félög standi styrkum stoðum.
„Nefna má Glitni, Commerzbank
og AMR sem dæmi um félög sem
öll skila afburðaniðurstöðu á þessu
ári. Hlutabréfaverð þeirra hefur
hins vegar lækkað sem aftur skil-
ar sér í neikvæðri afkomu af fjár-
festingum okkar. Við höfum hins
vegar fremur horft á það sem
ákveðið tækifæri og höfum á því
fulla trú að markaðsvirði þeirra
muni á endanum endurspegla gæði
þeirra.“
Þá kom fram á kynningu FL
Group að endurmetnar hefðu verið
óskráðar eignir FL Group til hækk-
unar upp á þrjá milljarða króna.
Hannes segir að beitt hafi verið
mjög varlegu endurmati sem leitt
hafi til hækkunar á Geysi Green
Energy, Refresco og House of
Fraser, en lækkunar á fjárfest-
ingafélaginu Unity Investment.
„Þarna teljum við áfram mikil
tækifæri,“ segir Hannes og bætir
við að uppfærsla á Refresco hafi
til dæmis verið mjög hófleg. Hann
telur líklegt að Refresco fengi
svipaða verðlagningu og Bakkavör
á markaði hér, enda starfi þau á
svipuðu sviði. „Ekki væri óeðlilegt
að ætla að heildarvirði yrði í kring
um 60 milljarðar og af því eigum
við helming. Þarna má því segja að
við séum með 30 milljarða eign
sem bókfærð er á fimm millj-
arða.“
Hannes segist gera ráð fyrir að
fjármálamarkaðir verði brokk-
gengir enn um sinn og því megi
áfram búast við sveiflum í verði
hlutabréfa. „Ótal breitur hafa áhrif
á markaðina, svo sem olíuverð. Þá
þurfum við að klára að sjá uppgjör
fyrir þriðja ársfjórðung innan úr
bönkunum til að hreinsa þar út
óvissu. Auknar upplýsingar frá
þeim hafa haft róandi áhrif og við
þurfum að sjá fyrir endann á þess-
um hlutum áður en kominn er
grundvöllur fyrir uppbyggingu á
ný,“ segir Hannes, en þess má geta
að Commerzbank, þar sem FL
Group á 4,3 prósenta hlut, birtir
uppgjör í næstu viku.
Hannes segir FL Group standa
mjög vel með yfir 40 prósenta
eiginfjárhlutfall, sem sé það
hæsta meðal fjárfestingarfélaga
hér. „Um þessar mundir erum við
með um 55 milljarða króna í hand-
bæru fé og vel fjármagnaðir til
lengri tíma. Þá erum við með
mjög mikið af auðseljanlegum
eignum og þurfum því í raun ekki
á nýju fjármagni að halda næstu
tvö árin til að standa undir skuld-
bindingum.“
Tap í takt við spár
Milestone, fjárfestingarfé-
lag í eigu Karls og Stein-
gríms Wernerssona, hefur
keypt 5,02 prósenta hlut í
Teymi á genginu 6,75.
Í kauphallartilkynningu
vegna kaupanna í gær
kemur fram að hlutur Mil-
eston í félaginu aukist úr
tæpum tólf prósentum í
tæplega sautján prósent.
Eftir viðskiptin er Miles-
tone næststærsti hluthafi
Teymis á eftir Baugi Group,
sem samkvæmt hluthafalista fer með um fjórð-
ungshlut.
Seljandi hlutarins er FL Group, en við söluna
minnkaði félagið hlut sinn í Teymi úr 6,83 prósent-
um niður í 1,81 prósent.
Milestone orðið næst-
stærsti hluthafi Teymis
Samtök fjármálafyrirtækja efna til fræðslufundar um vaxtamun á
Grand Hótel (Hvammi) kl.12.00 -13.15 mánudaginn 5. nóvember
Hvað er vaxtamunur?
Björgvin G. Sigurðsson viðskiptaráðherra ávarpar fundinn
Þorvaldur Gylfason prófessor í hagfræði við Háskóla Íslands
Samkeppni, bankar og hagkvæmni
Yngvi Örn Kristinsson hagfræðingur og frkvstj. verðbréfasviðs Landsbankans
Rétt og rangt um vaxtamun
DA
GS
KR
Á
Fundurinn er öllum opinn, enginn aðgangseyrir.
Léttar veitingar í boði.
Vinsamlegast skráið þátttöku með því að senda
póst á netfangið sff@sff.is
Pallborðsumræður:
Þorvaldur Gylfason, Yngvi Örn Kristinsson og Tómas Örn Kristinsson framkvæmdastjóri
upplýsingasviðs Seðlabanka Íslands
Fundarstjóri er Haraldur Johannessen ritstjóri Viðskiptablaðsins
Auglýsingasími
– Mest lesið