Fréttablaðið - 03.11.2007, Blaðsíða 26

Auglýsingar á að senda á auglysingar@frettabladid.is
eða hringja í síma 550 5000.
Í sumarlok voru hundrað ár síðan Eng-
lendingurinn Baden Powell fór í sína
fyrstu útilegu með skátaflokk, en skát-
ar um allan heim fagna þessum merku
tímamótum um helgina.
„Við höfum verið í afmælisskapi allt
þetta ár og gert okkur ýmsan dagamun
en í dag bjóðum við til lokahátíðar í Fíf-
unni í Kópavogi. Þar verður boðið upp
á afmælistertu, kassaklifur, kassabíl-
arallí, líflínubjörgun, þrautabrautir,
hoppkastala, klifurturn, póstakeppni,
söngstundir, andlitsmálningu, grillað-
ar pulsur og margt, margt fleira að
skátasið með miklu fjöri, söng og húll-
umhæi,“ segir Helgi Jónsson, verk-
efnastjóri hjá Bandalagi íslenskra
skáta, en íslenskir skátar halda einn-
ig upp á 95 ára afmæli íslensks skáta-
starfs í ár.
„Baden Powell fór í þessa merku úti-
legu í tilefni af því að þjóðfélagið var
að breytast og börn sem áður höfðu
verið á vinnumarkaði höfðu meiri frí-
tíma. Hann vildi efla með þeim sjálfs-
bjargarviðleitni og kenndi þeim ridd-
aramennsku, en skátar hafa ávallt haft
útivist og náttúru í hávegum sem og að
kunna að bjarga sér í öllum möguleg-
um aðstæðum og hjálpa náunganum
í litlum nauðum sem miklum,“ segir
Helgi sem sjálfur gerðist skáti árið
1976.
„Ég hef sennilega fæðst fullur af
skátaanda. Ég var ákaflega félagslynt
barn og fann mig fljótt í hressilegum
félagsskap jafnaldra sem einnig höfðu
yndi af útivist, leikjum og þrautum.
Skátastarfið hefur mótað mig í gegn-
um lífið og enn lít ég á verkefni sem
spennandi úrlausnarmál í stað vanda-
máls og get engan veginn sagt nei
við hjálparbónum samferðamanna
minna,“ segir Helgi hláturmildur, en
alls eru rúmlega þrjú þúsund skátar
í þrjátíu íslenskum skátafélögum um
allt land.
„Börn geta byrjað í skátunum á átt-
unda árinu og við bjóðum skipulagt
starf upp í 22 ára aldur. Þá geta skátar
valið um annað hvort leiðtogaþjálfun
eða hjálparsveitaþjálfun. Síðan tekur
við foringjastarf með yngri hópa eða
starf með hjálparsveitum, en til þess
þurfa skátar að vera orðnir sautján
ára,“ segir Helgi. Hjálparsveit skáta
í Reykjavík er sjálfstætt starfandi
innan Slysavarnarfélagsins Lands-
bjargar. „Skátar eru eftirsóttir í björg-
unarsveitir því þeir hafa þennan sjálf-
boðaliðagrunn og eru sterkir í útivist,
björgun og félagsstarfi.“
Að sögn Helga er mikil uppsveifla í
skátastarfi hérlendis og mikil stemn-
ing meðal íslenskra skáta.
„Félagsskapurinn er eftirsóknar-
verður, starfið byggist á því að börn-
in verði sterkari persónuleikar og eigi
auðveldara með að takast á við verk-
efni daglegs lífs. Þau læra með því að
reyna sjálf og allir fá að spreyta sig
og vera með,“ segir Helgi. Hann hvet-
ur sem flesta til að mæta í afmælið
og samgleðjast með skátum í Fífunni.
Hátíðin hefst klukkan 14 og endar með
stórkostlegri flugeldasýningu í boði
Slysavarnarfélagsins Landsbjargar
klukkan 18.
„Við skulum bara segja að í
gamla daga hafi mér boðist
kynlíf í öðru hverju skrefi.
En ég sængaði aldrei hjá
neinni sem ekki þráði mig.“
Susan Smith játar sonamorð
AFMÆLI
Nýlega var stofnað félag rússneskumælandi á Íslandi sem
kallast „Átthagafélag – félag rússneskumælandi sam-
landa á Íslandi“. Hlutverk félagsins er meðal annars að
sameina rússneskumælandi einstaklinga á Íslandi og alla
þá sem tengjast Rússlandi á einn eða annan hátt, aðstoða
íslensk yfirvöld við að framfylgja fjölmenningarstefnu og
styrkja tengslin milli Íslands og Rússlands. Auk þess hafa
félagsmenn í hyggju að taka þátt í alþjóðlegum verkefn-
um. Formaður félagsins er Tamara Soutourina en fyrsti at-
burðurinn á dagskrá félagsins er rússnesk menningarhá-
tíð sem sett verður 4. nóvember í Seltjarnarneskirkju og
mun standa fram til jóla. Á dagskránni eru meðal annars
rétttrúnaðarguðsþjónusta til heiðurs Maríu mey og sýn-
ing á listaverkum rússneskumælandi íbúa á Íslandi. Einn-
ig verða fyrirlestrar um rússneskar bókmenntir, ýmsar
sýningar og tónlistarviðburðir.
Rússnesk menningarhátíð
Elskuleg systir mín og frænka okkar,
Sigríður Þórðardóttir
Hrafnistu Hafnarfirði, áður Stigahlíð 36,
Reykjavík,
lést að morgni 31. október. Útförin fer fram föstu-
daginn 9. nóvember frá Háteigskirkju kl. 14.00.
Guðný Þórðardóttir
Gunnvör Valdimarsdóttir Jóhann G. Sigfússon
Ragna, Alda Sif, Þorsteinn, Þórgunnur og fjölskyldur.
Ástkær eiginmaður minn, faðir,
tengdafaðir, afi og langafi,
Gestur Sigurðsson,
Bústaðavegi 75, Reykjavík, áður til
heimilis á Dalvík,
lést laugardaginn 27. október. Útförin fer fram frá
Fossvogskirkju mánudaginn 5. nóvember kl. 13.00.
Guðrún Jónína Sigurpálsdóttir
Hanney Árnadóttir Helgi Jónsson
Snorri Gestsson Auður Ingvarsdóttir
Signý Gestsdóttir Hákon Aðalsteinsson
Sigurpáll Gestsson
barnabörn og barnabarnabörn.
Elskulegur eiginmaður minn, faðir,
stjúpfaðir, tengdafaðir og afi,
Sigurður V. Hallsson
Lindargötu 57
lést fimmtudaginn 18. október á líknardeild
Landspítalans Landakoti. Útför hefur farið fram í
kyrrþey að ósk hins látna.
Hrafnhildur Eyjólfsdóttir
Margrét Sigurðardóttir Friðjón Örn Friðjónsson
Anna Mariella Sigurðardóttir Jakob Gunnarsson
Benedikt Sigurðsson
Eyjólfur Rósmundsson Hekla Gunnarsdóttir
Elísabet Rósmundsdóttir Páll Viðar Jensson
Unnur Rósmundsdóttir
og afabörn.