Fréttablaðið - 03.11.2007, Blaðsíða 62

Það er ekki á hverjum degi
sem kvennakórinn Vox
feminae frumflytur verk
sem er sérstaklega samið
fyrir kórinn. Það gerist þó í
dag á tónleikum í Háteigs-
kirkju sem hefjast kl. 17.
Tónleikarnir, sem bera yf-
irskriftina Mater Dei, verða
endurteknir á sama tíma á
morgun.
Verkið sem um ræðir kallast Stabat
Mater og er höfundur þess John A.
Speight. Verkið er skrifað fyrir
kvennakór, mezzósópran, engla-
horn og strengjakvintett. Að auki
verða flutt verk eftir Þorkel Sigur-
björnsson, Brahms, Deutschmann,
Schubert, Rheinberger og Duran-
te.
Margrét Pálmadóttir, stjórnandi
kórsins og listrænn stjórnandi tón-
leikanna, segir þá hugsaða út frá
kirkjuárinu. „Draumur minn er að
láta íslensk tónskáld semja fyrir
kórinn verk sem ná yfir allt kirkju-
árið. Þessir tónleikar fara fram á
allraheilagramessu og því eru þeir
hugsaðir og byggðir upp sem sálu-
messa fyrir sjálfa Maríu guðsmóð-
ur, þá merku konu, en við höfum
mikið sungið verk sem henni eru
helguð í gegn um tíðina.“
Tónskáldið John A. Speight
stjórnar frumflutningi Stabat
Mater á tónleikunum. Þetta er ekki
í fyrsta skipti sem Vox feminae
syngur verk eftir hann. „John hefur
reynst okkur mikill heillakálfur.
Árið 2000 sungum við verk sem
hann samdi fyrir okkur á árlegri
kórakeppni sem haldin er í Vatíkan-
inu og hlutum silfurverðlaun fyrir.
Það var heilmikið afrek, enda voru
þetta engir smávegiskórar sem við
vorum að keppa við. En verk eftir
John hafa passað kórnum með ein-
dæmum vel og við erum afskaplega
ánægðar með verkið sem við flytj-
um nú um helgina.“
Vox feminae heldur um þessar
mundir upp á fimmtán ára afmæli
sitt. Kórinn var stofnaður þegar
nokkrar konur úr Kvennakór
Reykjavíkur stofnuðu hópinn í
kring um áhuga sinn á gamalli kór-
tónlist. Starf kórsins hefur verið
öflugt allar götur síðan, þó Margrét
segi hálfgerðan skort á kórverkum
fyrir kvenraddir. „Ég tel það vera
lífæð kvennakóra að þær láti semja
verk sérstaklega fyrir sig. Það er
ekki til nógu mikið af verkum sem
eru samin sérstaklega með kvenna-
raddir í huga og úr því þarf að
bæta. Það höfum við í Vox feminae
gert oftar en einu sinni og árangur-
inn ávallt verið glæsilegur.“
Tónleikarnir í dag eru þeir fyrstu
í röðinni af mörgum sem Vox fem-
inae mun standa fyrir á afmælisár-
inu. „Þessir tónleikar marka upp-
hafið á afar metnaðarfullri
afmælisdagskrá hjá okkur. Við
ætlum að halda fleiri tónleika til
þess að fagna þessum tímamótum
og stefnum að því að ljúka hátíðar-
haldinu á því að halda tónleika með
Sinfóníuhljómsveit Íslands,“ segir
Margrét að lokum.
Sýningu Sigurðar Árna í Gallerí
Turpentine í Ingólfsstræti lýkur
nú um helgina. Þar er til sýnis
nýtt safn verka eftir Sigurð af
ýmsum toga: olíuverkin sem hann
er kunnastur fyrir og notið hafa
mikilla vinsælda, álverk á gólfi,
verk unnin með gleri og vatnslita-
myndir: „Þessi blanda,“ segir
listamaðurinn, „er það sem ég hef
verið að fást við síðasta árið. Það
kom mér svolítið á óvart þegar ég
fór að stilla þessu saman hér í
rýminu.“ Sýningin hefur nú stað-
ið á þriðju viku og eins og oftast
margt verka selt eða í athugun og
bíður sýningarloka þegar fólk
fær verk lánuð hjá Gallerí Turp-
entine og mátar við heimili sitt.
Í verkunum á sýningunni held-
ur Sigurður Árni áfram rann-
sóknum sínum á efni, rými og
skuggum. Hann gefur áhorfend-
um kost á að líta inn í hugmynda-
og efnisheim sinn á skemmtileg-
an hátt með því að stilla saman
ólíkum miðlum ; gleri, málverki,
teikningum og skúlptúr. Verkin
hafa skírskotun í hvert annað en
saman mynda þau heildstæða sýn
á hugarheim listamannsins. Sig-
urður Árni er þekktastur fyrir
málverk en hefur þó gjarnan sýnt
með málverkunum skúlptúra/
módel, teikningar og ljósmyndir.
Síðasta sýning Sigurðar Árna á
Íslandi var framlag hans til
Frönsku menningarhátíðarinnar
„Pourquoi pas“. Þar sýndi hann
ljósmyndaseríuna „Jardin Vilay-
et“ í Safni við Laugaveg. Sigurður
Árni hefur haldið hátt á fjórða
tug einkasýninga og tekið þátt í
fjölmörgum samsýningum. Hann
var fulltrúi Íslands á tvíæringn-
um í Feneyjum árið 1999. Verk
eftir Sigurð Árna eru í öllum
helstu listasöfnum landsins auk
þess sem verk eftir hann er að
finna bæði í opinberum sem og
einkasöfnum víða í Evrópu. Síð-
asta einkasýning Sigurðar Árna
var í Gallerý Aline Vidal í París
en í því galleríi hefur hann sýnt
reglulega síðustu árin. Þess má
geta að Þjóðaróperan í París fékk
nýverið málverk eftir Sigurð
Árna, sem er í eigu FRAC-lista-
safnsins í Montpellier, til kynn-
ingar á ballettuppfærslu Pinu
Bausch á „Orfeus og Evridis“
eftir Gluck. Pina Bausch er einn
áhrifamesti danshöfundur sam-
tímans en óperuuppfærslan verð-
ur sett upp í byrjun næsta næsta
árs.
Sýningu Sigurðar lýkur
Myndlistarmaðurinn Karlotta
Blöndal opnar sýninguna „Hrein-
skrift“ í D-sal Listasafns Reykja-
víkur í Hafnarhúsinu í dag.
Karlotta notar heimildir um
miðilsfundi í Reykjavík við upp-
haf 20. aldar til að velta upp spurn-
ingum um túlkun og táknmyndir.
Verkið er umskrift heimilda og
texta úr fundargerðarbókum, sem
voru hluti af vísindalegri rann-
sókn á transástandi og handan-
sambandi miðils.
Miðillinn stendur á hárfínni línu
sem skilur að tvo heima og notar
eigin líkama sem farveg upplýs-
inga. Í ómeðvituðu og upphöfnu
transástandi miðilsins verður
hann að táknmynd hulins sann-
leika sem skilur að tvo heima.
„Sýningin er í raun innsetning.
Hún samanstendur af vídeóverki,
veggteikningu, ljósmynd og
skúlptúr, en þessi verk eiga það
sameiginlegt að vera mínar túlk-
anir á þessum heimildum og fund-
argerðum um miðilsfundi. Í vídeó-
verkinu sýni ég til að mynda
sviðsetningu upp úr einni fundar-
gerðinni sem ég framkvæmdi í
Hafnarhúsinu. Þannig tengist
sviðsetningin rýminu sem hún er
svo sýnd í. Það sem vekur áhuga
minn við þessar heimildir og fund-
argerðir er sú hugmynd að miðill-
inn færi öðrum einhvers konar
sannleika og ég vil skoða hvernig
heimildir um þessa miðlun breyt-
ast í meðförum annarra,“ segir
Karlotta.
Karlotta útskrifaðist frá Mynd-
lista- og handíðaskóla Íslands árið
1997. Hún stundaði framhaldsnám
í Hollandi og í Svíþjóð og lauk
meistaranámi við Listaakademí-
una í Malmö árið 2002.
Sýning Karlottu stendur yfir til
6. janúar 2008.
Fundargerðir túlkaðar