Fréttablaðið - 03.11.2007, Blaðsíða 72

Keflvíkingar hafa byrj-
að Iceland Express-deild karla af
miklum krafti og unnið fimm
fyrstu leiki sína. „Það góða við
þessa byrjun er að við eigum ýmis-
legt inni og höfum ekki verið að
spila heilu leikina neitt sérstak-
lega vel. Ég er rólegur yfir þessu
því að ég veit að við eigum eftir að
gera meira,“ segir Sigurður Ingi-
mundarson, þjálfari Keflvíkinga.
Liði hans var spáð 5. sætinu fyrir
mótið en hefur fyrir löngu gert
lítið úr þeirri spá.
„Við gerðum ekkert í því að
hækka væntingarnar til liðsins.
Við vorum lítið með í æfingamót-
unum og létum lítið til okkar taka
í þeim. Það var ekki nein sérstök
tilviljun. Fyrsti leikurinn á móti
Grindavík gaf síðan ákveðin fyrir-
heit. Þeim var spáð miklu og góðu
gengi enda með mjög gott lið. Við
byrjuðum mjög sannfærandi á
móti þeim,“ segir Sigurður en
síðan hefur liðið unnið Snæfell og
Njarðvík á útivelli og svo örugga
heimasigra gegn Þór og ÍR.
„Það sem gerir liðið gott er að
menn spili innan hópsins og geri
það sem er lagt upp fyrir liðið.
Allir þessir nýju leikmenn eru að
gera það og þess vegna erum við í
toppmálum,“ segir Sigurður.
Allir þrír erlendu leikmenn
liðsins smellpassa inn í Keflavík-
urliðið. Bobby Walker (21,4 stig í
leik) og Tommy Johnson (20,6 stig
í leik) eru illviðráðanlegir í sókn-
inni og Anthony Susnjara er sterk-
ur varnarmaður og getur einnig
tekið til sín í sókninni.
Sigurður segir það létti fyrir
liðið að taka ekki þátt í Evrópu-
keppninni. „Við erum bara að ein-
beita okkur að einni keppni og það
er gríðarlegur munur fyrir okkur,“
segir Sigurður, sem leggur upp
með að bæta vörnina því hann
þurfi ekki að hafa neinar áhyggjur
af sókninni.
„Við getum alltaf skorað og það
er ekkert vandamál fyrir okkur.
Við vinnum mest í vörninni og
höfum margar útfærslur á varn-
arleiknum og það skiptir okkur
miklu máli. Það sem við höfum
verið að gera þegar okkur hefur
gengið vel í leikjum er að spila
vörnina vel. Þegar við höfum náð
því á köflum höfum við verið
virkilega góðir,“ segir Sigurður og
er sérstaklega ánægður með leik-
inn í Njarðvík.
„Það nær ekkert annað lið en við
að halda Njarðvík í 63 stigum á
heimavelli, það er klárt.“
Magnús Þór Gunnarsson, fyrir-
liði Keflavíkurliðsins, hefur leikið
vel á tímabilinu. Hann gerir nú
meira af því að stjórna leik liðsins
og hefur sem dæmi gefið 6,2 stoð-
sendingar að meðaltali í fyrstu
fimm leikjunum. „Besti hluti hans
leiks er sendingarnar. Þó að hann
hafi verið þekktur sem skytta er
hann að mínu mati aðallega frá-
bær sendingamaður. Hann er
alhliða góður og mjög skynsamur
leikmaður sem leiðir liðið áfram
með því að taka góðar ákvarðanir.
Það er styrkleikur hjá liðinu að
hafa mann eins og hann í því,“
segir Sigurður, sem segir hugar-
far leikmanna eins og Magnúsar
og fleiri sem urðu meistarar þrjú
ár í röð frá 2003 til 2005 hafa smit-
andi áhrif á liðið.
„Jonni, Arnar, Maggi og Gunni
Einars eru allt miklir keppnis-
menn og þeir telja sig þurfa að
sanna eitt og annað. Þeir hafa lagt
mikið á sig til þess að gera það.
Þeir þekkja það vel að verða meist-
arar, vilja hafa það svoleiðis og
gera allt til þess að ná því. Þeir eru
allir að spila mjög vel,“ segir Sig-
urður, sem er sérstaklega ánægð-
ur með reynsluboltann Gunnar
Einarsson sem spilaði sinn 300.
úrvalsdeildarleik á dögunum.
„Gunnar er búinn að æfa þvílíkt
mikið og elsti maður liðsins er í
besta forminu af öllum mönnum í
deildinni,“ segir Sigurður.
Sigurður Ingimundarson er ekkert að missa sig yfir góðri byrjun Keflavíkurliðsins því hann veit að lítið er
búið af mótinu og hans lið á enn ýmislegt inni. Keflavík hefur unnið alla fimm leiki sína til þessa.
Það er undir mér komið að sanna mig hjá Val
Njarðvíkingar hafa
tapað tveimur síðustu leikjum
sínum í Iceland Express-deild
karla og frammistaða Bandaríkja-
mannsins Charleston Long hefur
verið á milli tannanna á fólki.
Long átti sinn besta leik í
langan tíma þegar hann skoraði
18 stig og tók 12 fráköst gegn KR
en hefur aðeins skorað 8,8 stig og
tekið 6,2 fráköst að meðaltali í
fyrstu fimm leikjunum í vetur.
Long hefur aðeins nýtt 36
prósent skota sinna og er sem
dæmi í fimmta sæti yfir hæsta
framlag innan Njarðvíkurliðsins
en hann hefur skilað 9,8 fram-
lagsstigum til liðsins.
Samkvæmt heimildum Frétta-
blaðsins eru Njarðvíkingar farnir
að skoða Kanamálin hjá sér og
það er ekkert víst að Long verði
áfram hjá liðinu enda að skila
miklu minna til liðsins en
Bandaríkjamennirnir hjá
Keflavík, KR og Grindavík sem
eru helstu samkeppnisaðilar
liðsins í vetur. Bobby Walker er
með 21,4 stig og 22,4 í framlagi
hjá Keflavík, Joshua Helm er
með 20,4 stig og 21,2 í framlagi
hjá KR og Jonathan Griffin er
með 19,8 stig og 20,4 í framlagi
hjá Grindavík.
Óvissa um
framtíð Longs