Fréttablaðið - 22.11.2007, Page 92

64 22. nóvember 2007 FIMMTUDAGUR
sport@frettabladid.is
Kristján Óli Sigurðsson, 27 ára, var í fyrradag tilkynntur sem nýr
þjálfari 2. deildarliðs Hvatar frá Blönduósi, en Kristján ólst upp á
Blönduósi og spilaði með yngri flokkum Hvatar þangað til hann
gekk til liðs við Breiðablik árið 1997. Kristján Óli hefur verið lykil-
maður hjá Breiðabliki undanfarin ár og á að baki 54 leiki með
liðinu í efstu deild. Þar af eru 13 leikir í deildinni síðasta
sumar, þar sem hann skoraði þrjú mörk.
„Það stóð í raun alltaf til hjá mér að ég yrði bara um
kyrrt hjá Breiðabliki. Það voru reyndar tvö önnur lið í
efstu deild sem höfðu samband við mig, en það náði
aldrei neinu flugi. Hvatarmenn voru búnir að hringja
nokkrum sinnum í mig og þeir náðu á endanum að
plata mig út í að taka við liðinu,“ sagði Kristján Óli
og kvaðst spenntur fyrir verkefninu.
„Ég hef náttúrlega aldrei þjálfað á ævi minni
og þetta verður því krefjandi verkefni og vonandi
gaman. Þetta er eins árs samningur sem ég
skrifaði undir og ég ætla að sjá til hvernig mér
líst á þetta. Ég mun stýra æfingum í Reykjavík
til að byrja með þar sem flestir leikmenn liðsins eru eins og er
og þeir sem eru fyrir norðan fá bara æfingarplan frá mér og ég
verð svo búsettur á Blönduósi næsta sumar,“ sagði Kristján Óli
og kvaðst ekki búinn að leggja skóna á hilluna sjálfur, enda á
besta aldri.
„Ég reikna fastlega með því að spila sjálfur, ef ég
kemst í liðið, og verð því með einhvern aðstoðarmann
með mér á bekknum,“ sagði Kristján Óli, sem telur
möguleika Hvatar ágæta næsta sumar.
„Hvöt tókst loksins að vinna sig upp úr þriðju
deildinni síðasta sumar og sú bið var búin að vera
býsna löng. Næsta verkefni er því að gera Hvöt að
stöðugu annarrar deildar liði sem verði svo reiðu-
búið að taka næsta skref. Það eru sóknarfæri í
annarri deild næsta sumar þar sem þrjú lið kom-
ust upp úr deildinni í fyrra og fimm lið komu upp
úr þriðju deildinni í þeirra stað og ég veit ekki til
þess að önnur lið í deildinni, fyrir utan Hvöt, hafi
verið að styrkja sig mikið undanfarið.“
KRISTJÁN ÓLI SIGURÐSSON, HVÖT: SAGÐI SKILIÐ VIÐ LANDSBANKADEILD TIL AÐ GERAST SPILANDI ÞJÁLFARI Í 2. DEILD
Reikna með því að spila sjálfur ef ég kemst í liðið
FÓTBOLTI Mikið hefur verið rætt
um ástæður þess að Eiður Smári
Guðjohnsen gaf ekki kost á sér í
landsliðshópinn sem spilaði gegn
Dönum í gærkvöldi. Eiður Smári
bar fyrir sig persónulegum ástæð-
um sem ekki voru útskýrðar
frekar.
Hann æfði ekki um síðustu helgi
með Barcelona enda var þeim fáu
sem voru ekki að spila með lands-
liðum sínum gefið frí frá æfingum
yfir helgina að því er fram kom á
heimasíðu Barcelona. Á heimasíðu
félagsins má einnig sjá að Eiður
var mættur aftur til æfinga á
mánudeginum. Íslenska landsliðið
kom aftur á móti saman síðasta
laugardag og hóf undirbúning
fyrir Danaleikinn.
Danska sjónvarpsstöðin TV2
hélt því síðan fram í frétt á þriðju-
dag að ástæðan fyrir fjarveru Eiðs
Smára væri sú að hann hefði verið
í fríi í Dubai. Var minnst á þetta í
viðtali sem var birt við Ólaf
Jóhannesson landsliðsþjálfara.
Fréttablaðið hafði samband við
sjónvarpsmanninn sem var með
fréttina en sá heitir Thomas Sønn-
ichsen. Hann tjáði Fréttablaðinu
að upplýsingarnar hefðu ekki
komið úr herbúðum íslenska
landsliðsins.
„Þessar upplýsingar koma
annars staðar frá en ekki frá nein-
um í kringum íslenska hópinn. Ég
man ekki nákvæmlega hver sagði
þetta en minnir að það hafi verið
einhver í kringum danska hópinn.
Ég spurði reyndar íslenska blaða-
menn sem ég hitti hér úti hvort
þeir vissu eitthvað um málið en
þeir sögðust ekki hafa hugmynd
um hvar Eiður væri,“ sagði Sønn-
ichsen við Fréttablaðið í gær.
Eggert Skúlason, talsmaður
Eiðs Smára á Íslandi, sagðist
harma fréttaflutning dönsku sjón-
varpsstöðvarinnar sem væri kol-
rangur.
„Þessi frétt TV2 er úr lausu lofti
gripin. Eiður var heima hjá sér
alla helgina. Ég get staðfest það.
Það er meira að segja hægt að fara
inn á veftíví Barcelona-síðunnar
þar sem Eiður sést fylgjast með
syni sínum vera að spila um helg-
ina,“ sagði Eggert. „Þetta er því
miður ekki fyrsta ranga fréttin
sem birtist um Eið Smára.“
henry@frettabladid.is
Eiður Smári var heima
hjá sér en ekki í Dubai
Danska sjónvarpsstöðin TV2 hélt því fram á þriðjudag að ástæðan fyrir fjar-
veru Eiðs Smára gegn Dönum væri sú að hann væri í fríi í Dubai. Talsmaður
Eiðs Smára segir það rangar fréttir þar sem hann hafi verið heima hjá sér.
FÓRNARLAMB GRÓUSAGNA TV2 Eggert Skúlason, talsmaður Eiðs Smára, segir ekkert
hæft í fréttaflutningi TV2 um að Eiður Smári hafi farið í frí til Dubai á meðan íslenska
landsliðið undirbjó sig fyrir Danaleikinn. FRÉTTABLAÐIÐ/DANÍEL
HANDBOLTI Yfirvofandi félaga-
skipti Guðjóns Vals Sigurðssonar
frá Gummersbach til Rhein-
Neckar Löwen hafa ekki gengið
hljóðalaust fyrir sig.
Forráðamenn Gummersbach
urðu mjög reiðir þegar ljóst var
að Guðjón hefði samið við Rhein-
Neckar frá og með árinu 2009 og
sendu þeim tóninn um leið og þeir
tóku fram að ekki kæmi til greina
að Guðjón færi fyrr en 2009.
Thorsten Storm, framkvæmda-
stjóri Rhein-Neckar, hefur svarað
Gummersbach-mönnum fullum
hálsi og segir þá kasta grjóti úr
glerhúsi. Máli sínu til stuðnings
nefnir Storm að Gummersbach
hafi samið við Alfreð Gíslason
löngu áður en hann kláraði sinn
samning hjá Magdeburg.
Guðjón hefur sjálfur kosið að
blanda sér ekki í deilurnar og
segir sjálfsagt mál að klára
samninginn við Gummersbach
þurfi hann þess. Hann muni halda
áfram að leggja sig allan fram
fyrir félagið á meðan hann spili
fyrir það.
Rhein-Neckar Löwen stefnir
enn á að kaupa Guðjón Val næsta
sumar en hann mun eflaust kosta
skildinginn. - hbg
Þýski handboltinn:
Gummersbach
og Rhein-Neck-
ar í hár saman
GUÐJÓN VALUR Ákvörðun hans um
að fara til Rhein-Neckar fór ekki vel í
forráðamenn Gummersbach.
NFL Hinn goðsagnakenndi
leikstjórnandi Green Bay
Packers, Brett Favre, hefur ekki
útilokað að spila áfram á næsta
ári en hann hefur íhugað að
leggja skóna á hilluna síðustu ár.
Favre, sem orðinn er 38 ára
gamall og hefur spilað ein 17 ár í
deildinni, hefur sjaldan eða aldrei
leikið betur en í ár og frammi-
staða hans er talin ein sú magnað-
asta í sögu deildarinnar.
Packers-liðið hefur unnið níu
leiki en aðeins tapað einum það
sem af er. Favre er búinn að kasta
fyrir flestum metrum allra
leikstjórnenda í deildinni og
leikur við hvurn sinn fingur á
gamals aldri.
„Ég þarf að skoða mín mál
mjög alvarlega. Ég átti aldrei von
á að endast í fimm ár, hvað þá
sautján. Við erum með krakka í
háskóla og barnaskóla og því er
að mörgu að hyggja. Líkamlega
líður mér mjög vel en ég geri mér
grein fyrir því að mér myndi
eflaust ekki líða eins vel á næsta
tímabili,“ sagði Favre. - hbg
Ameríski fótboltinn:
Tekur Favre eitt
ár í viðbót?
BRETT FAVRE Endurskrifar sögubækurnar
í nánast hverjum einasta leik.
NORDIC PHOTOS/GETTY IMAGES
> Aganefnd KKÍ veitti áminningu
Aganefnd Körfuknattleikssambands Íslands hefur tekið
fyrir kæru sem henni barst á dögunum vegna atvita sem
áttu sér stað í leik Stjörnunnar og Keflavíkur í Iceland
Express deild karla. Dimitar Karadzovski, leikmaður Stjörn-
unnar, fékk tvær villur fyrir óíþróttamannslega hegðun í
leiknum og var því samkvæmt reglum vikið af leikvelli.
Aganefndin ákvað fyrir vikið að veita honum áminningu
en ekki leikbann. „Það er í reglugerð að þegar svona
gerist í fyrsta skipta á tímabili skuli ekki veita leikbann og
óíþróttamannslegar villur geta líka
verið misjafnar og í þessu tilviki
tel ég að leikbann sé of hörð refs-
ins,“ sagði Friðrik Ingi Rúnarsson,
framkvæmdastjóri KKÍ, í viðtali við
Fréttablaðið.
Fréttablaðið stendur fyrir samkeppni á bestu ljósmynd af friðarsúlunni
eftir Yoko Ono í Viðey. Myndin má sýna súluna frá hvaða fjarlægð eða
sjónarhorni sem er. Myndirnar skulu sendar á fridarsula@frettabladid.is
fyrir 1. desember næstkomandi. Í boði eru þrír glæsilegir Canon vinningar
frá Nýherja og verða vinningsmyndirnar birtar í helgarblaði Fréttablaðsins
8. desember, á dánardegi John Lennon.