Fréttablaðið - 19.12.2007, Side 27

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ JÓLIN KOMA O.FL.
HEIL HEIM
Þeir sem þurfa að ferðast landshorna á
milli til þess að komast heim til sín
um jólin en eiga ekki góðan bíl
geta kynnt sér möguleikann
á því að taka bílaleigubíl
á einum stað og skila
honum á öðrum.
BÍLAR 4
KVEIKT Á ÖLLU
Nýtt met í raforkunotkun var sett
á höfuðborgarsvæðinu 10.
desember síðastliðinn en
ástæðan er umfangs-
mikil jólalýsing ásamt
hefðbundinni notkun í
atvinnulífinu.
JÓL 2
Sigríður Heiða Bragadóttir, skólastjóri Laugar-
nesskóla á jólaminningar úr æsku sem gæddar
eru fögnuði og spennu. En fyrst er hún innt eftir
upprunanum að íslenskum sveitasið.
„Ég er svolítil flökkukind. Átti heima í Ólafsvík þar
til ég var sjö ára, þá flutti ég vestur í Dali, síðan á
Akranes og svo til Reykjavíkur. Ég held að eftir-
minnilegustu jólin séu úr Ólafsvíkinni,“ segir Sigríð-
ur brosandi og útskýrir það nánar. „Þá var venjan sú
að börnin sæju ekki jólatréð og pakkana fyrr en á
aðfangadagskvöld. Stofan var heilagt svæði. Mamma
skreytti tréð og lagði á borð þegar við systur vorum
sofnaðar. Svo var stofunni lokað en ég man eftir mér
kíkjandi gegnum skráargatið að gá hvort ég sæi tréð.
Það var mikill spenningur.“
Jólin voru fjölskylduhátíð þá eins og nú. „Það var
venja að frændur og frænkur og önnur skyldmenni
kæmu í heimsókn þannig að ég á fallega mynd í huga
mér af okkur frændsystkinum prúðbúnum og drekk-
andi appelsín. Svo kom alltaf jólasveinn og ég man
hvað ég var hrædd við hann. Mér stóð líka ógn af
jólakettinum sem ég las um í bók og skoðaði myndir
af. Mér fannst Grýla ljót en ég var hræddari við jóla-
köttinn. Það var þó alveg passað upp á að ég fengi ný
föt svo ég hafði ekkert að óttast.“
Þegar Sigríður er á leið í myndatöku fyrir utan
Laugarnesskólann bendir hún á fallegt furutré í mat-
sal skólans og rekur uppruna þess. „Kennarafélag
skólans á land uppi í Mosfellsdal sem heitir Katlagil.
Þangað fara nemendur í vinnu vor og haust, gróður-
setja, grisja, byggja brýr og búa til stíga. Nú erum
við með tvö jólatré úr Katlagili og þetta er annað
þeirra. Ég fór á laugardaginn með fjölskyldunni og
valdi það sjálf. Það er dálítið sérstakt að vera þátttak-
andi í öllu þessu ferli.“
gun@frettabladid.is
Stofan heilagt svæði
Sigríður utan við fagurlega skreyttan glugga Laugarnesskólans. FRÉTTABLAIÐ/VÖLUNDUR