Fréttablaðið - 19.12.2007, Qupperneq 30

[ ]
Nú þegar fólk er að fara í jóla-
frí eru margir að skipuleggja
ferðalög heim á æskuslóðir.
Þá getur komið sér vel að
taka bílaleigubíl en gæti virst
óhentugt þar sem oft er dvalið
lengi á sama stað. Það kemur
sér því vel að sumar bíla leigur
bjóða upp á að leigja bíl á
einum stað og skila honum á
öðrum.
„Við erum með þrettán afgreiðslu-
staði vítt og breitt um landið. Það
er auðveldlega hægt að leigja bíl
til dæmis í Reykjavík og skila
honum á Akureyri,“ segir Vilhelm
Þorri Vilhelmsson hjá Bílaleigu
Akureyrar. „Það er nánast sama
hvar á landinu maður er staddur,
það er alltaf stutt í okkur. Fólk er
duglegt að nýta sér þessa þjón-
ustu, bæði erlendir ferðamenn og
Íslendingar. “
Ef til stendur að leigja bíl á
einum stað og skila á öðrum þarf
að greiða skilagjald. „Algengt
skilagjald er á bilinu 8.500-13.500
krónur, breytilegt eftir því hvar
bíl er skilað.“
Þorri segir að af íslenskum við-
skiptavinum sé á veturna algeng-
ara að fyrirtæki séu að leigja bíla
en einstaklingar en það snúist svo
við á sumrin. „Núna eru fjórhjóla-
drifnir bílar vinsælastir hjá
okkur. Við höfum alla tíð verið
með gríðarlega gott úrval af þeim
og þeir eru sérstaklega vinsælir á
veturna.“
Þá býður Bílaleiga Akureyrar
upp á svokallaðar CDW kaskó-
tryggingar og Súper CDW. „Við
bjóðum CDW kaskótryggingu
sem er alla jafna innifalin í verð-
listum. Þá er sjálfsábyrgðin
breytileg eftir því hvort um er að
ræða fólksbíl eða jeppa. Kjósi
leigutaki að bæta við Súper CDW
tryggingu lækkar sjálfsábyrgð
niður í 15 til 25 þúsund krónur.
Þessi trygging nýtur aukinna vin-
sælda, enda er hún frekar ódýr og
fólk þá mun betur tryggt,“ segir
Þorri.
hnefill@frettabladid.is
Bíllinn leigður á einum
stað og skilað á öðrum
Vilhelm Þorri segir að Bílaleiga Akureyrar sé með þrettán afgreiðslustaði vítt og breitt
um landið. MYND/K. LOUISE
Jólakúlur geta skreytt ýmsa staði. Til dæmis má skreyta
bílinn með nokkrum vel völdum kúlum og skrauti en þess ber
þó að gæta að það trufli ekki aksturinn.
Fiskislóð 16 Granda
Sími: 577 3344
Fiskislóð 16 Granda
Sími: 577 3344