Fréttablaðið - 21.12.2007, Blaðsíða 18

18 21. desember 2007 FÖSTUDAGUR
nær og fjær
„ORÐRÉTT“
„Mér kemur reyndar á óvart að
verðlag á Íslandi sé ekki nema
rúmlega áttfalt hærra en í ódýrasta
landi heims, Tadsjikistan. Að þarna
sé ekki meiri munur,“ segir Einar
Mar Þórðarson stjórnmálafræðingur.
„Við erum þarna í efstu sætunum
með öðrum velferðar- og velmeg-
unarlöndum eins og Danmörku,
Sviss og Noregi. En þó okkur finnist
nú yfirleitt alltaf gaman að vinna
keppnir og lenda í efsta sæti þá er
þetta kannski ekki listi þar sem við
vildum vera í efsta sætinu.“ Einar
telur vissulega eitthvað hægt að
gera til að Ísland lendi aðeins neðar
á listanum. „Til dæmis mætti auka
samkeppni á Íslandi.“
SJÓNARHÓLL
ÍSLAND ER DÝRASTA LAND Í HEIMI
Kemur fátt
á óvart
EINAR MAR ÞÓRÐARSON
Stjórnmálafræðingur.
■ Saga regnhlífarinnar,
eða réttara sagt
sólhlífarinnar, nær
árþúsundir aftur í
tímann. Vitað er að
heldra fólk í Egypta-
landi, Mesópótamíu,
Kína og Indlandi
notaði einhvers konar hlífar til að
skýla sér fyrir sólinni. Kínverjar
voru fyrstir til að nota regnhlífar
í eiginlegri merkingu, það er að
segja til þess að skýla sér fyrir
regni, en þeir notuðu vax og olíu
til þess að vatnsverja sólhlífar
sem gerðar voru úr pappír. Í
Evrópu voru Grikkir fyrstir til þess
að nota sólhlífar og Rómverjar
notuðu þess háttar hlífar til þess
að skýla sér fyrir regni.
REGNHLÍF:
VAR VAXBORIN SÓLHLÍF
Í FYRSTU
FÓSTBRÆÐUR
Á DVD
FÓSTBRÆÐUR
Loksins á DVD!
Tryggðu þér allar
5 seríurnar!
Nýjar stellingar
„Við vorum orðin töluvert
áhyggjufull og fólk var farið
að setja sig í stellingar að
reyna nýjar leiðir þegar við
heyrðum frá forsætisráð-
herra. Við vorum nánast
komin að þeirri niðurstöðu
að það væri ekki vilji til að
gera neitt í málinu en förum
nú vonbetri inn í jólin.“
INGIBJÖRG R. GUÐMUNDSDÓTTIR,
VARAFORSETI ASÍ, UM SKEYT-
INGARLEYSI STJÓRNVALDA VIÐ
KRÖFUGERÐ SAMBANDSINS.
Fréttablaðið 20. desember
Einfaldur misskiln-
ingur
„Margir héldu að við værum
þar sem Toys R Us er. Við
vildum bara benda fólki á að
Just4Kids væri fram undan en
ekki til hægri.“
ELÍAS ÞORVARÐARSON, FRAM-
KVÆMDASTJÓRI JUST4KIDS, UM
STAÐSETNINGU BÍLS SEM NOTAÐUR
VAR SEM AUGLÝSING VIÐ REYKJA-
NESBRAUTINA.
Fréttablaðið 20. desember
„Það er allt gott að frétta héðan úr
Neskaupstað,“ segir Freysteinn Bjarna-
son, framkvæmdastjóri Samvinnufélags
útgerðarmanna í Neskaupstað, gamal-
gróins félags sem hefur meðal annars
umboð fyrir Tryggingamiðstöðina,
Olís og íþróttavöruverslanir auk
þess að reka vínbúðir. „Ég hef
nóg að gera. Ég kvarta sko ekki
undan því,“ segir hann.
„Það sem er kannski efst í huga
margra er að í dag [í gær] eru
33 ár síðan snjóflóðin miklu
féllu hérna 20. desember 1974.
Það kemur náttúrlega alltaf
upp í huga Norðfirðinga þegar
sá dagur rennur upp. En það
er nú dálítið öðruvísi umleikis
heldur en var þá. Marautt og bull-
andi hiti og mikil traffík. Svo er enn verið að
vinna hérna síld á fullu og verður líklega til
miðnættis annað kvöld. Þá lýkur metvertíð á
íslenskri haustsíld. “
Freysteinn segist halda jólin hátíðleg
með hefðbundnum hætti. „En ég er
nú líka í þessum ágæta kirkju-
kór hér sem er alltaf í önnum í
kringum jólin. Við förum meðal
annars til Mjóafjarðar og syngjum
þar. Það er alltaf gaman að
heimsækja Mjófirðinga. Þar eru
bakaðar stærstu hnallþórur á
landinu held ég. Ég held að
flestir hérna hugsi allavega með
gleði til þeirra góðu daga sem
nálgast. Og að bæta á sig nokkrum
grömmum, þótt það mætti nú alveg
missa sín.“
HVAÐ ER AÐ FRÉTTA? FREYSTEINN BJARNASON FRAMKVÆMDASTJÓRI
Marautt og bullandi hiti
Fjöldi Íslendinga styður við
menntunar- og uppbyggingarstarf
Sambands íslenskra kristniboða-
félaga í Afríku með því einu að
sóa ekki verðmætum.
Sambandið hefur undanfarin ár
hvatt fólk til að henda ekki
umslögum utan af jólakortum
heldur senda þau sambandinu
sem svo selur þau frímerkjasöfn-
urum. Afraksturinn rennur til
skólastarfs og heilbrigðisþjón-
ustu, meðal annars í Eþíópíu og
Kenía.
Að sögn Skúla Svavarssonar
kristniboða fengust 800 þúsund
krónur fyrir frímerki af umslög-
um utan af jólakortum á síðasta
ári. Slík fjárhæð dugar langt, þar
sem einungis kostar nokkur
hundruð krónur að sjá barni fyrir
menntun í Eþíópíu.
Jarle Reiersen, dýralæknir og
frímerkjasafnari, kemur umslög-
um og frímerkjum í verð fyrir
Kristniboðasambandið. Hann
sorterar og auglýsir og hefur sam-
band við safnara á hinum Norður-
löndunum sem eru duglegir að
kaupa íslensk frímerki með
góðum stimplum.
Talsvert hefur safnast í Lands-
bankanum síðustu ár þar sem
Sigur jón Gunnarsson, starfsmað-
ur bankans, hefur verið drjúgur í
umslagasöfnuninni. Hann hefur
biðlað til samstarfsmanna í bank-
anum og uppskorið nokkra troð-
fulla plastpoka af verðmætum
umslögum. - bþs
Hvetur fólk til að henda ekki umslögum utan af jólakortum:
Notuð frímerki nýtast til menntunar
VERÐMÆTI Átta hundruð þúsund krónur fengust fyrir frímerki af umslögum utan af
jólakortum á síðasta ári, að sögn Skúla Svavarssonar kristniboða. Því er um mikil
verðmæti að ræða. FRÉTTABLAÐIÐ/ANTON
Sjónvarpið skipar mikil-
vægan sess í lífi lands-
manna og nú þegar
veðurofsinn hefur feykt
loftnetum margra um koll
eru loftnetsviðgerðarmenn
orðnir býsna eftirsóttir.
„Það er allt að verða vitlaust,“ segir
Georg Valgeirsson loftnets-
viðgerðar maður. „Gasgrill
hafa fokið á loftnets-
stangir og kippt öllu
niður og svo hringdi
einn í mig um daginn
sem hafði fengið gervi-
hnattardiskinn inn um
gluggann hjá sér
þannig að það er hálf-
gert neyðarástand
hjá sumum. En þetta
ástand sýnir líka
ágætlega þá stöðu
sem sjónvarpið
skipar hjá lands-
mönnum. Það
geta allir beðið
eftir pípara í eina
viku jafnvel þótt klósettið sé í ólagi
en ef sjónvarpið klikkar þá þolir
það enga bið. Enda er manni vel
fagnað loksins þegar ég kemst til
að redda hlutunum, manni er eigin-
lega tekið sem einskonar guði
þegar ég kem enda er biðlistinn
orðinn nokkuð langur.“
Á þriðjudaginn lagaði Georg átta
loftnet yfir daginn sem er algjört
met. „Vinnudagurinn er líka ansi
langur núna eins og ástandið er.
Maður er kominn út klukkan níu á
morgnana og kemur stundum
ekki heim fyrr en klukkan
ellefu.“
Magnús Eyjólfs-
son, sölustjóri
hjá Elnet-tækni
sem er sérhæft
fyrirtæki á
fjarskipta-
sviði, segir að
mikið sé hringt
til þeirra og
oftast liggi
mikið við. „Við
erum í sam-
bandi við fag-
lærða menn sem
við beinum fólki
til en það er ansi mikið að gera hjá
þeim öllum einmitt núna, það er
unnið nótt sem nýtan dag enda
höfum við eiginlega ekki fengið
svona alvöru ofsaveður síðan 1988.“
Það er því að mörgu að hyggja
þegar loftnet og gervihnattadiskar
eru settir upp. „Við höfum brýnt
fyrir fólki að taka frekar fíber
diska heldur en stáldiska, þeir þola
betur íslenska veðráttu. Svo er það
auðvitað að festa þetta vel, það sér
það hver maður að ef einhver stæði
með fermetra stálplötu í fanginu í
ofsaveðri eins og nú hefur verið að
undanförnu að hann myndi nú ekki
halda plötunni lengi. Þannig að við
sjáum hvers konar öfl þarna eru á
ferð.“
Það er einnig nóg um að vera í
Rafeindaverkstæði Reykjavíkur.
Blaðamaður spurði Hjalta Sveins-
son sem þar starfar hvenær maður
frá þeim væri laus til loftnetsvið-
gerða. „Við erum reyndar meira
með stærri verkefni en ef einhver
vill panta hjá okkur mann til að
festa loftnet þá gæti hann þurft að
bíða í þrjár til fjórar vikur, það er
ansi mikið að gera hjá okkur,“ segir
hann. jse@frettabladid.is
Klósettið má
klikka en ekki
loftnetið
GEORG VALGEIRSSON LOFTNETS-
VIÐGERÐARMAÐUR Nú þegar
rokið hefur komið loftnetum og
gervihnattardiskum af stað er
mikið um að vera hjá Georg við-
gerðarmanni enda er fátt verra í
hugum Íslendinga en að geta ekki
horft á sjónvarpið.
FR
ÉTTA
B
LA
Ð
IÐ
/VA
LLI