Fréttablaðið - 21.12.2007, Side 68

BLS. 12 | sirkus | 21. DESEMBER 2007
JÓLASTRESSIÐ Af hverju verða margir stressaðir fyrir jólin?
Hver sagði að það þyrfti að senda 112 jólakort, baka átta
smákökutegundir og fægja silfrið? Einfaldaðu líf þitt því það
eru ekki allir sem geta leyft sér hvíldarinnlögn á heilsuhælinu í
Hveragerði eftir jól.
MISHEPPNAÐAR
FEGRUNARAÐGERÐIR
Varast ber allar
róttækar fegrunar-
aðgerðir fyrir jólin.
Láttu það vera að
fara í fyrsta skipti í
ljós á árinu 23.
desember eða
maka á þig
brúnkukremi hafir
þú aldrei notað
slíkt. Það vill enginn
vera sótbrunninn
eða appelsínugulur
á jólunum.
JÓLAGJAFIR Í ALLTOF STÓRRI STÆRÐ
Það er óskemmtilegt að fá allt of stóra gjöf frá þeim
sem þekkir líkama þinn hvað best. Leðurhanskar sem
gætu passað á vörubílstjóra eða nærbuxur sem gætu
náð utan um heilt sirkustjald er eitthvað sem ekki
gleður.
ÁSTARSORG Á AÐVENTUNNI
Sambandslit ættu að vera bönnuð á
þessum tíma ljóss og friðar þegar allt
Grafarvogsgengið tekur sig til og fyllir
miðbæinn af sykursætri rómantík og
arkar um stræti og torg haldandi hvort
utan um annað.
JÓLABOÐ MEÐ FJARSKYLDUM ÆTTINGJUM
Þarf einhver að segja meir?
VANDRÆÐALEGAR GJAFIR Hvað er hægt
að segja þegar nákominn vinur tekur
upp á því að færa þeir matarkörfu fulla
af kjötvörum þegar þú hefur verið
grænmetisæta í meira en tíu ár?
ÁRAMÓTASKAUPIÐ Af hverju hefur enginn
gefist upp á skaupinu? Það bíða allir
fullir eftirvæntingar eftir hápunkti
sjónvarpsdagskrárinnar allt árið en
verða síðan fyrir sárum vonbrigðum á
þessum síðasta klukkutíma ársins.
MAGAPEST UM JÓLIN Fáar flensur geta
verið jafn óheppilegar og magapestir á
þessum tíma, þegar át og góður matur
eru í hávegum höfð.
HIMINHÁIR VISAREIKNINGAR Á NÝJU ÁRI
Það er ekki gaman að ranka við sér 1.
janúar eftir neyslufyllirí desembermán-
aðar. Hægt er að afskrifa Mallorca-ferð í
maí með fjölskyldunni og gleyma líkams-
ræktarkortinu sem átti að fjárfesta í eftir
jól.
ÚTÞENSLA JÓLANNA Jólin eru ekki vinur
þeirra sem þurfa að passa línurnar enda
freistingar á hverju horni. Auðvitað vilja
allir geta leyft sér malt og appelsín í
morgunmat, smákökur í öll mál,
laufabrauð með miklu smjöri og
rjómasósur með steikunum.
ÁRAMÓTAGLEÐI Þær eru miklar væntingarnar í kringum síðasta kvöld ársins, samt vita
fæstir hvar þeir ætla að eyða nýársnóttinni og verða ekki í rónni fyrr en partíið er
fundið, sem endar yfirleitt á því að vera súrasta partí ársins.
SPILAÆÐI JÓLANNA Á þessum tíma ársins
virðist fólk leggja sig í líma við að taka
fram fjölskylduspilin sem að allir geta
spilað. Pictionary- og Trival Pursuit-
partíin spretta upp eins og gorkúlur og
áður en þú veist er þér farið að líða eins
og „Gettu betur“-settinu. Martröð hvers
heilbrigðs manns.
RAUÐ JÓL Alla dreymir um hvít jól. Við
megum þola snjóþunga vetur, snjóhríð,
kulda og gadd á vetrarmánuðunum en
þegar kemur að sjálfum jólunum virðast
veðurguðirnir og gróðurhúsaáhrifin
bindast böndum um að færa Íslending-
um rauð jól.
ÓSMEKKLEGAR JÓLAGJAFIR Myndarammi
með óheppilegri
mynd af þér í,
loðin bleik
handjárn með
áletruninni „Hot
Sex“, jóla g-
strengur, krem
sem styrkir
appelsínuhúð...
ÞORLÁKSMESSUGLEÐI
Margir fagna oft
síðustu jólagjafainn-
kaupunum á
Þorláksmessu með
nokkrum drykkjum á
barnum sem oft getur
verið afar hressandi
áður en jólin hringja
inn. Oft vill þó annríki
og stress gleymast
þegar Bakkus tekur
völdin og ófáar gjafirnar hafa týnst í
þessari „Þorláksmessugleði“ sem getur
haft dramatískar afleiðingar í för með
sér þegar fólk rankar við sér á
aðfangadagsmorgun.
SMS FRÁ FYRRVERANDI Á
AÐFANGADAGSKVÖLD Þegar
klukkan hringir jólin inn á
slaginu sex fá margir sms-
skilaboð frá hinum og
þessum. Súrast er að fá
hjartnæm skilaboð frá
gömlum sjens sem er fyrir
löngu útrunninn og
velkjast í vafa með það
öll jólin hvort þú eigir að
svara.
18 HLUTIR SEM SPILLA GLEÐI JÓLANNA
OF MIKIL MARINERING Hver vill vera angandi
eins og bjórkjallari öll jólin? Það kyngir enginn
jólasteikinni niður með malti og appelsíni eða
lifir af eitt jóla-„ættarmótið“ án áfengis og því
getur hátíð ljóss og friðar oft orðið vel
kennd hjá þeim sem finnast sopinn
góður.
BLÚSUÐ ÁRAMÓT það er eitthvað blúsað
við það að kveðja árið sem er að líða.
Hafi árið verið erfitt getur þetta verið
svartasti tímapunktur ársins, ástarsorg,
vonlausir sjensar rifjast upp og áramótun-
um getur hæglega verið eytt í táradal.