Fréttablaðið - 21.12.2007, Blaðsíða 39

FÖSTUDAGUR 21. desember 2007 3
Dansjólasveinninn Kláus býður upp á
nýjan dans á hverjum degi í desember.
Hinn sanni andi jólanna er í sporunum,
segir sveinninn.
Jólasveinarnir tjá gleði sína í desember
með ýmsum hætti. Norðlenski jólasveinn-
inn Kláus hefur fundið sína leið og frá byrj-
un desember hefur hann dansað nýjan dans
á hverjum degi á heimasíðu jólabókarinnar
Jón Ólafur jólasveinn, eftir Kristlaugu
Maríu Sigurðardóttur.
„Mér finnst eins og allir séu að tapa sér í
græðgi og innkaupum. Þess vegna skrifaði
ég söguna um Jón Ólaf jólasvein sem allir
landsmenn geta lesið og hlustað á endur-
gjaldslaust til að leggja mitt af mörkum til
að snúa við þessari þróun,“ segir Kristlaug
María, sem er kannski þekktust fyrir sög-
urnar Ávaxtakarfan og Hafið bláa hafið.
Á hverjum degi í desember er hægt að
hala niður nýjum kafla af sögunni um Jón
Ólaf og sjá dansjólasveininn Kláus sem
tekur ný spor á hverjum degi. Þrátt fyrir
miklar annir féllst Kláus á að veita viðtal.
„Ég er stanslaust á ferð og flugi þessa dag-
ana enda að koma jól. Síðan er ég svolítið að
skemmta mér í snjónum í Hlíðarfjalli og tók
einmitt eina salíbunu hérna í morgun. Samt
get ég nú ekki verið að leika mér allan dag-
inn. Ég hef nú ellefu aðra mánuði til þess,“
segir Kláus sem hefur að eigin sögn alltaf
verið mikið dansfífl. „Mér fundust sporin í
kringum jólatréð orðin heldur einhæf. Þess
vegna fór ég á nokkur dansnámskeið og fór
að rækta þennan hæfileika í mér. Síðan er
ég heldur ekki með staurfót eins og bróðir
minn og er fæddur með ansi góða sveiflu,“
segir Kláus sem sýndi fyrstu taktana opin-
berlega á heimasíðu Jóns Ólafs í byrjun
desember. „Ég er önnum kafin við jóla-
sveinastörfin svo ég hef því miður ekki haft
tíma til að koma fram opinberlega. Hins
vegar er þörfin fyrir dansandi jólasveina
mun meiri en ég átti von á og nú eru hundr-
að og fimmtíu þúsund heimsóknir skráðar á
síðuna,“ segir Kláus, sem lofar að skella sér
líka í dansskóna fyrir næstu jól.
Kláus er mikill diskósveinn að eigin sögn
en segist líka vera heilmikill ABBA-kall og
nefnir einnig konung rokksins. „Elvis er í
miklu uppáhaldi hjá mér og ég hef þess
vegna æft mig sérstaklega í mjaðmasveifl-
um. Síðan finnst mér Vanilla Ice líka
skemmtilegur kappi. Það er eitthvað svo
jólalegt við nafnið,“ segir Kláus, sem stefn-
ir á róleg sígild dansspor á aðfangadag til
að róa sig niður eftir jólavertíðina.
Ólíkt öðrum jólasveinum er Kláus hins
vegar alls ekki upptekinn af öllum pökkun-
um. „Í gegnum aldirnar hafa það ekki verið
gjafir sem hafa veitt börnum og mömmum
þeirra ánægju, heldur dans. Svo hinn sanni
andi jólanna er í danssporum sem gerir alla
glaða og ég mæli með því að fólk dansi með
mér í desember. Jafnvel eitthvað fram í jan-
úar fyrir þá sem eru í stuði,“ segir Kláus og
bætir því við að hann ætli að byrja daginn í
fyrramálið með Club Tropicana með Wham
klukkan átta, áður en hann mætir í dagatal-
ið.
Söguna um Jón Ólaf jólasvein er að finna
á www.jonolafur.is þar sem hægt er að hala
niður einum kafla á dag af hljóðbók eða
prenta söguna um Jón Ólaf jólasvein út.
Kristlaug María, samstarfskona Kláusar og
höfundur Jóns Ólafs jólasveins tekur það
fram að ekki sé búið að selja kvikmynda-
réttinn að sögunni en bóndi norður í Eyja-
firði hafi hug á að gefa söguna út á bók, sem
nokkurs konar hliðarbúgrein og þá mynd-
skreytta, en hún yrði þá algerlega á norð-
lensku.
rh@frettabladid.is
Diskójólasveinninn Kláus tjúttar jólin inn
Kláus segist vera mikið dansfífl og fannst sporin
í kringum jólatréð orðin hálf einhæf þegar hann
ákvað að hressa upp á jóladansinn.
Dansskórnir verða líka dregnir fram næstu jól að
sögn Kláusar sem er stanslaust á ferð og flugi milli
krakkanna í desember.
ABBA, Elvis og Vanilla Ice höfða til Kláusar sem
hefur mikið æft mjaðmasveiflur upp á síðkastið.
Ekkert er meira hressandi en að byrja hvern morg-
un á aðventunni á svolitlu tjútti.
Kláus byrjaði dansinn í desember og hvetur alla til að finna hinn sanna jólaanda í sporunum.
Hjólsög 1400w í tösku,
2 blöð fylgja
kr. 6.210 stgr.
SDS Höggborvél 1500w
kr. 10.995 stgr.
Kúttari 1800w
með framdragi,
+ borðstandur, + laser,
kr. 16.450 stgr.
Tifsög 85w
kr. 7.750 stgr.
Bandsög 350w
kr. 11.925 stgr.
Bútsög 2000w
kr. 14.100 stgr.
Rafmagnstalía
400 / 800kg
kr. 17.860 stgr.
Slípirokkur 500w
115mm
kr. 1.695 stgr.
Rafmagnshefi ll 600w
kr. 2.795 stgr.
Fræsari 1200w
fræsitannasett fylgir
kr. 6.375 stgr.
Stingsög 600w
kr. 3.495 stgr.
Fjölslípari 130w aukahlutir
og standur fylgja
kr. 2,395 stgr.
Súluborvél 350w
1,5 - 13mm
kr. 7.880 stgr.
Hleðsluskrúfjárn 4,8 V
kr. 1.795 stgr.
Snúruborvél 500w
kr. 1.645 stgr.
Snúruborvél 550w
Sjálfherðandi patróna
kr. 1.960 stgr.
Hitabyssa 2000w
kr. 3.250 stgr.
Slípirokkur 2400w
kr. 12.995 stgr.
Bandslípivél 800w
kr. 3.995 stgr.
Loftpressa 1500w 24 lítra
8 bar 206 L/mín
kr. 11.960 stgr.
Borðsög 1600w
kr. 15.870 stgr.
Smergel 120w
kr. 2.920 stgr.
Flísasagir 450w

kr. 6,995 stgr.
Veltisög

kr. 49.000 stgr.
Vinnustóll
38 - 51 cm
kr. 5.710 stgr.
Jeppatjakkur
sem lyftir 2.250kg
150 - 520mm
kr. 9.165 stgr.
Legubretti Pro-lift
kr. 4.855 stgr.
Bónvél 110w
kr. 2.585 stgr.
Réttingatjakkur
10 tonn
kr. 41.400 stgr.
Brunndæla 400w
kr. 4.495 stgr.
Einfaldlega ódýrt
Skeifan 8 • 108 Reykjavík • Sími: 588-6090 • Fax: 588-5040 • vl@simnet.is