Fréttablaðið - 21.12.2007, Blaðsíða 42
BLS. 2 | sirkus | 21. DESEMBER 2007
■ Heyrst hefur
Útgáfufélag 365 prentmiðlar
Ritstjóri Marta María Jónasdóttir
martamaria@365.is
Bergþóra Magnúsdóttir
bergthora@frettabladid.is
Forsíðumynd Völundur Jónsson
Útlitshönnun Kristín Agnarsdóttir
kristina@frettabladid.is
Auglýsingastjóri
Guðný Guðlaugsdóttir Sími 512 5462
Sirkusblaðið Skaftahlíð 24
105 Reykjavík, sími 512 5000
MORGUNMATURINN:
Morgunmatur er ekki mikill
hér í Kína, flestir láta sér
nægja að fá sér heita
sojamjólk og leifarnar frá
því kvöldinu áður, það er
alla vega hefðin. Með
þessari hefð hafa sprottið
upp hinir og þessir
morgunverðarréttir sem eru
byggðir á því að blanda
saman öðrum réttum, þú
ert samt ekki að kaupa alvöru leifar af kvöldmat annarra.
Minn morgunmatur er bara það sem er í boði hverju sinni fyrir
framan íbúðina mína, það sem götusölumaðurinn er að elda
hverju sinni. Þetta geta verið súpur, pönnukökur eða
„dumplings“ og auðvitað heit sojamjólk með.
SKYNDIBITINN: Ef ég er ekki í skapi til þess að tala kínversku
og reyna að koma mér í gegnum kínverskan matseðil er alltaf
hægt að benda á myndirnar í McDonalds eða KFC sem
spretta upp á hverju götuhorni hér í Peking. En besti
skyndibitinn er samt sem áður hefðbundinn kínversk
pönnukaka sem heitir Jian Bing, virkar vel við öll tækifæri ...
morgunmat, hádegismat, þynnkumat, hin fullkomni skyndibiti.
Þetta er þunn pönnukaka sem er steikt fyrir framan mann,
oftast með þunnu lagi af eggi ofan á deiginu, lauk og smá
sterkri sósu. Staðirnir sem selja þennan mat eru oftast bara
einn maður með hellu á
hjólum og hálft hverfið í
biðröð, þannig að
billjón manns geta
varla haft rangt fyrir
sér, þetta er besti
skyndibiti í heiminum.
UPPÁHALDSVERSLUN: Allar verslanir í Peking eru auðveldlega
uppáhaldsverslunin, því að allt er um 80% ódýrara en heima á
Íslandi... frá mat, fötum og upp í lúxusvörur og bíla. En þar
sem ég er mikill bíómaður verð ég að nefna DVD-búðirnar.
Löglegar búðir selja DVD-diska á 300 kr. stykkið og úrvalið er
eins og það besta úr HMV eða Virgin, ólöglegir sölumenn
selja diskinn á 30 kr. stykkið en úrvalið er aðeins stærstu
Hollywood-myndirnar og oft eru gæðin léleg. Síðan eru það
skemmtilegustu búðirnar, „semi-legal“ DVD-verslanir eins og
þær eru kallaðar hér, en þær selja diskana á 60 kr., gott úrval
og góð gæði. Allir diskarnir eru ólöglegir en þetta er samt
búð í húsnæði, ekki maður að selja úr ferðatösku á götunni.
Þar sem þessar búðir borga skatt af húsnæðinu eru þær
orðnar svona ... „semi-legal“.
LÍKAMSRÆKTIN: Hjóla um alla borgina, tennis í almennings-
garði, borðtennis í almenningsgarði eða Tai Chi með gamla
fólkinu á morgnana. Fótbolti í einum af amatör-deildum
útlenskra stórfyrirtækja. Eða bara fara í líkamsræktarstöð
sem eru mjög vinsælar í borginni og nóg af þeim í öllum
gæðaflokkum og verðflokkum.
RÓMÓ ÚT AÐ BORÐA: Franskir veitingastaðir ættu að virka best
upp á þetta að gera og hér er nokkuð gott úrval af þeim,
flestir eru reknir af Frökkum og með kokka beint frá
Frakklandi. En verðið er kínverskt, ekki franskt, þannig að hér
er hægt að fá alvöru franska þriggja rétta máltíð með víni fyrir
um 1000 kr. á mann, og gæðin eru alls ekki minni en í
Evrópu.
BEST VIÐ BORGINA: Andrúmsloftið er rólegt, hér skiptir mestu
máli að fólk sé að lifa lífinu, þannig að fólk vill frekar geta eytt
tíma með börnunum eða vinum og fjölskyldu heldur en að
vera í lífsgæðakapphlaupinu. Þannig að hér er fólk mikið á
veitingahúsum, í görðum að leika sér og almennt að taka því
rólega frekar en að hlaupa í þrjár til fjórar vinnur.
Róbert Douglas,
leikstjóri
PEKING
„Við fluttum herrafataverslun okkar í
alfaraleið í verslunarhúsnæði Kjörgarðs
við Laugaveg og erum þar í kjallaran-
um,“ segir Kormákur Geirharðsson,
verslunareigandi og framkvæmdamaður.
En Kormákur rekur Herrafataverslun
Kormáks og Skjaldar ásamt félaga
sínum Skildi. Tvíeykið hefur rekið
herrafataverslunina um áraraðir og lengi
vel var verslunin á Skólavörðustígnum.
„Verslun okkar virðist hafa gleymst þar
sem hún er í kjallara ofarlega á
Laugaveginum,“ segir Kormákur. „Það
er mikil synd þar sem vöruúrvalið hefur
aldrei verið betra. Við bjóðum nú upp á
þýska gæðamerkið Herr Von Eden sem
hingað til hefur einungis verið selt í
Þýskalandi en þeir sérhæfa sig í
jakkafötum, bindum og skyrtum. Einnig
seljum við fatnað frá ítalska merkinu
DNA sem framleiðir föt í sixtís anda og
hafa verið gífurlega vinsæl,“ bætir
Kormákur við og vonast til að fólk muni
eftir þeim félögunum þegar kemur að
jólainnkaupunum. En hvað ætti hver
karlmaður að eiga fyrir jólin? „Vesti er
algjör skyldueign og góður sixpensari er
nauðsynlegur til að komast út í slabbið,“
segir Kormákur að lokum.
Bergthora@frettabladid.is
HERRAFATAVERSLUN KORMÁKS OG SKJALDAR
GRAFIN OG GLEYMD
VEL KLÆDDIR Kormákur og SKjöldur svíkja ekki kúnnana sína og breyta ekki mikið út
af vananum. Þeim finnst sixpensari og vesti vera alger skyldueign.
MYND/VÖLUNDUR
H eilsugúrúið og matgæðingurinn Sólveig Eiríksdóttir seldi sinn hlut í veit-ingastaðnum Grænum kosti fyrir þremur og hálfu ári. Nú er fyrirtæki henn-ar, Himnesk hollusta, hins vegar búið að kaupa staðinn aftur af fyrri með-
eiganda hennar, Hjördísi Gísladóttur. „Þetta er mjög góð tilfinning, mér finnst
eiginlega eins og ég hafi bara „skroppið aðeins frá“ og sé að koma aftur. Ég er hvort
sem er alltaf kennd við Grænan kost. Síðast um daginn var ég í einhverju viðtali
um Himneska hollustu og spyrillinn segir: „Ég er hérna með hana Sollu á Grænum
kosti sem ætlar að segja okkur frá fyrirtækinu sínu HH …“ segir hún og hlær og
segir að henni hafi bara fundist það krúttlegt. „Ég fékk ljótt brjósklos fyrir um fjór-
um árum, sem reyndist ótrúlega erfitt að sigrast á. Ég hreinlega sá ekki að ég myndi
nokkurn tímann aftur geta farið að vinna í eldhúsi og fannst bara best og skynsam-
legast að selja,“ segir Sólveig spurð um af hverju hún hafi selt á sínum tíma. Nú er
hún hins vegar búin að ná sér að fullu og til í tuskið. Hún segist ekki hafa getað
staðist freistinguna þegar hún komst að því að Hjördís væri í söluhugleiðingum og
hún segir röð mikilla tilviljana hafa leitt það af sér að Grænn kostur hafi endað í
hennar höndum. Þegar hún er spurð að því hvort hún hafi saknað veitingastaðar-
ins segir hún svo vera. „Vissulega hef ég saknað Kostsins, en ég kom mjög reglulega
í heimsókn til Hjördísar og fékk mér að borða og hélt fínu sambandi bæði við hana
og staðinn. Þannig að mér finnst ég eiginlega bara hafa hálf selt,“ segir hún og glott-
ir.
Ætlar þú að gera einhverjar breytingar?
„Hjördís var sjálf byrjuð að gera breytingar og ég mun halda áfram með þær. Ég
hef sjálf breyst á þessum árum síðan við opnuðum Grænan kost, verið dugleg að
sækja mér nýjungar og fróðleik úti um allan heim. Allt hráefnið hefur breyst og
úrvalið aukist ótrúlega mikið. Kúnnarnir hafa breyst og bara meðvitundin almennt
hjá fólki. Grænn kostur hefur verið í fararbroddi og mun ég sjá til þess að svo verði
áfram.“ Sólveig tekur við Grænum kosti um áramótin. Hún mun hafa yfirumsjón
með eldamennskunni en vegna brjósklossins getur hún ekki staðið miklar vaktir í
eldhúsinu. „Ég mun hafa puttana í matargerðinni og skipta mér mikið af, gera það
sem mér finnst skemmtilegast sem er að búa til nýjar uppskriftir og leyfa kúnnan-
um að njóta.“ Grænn kostur var stofnaður 1994 og segir Sólveig að á þeim tíma hafi
orðið miklar breytingar á matarvenjum þjóðarinnar. „Í byrjun fengum við fullt af
fólki sem kom eingöngu hreinlega til að skoða matinn, það var ekki alveg að trúa
því að hægt væri að búa til mannamat úr þessu, hvað þá að maður yrði saddur. Við
þóttum „svolítið“ skrítnar og djarfar en í dag liggur við að krakkar læri að segja
„spínat“ á eftir pabbi, mamma og datt,“ segir hún og hlær.
SÓLVEIG EIRÍKSDÓTTIR ER KOMIN AFTUR HEIM
Keypti Grænan kost
SÓLVEIG EIRÍKSDÓTTIR Er alsæl að vera komin aftur „heim“. Hún segist ekki ætla
að gera neinar stökkbreytingar. MYND / VÖLUNDUR
Ellý Ármanns er
byrjuð að blogga aftur
Aðdáendur ljósblárra skrifa Ellýjar
Ármanns á bloggsíðu hennar geta tekið
gleði sína á ný því Ellý er byrjuð að
blogga aftur. Ellý lokaði bloggsíðu sinni á
haustdögum enda þótti síðan afar
umtöluð. Ellý slær ekki slöku við í nýjustu
færslunum og fer hamförum í lýsingum
sínum á samskiptum íturvöxnu
vinkonunnar og kakóbrúna útvarps-
mannsins. Þeim sem vilja létta af sér í
jólastressinu er bent á að kíkja á síðuna
hennar, http://ellyarmanns.blog.is.