Fréttablaðið - 21.12.2007, Blaðsíða 16
16 21. desember 2007 FÖSTUDAGUR
MENNTAMÁL Háskólafélag Suður-
lands ehf. var formlega stofnað á
Selfossi á miðvikudag.
Tilgangur félagsins er meðal
annars að auka menntunarstig,
búsetugæði og efnahagslegar
framkvæmdir á Suðurlandi. Það
verður gert með því að treysta
undirstöður og samstarf fyrir-
tækja á sviði menntamála,
rannsókna og þjónustu á Suður-
landi. Einnig á að kynna og styrkja
símenntunarstöðvar.
Verkefnið verður unnið í
samstarfi við íslenska háskóla. - ovd
Háskólafélag stofnað:
Aukin lífsgæði
á Suðurlandi
FJÖLBRAUTASKÓLI SUÐURLANDS
Menntunarstig verður aukið á Suður-
landi. MYND/EGILL
DÓMSMÁL Karlmaður var í gær
dæmdur í Hæstarétti í átta
mánaða fangelsi auk ævilangrar
ökuréttarsviptingar fyrir akstur
undir áhrifum áfengis og án
ökuréttinda.
Segir í dómnum að maðurinn
hafi átta sinnum hlotið refsingu
fyrir brot gegn umferðarlögum.
Fjórum sinnum hefur hann verið
dæmdur fyrir að aka ölvaður,
tvisvar til þriggja mánaða og
tvisvar til sex mánaða fangelsis-
vistar. Þá hefur hann átta sinnum
verið dæmdur fyrir að aka án
ökuréttinda.
Manninum var gert að greiða
allan sakarkostnað auk máls-
varnar launa. - ovd
Átta mánaða fangelsi:
Ók ölvaður og
án réttinda
Pósthúsið - S: 585 8300 - www.posthusid.is
Nú þegar farið er að myrkva úti viljum við vinsamlega minna
íbúa á að hafa kveikt á útiljósum við heimili sín til að
auðvelda blaðberum Fréttablaðsins aðgengi að lúgu.
Munum eftir útiljósunum !
Fyrirfram þakkir, dreifing Fréttablaðsins
ÞUNG ÁTTA Fílefldir menn báru
risavaxna „áttu“ yfir Times Square í
New York í Bandaríkjunum. „Áttan,“
sem vegur 227 kíló, er hluti af skilti
sem markar ártalið 2008 og verður
uppljómað þegar klukkan slær tólf á
miðnætti á gamlárskvöld.
NORDICPHOTOS/AFP
ENGLAND Þorpsbúar í Galashields á
Englandi voru furðu lostnir þegar
ölvaður átján ára piltur reyndi að
njóta ásta með gangstétt í bænum.
Drengurinn segir að þetta hafi
verið gert í fíflagangi eftir að
hafa setið að drykkju ásamt
félögum sínum. Hann verður
fyrir vikið ekki settur á lista
lögreglunnar yfir kynferðis-
glæpamenn, en fær tólf mánaða
skilorðsbundinn dóm.
„Þetta var mjög undarlegt,“
sagði lögreglustjóri bæjarins.
„Hver sá sem liggur í götunni að
degi til, bersýnilega ölvaður og
afklæddur að hluta, á greinilega
við vandamál að stríða.“ - sgj
Ölvaður átján ára piltur:
Í ástaratlotum
með gangstétt
DÓMSMÁL Fjórir unglingsdrengir
hlutu sex til tólf mánaða skilorðs-
bundna dóma fyrir fjölda innbrota
sem þeir frömdu í janúar og febrú-
ar á árinu. Yngsti drengurinn var
fimmtán ára þegar brotin voru
framin og hlýtur hann hálfs árs
skilorðsbundinn dóm.
Drengirnir brutust inn í versl-
unina PlexiForm aðfaranótt 13.
febrúar og stálu þaðan vasaúrum
og sporjárnum. Þá brutust þeir
sömu nótt inn í verslunina Hrað-
filman, þar sem þeir stálu tölvu,
tölvuskjá og ljósmyndavél. Í Dúett
Hárstúdíói stálu þeir tveimur rak-
vélum og hárvörum og í B. Ingvars-
syni myndavél og minniskorti.
Kvöldið eftir brutust þeir inn í
Lakkhúsið, stálu þaðan tölvu, skjá
og myndavél. Þá reyndu þeir án
árangurs að spenna upp hurð á
aðalinngangi Gleraugnakompan-
ísins í Kópavogi.
Tveir þeirra voru viðriðnir frek-
ari innbrot, inn í Hárkó, Brúnás,
Litsýn og Innréttingar og tæki.
Þaðan stálu þeir ýmsum varningi.
Annar þeirra, sá fimmtán ára,
hlaut sex mánaða skilorðsbundinn
dóm, en hinn níu mánaða.
Sá þriðji bættist í hópinn við
innbrot í Eldskálann. Hann hlaut
einnig dóm fyrir vitorð og að hafa
ekið undir áhrifum fíkniefna í júlí.
Fyrir brot sín hlaut hann tólf mán-
aða skilorðsbundinn dóm og var
sviptur ökuréttindum. Sá fjórði
fékk sex mánaða dóm. - sgj
Fjórir unglingsdrengir, sá yngsti 15 ára, hlutu skilorðsbundna dóma fyrir innbrot:
Fjórir síbrotaunglingar dæmdir
HAMRABORG Drengirnir reyndu að
brjótast inn í Gleraugnakompaníið við
Hamraborg.
SUÐUR-AFRÍKA, AP Aðalsaksóknari
Suður-Afríku sagðist í gær hafa
nægar sannanir til þess að höfða
nýtt ákærumál á hendur Jacob
Zuma, nýkjörnum leiðtoga Afr-
íska þjóðarráðsins, ANC. Zuma
verður að öllum líkindum forseta-
efni stjórnarflokksins árið 2009.
Mokotedi Mpshe aðalsaksókn-
ari sagði þó að ekki yrði tekin
ákvörðun í málinu fyrr en í byrj-
un næsta árs, en saksóknara-
embættið hefur haft til rannsókn-
ar ásakanir um að Zuma hafi tekið
við háum mútugreiðslum frá
frönsku vopnasölufyrirtæki og í
staðinn séð til þess að ekkert yrði
úr rannsókn á stórum vopnasölu-
samningi.
Zuma hefur neitað þessum ásök-
unum og sagt þær eiga sér pólit-
ískar rætur. Hann hefur þó sagst
ætla að segja af sér verði hann
dæmdur sekur.
Þetta er engan veginn fyrsta
ákæran sem vofir yfir Zuma. Á
síðustu árum hefur hann hvað
eftir annað þurft að mæta í réttar-
sal til að svara fyrir ásakanir af
ýmsu tagi.
Árið 2005 rak Thabo Mbeki, for-
seti Suður-Afríku, Zuma úr emb-
ætti varaforseta eftir að Schabir
Shaik, náinn samstarfsmaður
Zumas, var dæmdur sekur í tengsl-
um við vopnasölumálið.
Síðar sama ár var Zuma ákærð-
ur fyrir að hafa nauðgað eyðni-
smitaðri dóttur látins vinar síns.
Hann var sýknaður af þeirri
ákæru, en jafnframt harðlega
gagnrýndur fyrir ýmis ummæli
um kynlíf sem hann lét falla í
tengslum við þau réttarhöld,
meðal annars að klæðnaður hennar
hafi gefið til kynna að hún vildi
hafa mök, auk þess sem hann sagð-
ist ekki hafa þurft að nota smokk
til að verja sig alnæmissmiti
vegna þess að hann hafi farið í
sturtu strax á eftir.
Á þriðjudaginn vann Zuma yfir-
burðasigur á Thabo Mbeki, for-
seta Suður-Afríku, í leiðtogakjöri
flokksins. Talin er hætta á klofn-
ingi í flokknum í kjölfar leiðtoga-
kjörsins, en bæði Mbeki og Zuma
hafa hvatt til þess að flokksmenn
vinni saman.
Í gær hét Zuma því að eiga gott
samstarf við Mbeki, sem verður
áfram forseti landsins þótt Zuma
hafi tekið við leiðtogaembætti
stjórnarflokksins ANC.
„Við verðum ekki óvinir þótt
keppt sé um embætti meðal
félaga,“ sagði Zuma í gær og kall-
aði Mbeki „vin, félaga og bróður“
til þrjátíu ára. gudsteinn@frettabladid.is
FYRSTA RÆÐAN Jacob Zuma hélt í gær fyrstu ræðu sína sem formaður ANC á loka-
degi flokksþingsins stormasama. FRÉTTABLAÐIÐ/AP
Nægar sannanir til
að ákæra Zuma
Jacob Zuma, nýkjörinn leiðtogi ANC, segist ætla að vinna náið með Thabo
Mbeki, fráfarandi leiðtoga og forseta landsins. Ákæra fyrir spillingu bíður nýja
leiðtogans. Zuma neitar ásökunum og segir þær eiga sér pólitískar rætur.
Við verðum ekki óvinir
þótt keppt sé um embætti
meðal félaga.
JACOB ZUMA
LEIÐTOGI ANC
HEILBRIGÐISMÁL Kristín Á. Guðmundsdóttir, for-
maður Sjúkraliðafélags Íslands, er undrandi á því
að stjórn hjúkrunar- og dvalarheimilisins Kirkju-
hvols á Hvolsvelli skuli hafa ákveðið að taka
ábendingar sjúkraliðanna sem gengu út af heimil-
inu nýlega sem uppsögn og ekki til alvarlegrar
athugunar.
„Miðað við það sem fram hefur komið í kvörtun-
um sjúkraliðanna er ég mjög undrandi á að málið
hafi farið í þennan farveg og endað með því að þær
fari en ekki hjúkrunarforstjórinn,“ segir hún.
Sjúkraliðarnir sendu stjórn hjúkrunarheimilisins
bréf þar sem þær lýstu því yfir að þær treystu sér
ekki til að starfa með nýlega ráðnum hjúkrunarfor-
stjóra og gengu út. Eftir að stjórn heimilisins hafði
ákveðið að líta á bréfið sem uppsögn og vísa því til
hjúkrunarforstjórans sendu sjúkraliðarnir bréf til
stjórnarformannsins þar sem þær lýstu því yfir að
þær væru ekki að segja upp starfi sínu. Kristín
segir að sjúkraliðarnir hafi ekki getað unnið
faglega við þær aðstæður sem nú séu á heimilinu.
Kristín segir að Ólafur Eggertsson stjórnarfor-
maður hafi sagt af sér vegna þessa máls og við
hafi tekið Unnur Brá Konráðsdóttir sveitarstjóri.
Árný Helgadóttir hjúkrunarforstjóri vill ekki tjá
sig um málið. Ólafur hefur hvorki svarað sím-
hringingum né skilaboðum. - ghs
Kristín Á. Guðmundsdóttir, formaður Sjúkraliðafélags Íslands, um Kirkjuhvol:
Undrandi á þróun málsins
EKKI TIL ALVARLEGRAR
ATHUGUNAR Kristín Á.
Guðmundsdóttir, formaður
Sjúkraliðafélags Íslands,
er hissa á því að stjórn
Kirkjuhvols hafi ekki tekið
ábendingar til alvarlegrar
athugunar.
DÓMSMÁL Hæstiréttur sýknaði í
gær fanga á Litla-Hrauni af
ákæru um líkamsárás og vörslu
fíkniefna. Samfangi hans hafði
fengið högg í andlitið meðan á
knattspyrnuleik stóð á íþrótta-
svæði fanga, en ákærði neitaði að
hafa vísvitandi kýlt hann. Sagðist
hann þó mögulega hafa rekist í
hann óviljandi.
Hæstiréttur vísaði til þess að
með þátttöku í knattspyrnu
samþykktu menn kappsemi sem
annars staðar gæti þótt refsiverð.
Þá fannst hassmoli í jakkavasa
í klefa fangans. Sagðist hann ekki
eiga jakkann og þar sem ekki
tókst að sanna að hann hefði vitað
af fíkniefnunum var hann einnig
sýknaður af þeirri ákæru. - sgj
Fangi sýknaður af ákæru:
Kýldi ekki sam-
fanga í knattleik
NEYTENDUR Mjólkurlítrinn hækkar
um tvær krónur um áramótin og
kostar frá 1. janúar 87 krónur.
Verðlagsnefnd búvara hefur
ákveðið verðhækkanir á mjólk og
mjólkurafurðum um 2,8 til 3,5
prósent en verðið hefur verið
óbreytt í tvö ár.
Auk mjólkur hækka rjómi,
skyr, smjör og brauðostar í verði.
Smásöluálagning á mjólkurvör-
um er
frjáls en
verðlags-
nefndin
ákveður
leiðbein-
andi verð.
- bþs
Verðlagsnefnd búvara:
Mjólk hækkar í
verði 1. janúar
LÍTRI AF
NÝMJÓLK