Fréttablaðið - 21.12.2007, Blaðsíða 98
21. desember 2007 FÖSTUDAGUR
Sometime er hljómsveit sem hefur
oft skemmt mér á tónleikum
sínum. Aðalhugsuðir sveitarinnar,
Danni trommari (oft kenndur við
Maus) og Diva de la Rosa, ljóma
þar yfirleitt af gleði og sjarminn
frá þeim bræðir flest allt sem á
vegi þess verður. Því miður er
þessu ekki eins farið á frumburði
sveitarinnar.
Supercalifragilisticexpialidoci-
ous heitir gripurinn og nær ekki
að standast væntingar. Platan
byrjar reyndar vel. Lögin Heart of
Spades og Catch Me If You Can
eru vel áheyranleg, ná ágætri hæð
sem endurspeglast helst í flottu
bíti og ágætlega grípandi laglínu.
Eftir því sem á líður fjarar hins
vegar verulega undan plötunni.
Lagasmíðarnar verða þreyttar og
útsetningar hugmyndasnauðar.
Þegar verst lætur hljómar
Sometime eins og léleg Bjarkar-
eftir herma sem er að reyna að
herma eftir Portishead (til dæmis
í lögunum Take a Ride og In Shad-
ows). Nokkrar tilraunir til þess að
brjóta upp plötuna (íslenski text-
inn í Færi fjöllin og óperuröddin í
Signals in the Sky svo eitthvað sé
nefnt) eru líka frekar klisjukennd-
ar og mislukkaðar. Helst nær
franska lagið Samedi að koma með
ferskt innslag.
Sometime nær samt sem áður
oft að snara fram úr erminni
nýtískulegu stuðpoppi enda hef ég
nú þegar nefnt nokkur lög sem mér
þykir prýðisgóð. Blanda nýbylgju-
legra tóna við gamaldagsrödd Rósu
fer oft ágætlega saman og er
Dreams in Reality besta sönnun
þess. Rósa hefur sérstakan og
áhugaverðan stíl en stundum nær
hún ekki alveg að valda honum,
sérstaklega í háu tónunum.
Nú hef ég nefnt fleiri lög af plöt-
unni sem mér þykir góð en þau
sem mér þykir slæm. Samt sem
áður fær platan ekki fleiri en tvær
stjörnur. Ástæðan er sú að meiri-
hluti plötunnar er einfaldlega ekki
nægilega góður. Hann skortir
allan þann sannfæringarkraft sem
hefur birst manni á tónleikum
sveitarinnar. Í staðinn fyrir að
boðskapur plötunnar sé að koma
sér í stuðfíling er hann meira í átt-
ina að: „Hey stelpur, kíkjum út í
Kronkron og skoðum flotta kjóla.”
Fyrir mér er hið fyrrnefnda atriði
eftirsóknarverðara.
Steinþór Helgi Arnsteinsson
Færir engin fjöll
TÓNLIST
Supercalifragilisticexpiali-
docious
Sometime
★★
Ekki sannfærandi skífa þó svo að
nýbylgjupoppið geti alveg fengið
mann til þess að hreyfa mjaðmirnar.
Farsinn í kringum forræðis-
mál Britney Spears og
Kevins Federline heldur
áfram. Britney vill nú að
synir þeirra gangist undir
eiturlyfjapróf.
Kevin Federline hefur gagnrýnt
fyrrverandi eiginkonu sína, Britn-
ey Spears, harðlega fyrir uppeldi
hennar á drengjum þeirra tveim-
ur, Jayden James og Sean Preston.
Á meðal þess sem hann hefur sett
út á er að söngkonan gefi þeim
ótæpilega mikið af ruslfæði og
sykruðum drykkjum. Nú hefur
Britney hins vegar snúið vörn í
sókn, ef svo má segja, og vill að
drengirnir gangist undir eitur-
lyfjapróf. Hún hefur Federline
grunaðan um að reykja maríjúana
í návist þeirra, sem margir myndu
telja töluvert hættulegra efni en
sykur.
„Britney heldur að Kevin hafi
reykt hass í kringum drengina,“
segir vinur söngkonunnar. „Hún
segir að hún finni lyktina af því í
hári og fötum drengjanna þegar
hún umgengst þá,“ segir vinurinn.
Britney ku vera svo reið yfir þessu
að hún er ákveðin í því að
drengirnir, sem eru eins og tveggja
ára gamlir, gangist undir eitur-
lyfjapróf.
„Hún hefur spurt eftirlitsmann-
inn [sem fylgist með fundum henn-
ar og sonanna] og lögfræðinga sína
hvort þeir geti sannað að börnin
hafi verið í umhverfi þar sem eit-
urlyfja hefur verið neytt,“ segir
heimildarmaður blaðsins Life &
Style. Britney fékk þær upplýsing-
ar að hægt væri að klippa hárlokk
af höfði þeirra, skömmu eftir að
þeir koma frá Kevin, og láta greina
lokkana á rannsóknarstofu.
Sérfræðingurinn Marty Brenner
segir í viðtali við blaðið að gerlegt
sé að framkvæma slík próf á hári.
Það þurfi að fara fram innan tveggja
daga eftir að einstaklingurinn
komst í snertingu við eitur efnin.
Hann segir að hassreykur myndi
sjást á prófunum og að niður stöður
komi yfirleitt eftir örfáa daga.
Ef svo fer að prófin verði jákvæð
gæti það orðið til þess að forræði
Federline yfir drengjunum yrði
endurskoðað.
Synir Britney í eiturlyfjapróf
Paul Ian Adalsteinsson Strachan voru í
gær birtar ákærur í máli sínu. Ian, sem á
íslenskan föður, er grunaður um að hafa
ásamt félaga sínum ætlað að kúga fé út
úr einum úr bresku konungsfjölskyld-
unni vegna myndbanda sem hann er
sagður hafa undir höndum. Myndböndin
hafa verið sögð sýna notkun eiturlyfja
og samkynhneigða hegðun hjá þessum
meðlimi konungsfjölskyldunnar.
Ian kom ekki sjálfur fyrir dómara í
Old Bailey heldur var sýndur á mynd-
bandi, klæddur í venjuleg föt. Hann lýsti
yfir sakleysi sínu við dómarann en
verður þó áfram í varðhaldi til 14. apríl þegar réttar-
höldin hefjast.
Ian hefur setið í varðhaldi í Belmarsh-fangelsinu
síðan hann var handtekinn á hóteli í London hinn 11.
september í umfangsmiklum lögregluað-
gerðum. Breskir fjölmiðlar mega ekki
greina frá nafni fórnarlambsins en
almennt er talið að þetta sé David
Lynley, stjórnarformaður Christie‘s
uppboðsfyrirtækisins og sonur
Margrétar, systur Elísabetar
drottningar. Á MySpace-síðu Ians kemur
fram að vörn hans byggist á því að hann
hafi ætlað að sýna hinum aðalsborna að
það væri leki innan starfsliðs hans og að
þeir félagar hafi borið hag konungsfjöl-
skyldunnar fyrir brjósti.
Samkvæmt vefmiðlum ætluðu
félagarnir að reyna að hafa upp úr krafsinu fimmtíu
þúsund pund, sem samsvara rúmlega sex milljónum
íslenskra króna. Ef þeir verða fundnir sekir eiga þeir
yfir höfði sér fjórtán ára fangelsisdóm. - fgg
Krúnukúgari segist saklaus
IAN Virtist afslappaður þegar mál
hans var tekið fyrir í Old Bailey
og sagðist vera saklaus. Réttar-
höld hefjast 14. apríl.
SYNIRNIR Í EITURLYFJAPRÓF Britney Spears hefur fyrrum eiginmann sinn grunaðan
um að reykja hass í kringum syni þeirra. Hér sést hún með Sean Preston, eldri son
sinn, á mjöðminni.