Fréttablaðið - 21.12.2007, Blaðsíða 106

66 21. desember 2007 FÖSTUDAGUR
BOLTAGREINAR Þrjár ungar boltakonur voru í
nokkrum sérflokki með sínum landsliðum á
árinu. Margrét Lára Viðarsdóttir (21 árs),
Rakel Dögg Bragadóttir (21 árs) og Helena
Sverrisdóttir (19 ára) eru allar undir 22 ára
aldri en voru engu að síður langstiga- og marka-
hæstar í kvennalandsliðum þriggja stærstu
boltagreinanna á árinu 2007.
Skoraði öllum EM-leikjunum
Margrét Lára Viðarsdóttir skoraði 8 mörk í 9
leikjum kvennalandsliðsins í fótbolta á árinu
en liðið vann 61,1 prósent leikja sinna og 3 af 4
leikjum sínum í undankeppni EM. Þetta er
annað árið í röð sem Margrét Lára skorar átta
mörk fyrir kvennalandsliðið. Hún skoraði
fimm mörkum meira en næsta kona á lista sem
var Hólmfríður Magnúsdóttir sem gerði þrjú
mörk á árinu. Þær Dóra María Lárusdóttir,
Greta Mjöll Samúelsdóttir og Katrín Jónsdótt-
ir skoruðu síðan allar tvö mörk fyrir A-liðið á
árinu 2007.
Margrét Lára skoraði í öllum fjórum leikjum
Íslands í undankeppninni á þessu ári þar á
meðal sigurmarkið þegar íslensku stelpurnar
unnu sjöundu bestu þjóð heims á Laugardals-
vellinum. Margrét Lára bætti markamet lands-
liðsins á árinu og hefur nú þegar skorað 29
mörk í 35 leikjum sínum með A-landsliði
kvenna.
Yfir sjö mörk í síðustu sjö leikjum
Rakel Dögg Bragadóttir skoraði 70 mörk í 14
landsleikjum sínum á
árinu eða fimm mörk
að meðaltali í leik.
Rakel Dögg lék
alla leiki liðsins
nema einn og skor-
aði 37 mörk í fimm
leikjum þegar
íslensku
stelpurnar tryggðu sér sæti í umspili
fyrir úrslitakeppni EM með því að ná
2. sæti í undanriðli í Litháen.
Rakel Dögg skoraði 7,1 mark að
meðaltali í síðustu sjö leikjum árs-
ins. Hún skoraði 38 mörkum meira
en næsta kona á lista en Dagný
Skúladóttir skoraði 32 mörk á
árinu og Guðbjörg Guðmanns-
dóttir var þriðja með 28 mörk.
Hrafnhildur Skúladóttir lék
aðeins tvo fyrstu landsleiki árs-
ins en skoraði engu að síður 17
mörk í þeim sem gera 8,5
mörk að meðaltali í leik.
49 prósent stiganna
Helena Sverrisdóttir skor-
aði 63 stig í þremur lands-
leikjum A-landsliðs kvenna í körfubolta
á árinu en það gerir 21 stig að meðaltali
í leik. Helena skoraði 33 stig í eina sig-
urleiknum sem kom gegn Írlandi í
Dublin í lokaleik ársins. Þetta er annað
hæsta stigaskorið í sögu A-landsliðs
kvenna og var Helena aðeins tveimur
stigum frá stigameti Önnu
Maríu Sveinsdóttur. Helena
var stigahæsti leikmaður
íslenska liðsins í öllum leikj-
unum og skoraði 49 prósent
stiga liðsins í síðustu
tveimur leikjun-
um á móti Nor-
egi (18 af 38)
og Írlandi (33
af 67). Hún
skoraði 42
stigum meira en næsta kona á lista
sem var Hildur Sigurðardóttir með
21 stig en Signý Hermannsdóttir
kom síðan þriðja með 19 stig í þess-
um þremur leikjum.
Helena hefur alls leikið 21
landsleik og skoraði í þeim 310
stig eða 14,8 að meðaltali í
leik sem er hæsta meðal-
skor í sögu kvenna-
landsliðsins. Þrátt
fyrir ungan aldur
(19 ára) og fáa leiki
(21) hafa aðeins
fimm leikmenn
skorað fleiri stig fyrir íslenska
kvennalandsliðið.
Það er því óhætta að segja
að þær Margrét Lára,
Rakel Dögg og Helena hafi
drottnað yfir öðrum leik-
mönnum kvennalandslið-
anna á árinu að minnsta
kosti í marka- og stiga-
skorun.
ooj@frettabladid.is
Drottningarnar í landsliðunum
Margrét Lára Viðarsdóttir, Rakel Dögg Bragadóttir og Helena Sverrisdóttir voru í algjörum sérflokki í
marka- og stigaskorun í kvennalandsliðunum í þremur stærstu boltagreinunum á árinu 2007.
63 STIG Helena
Sverrisdóttir skoraði 42
stigum meira en næsta
kona í kvennalandslið-
inu í körfubolta.
FRÉTTABLAÐIÐ/VILHELM
ÁTTA MÖRK Margrét Lára Viðarsdóttir
skoraði fimm mörkum meira en næsta kona í
kvennalandsliðinu í fótbolta.
FRÉTTABLAÐIÐ/ANTON
BOLTAGREINAR Körfuboltalandslið
karla náði bestum árangri af öllum
karla og kvennalandsliðum þriggja
stærstu boltagreinanna á árinu
sem er að líða.
Fréttablaðið hefur skoðað gengi
þessara sex A-landsliða og þar
kemur í ljós að karlalandsliðið í
körfu var með 61,1 prósent hærra
sigurhlutfall en kollegar þeirra í
fótboltalandsliðinu sem unnu
aðeins einn leik af níu á árinu.
Gengi karlalandsliðsins í fót-
bolta á árinu hefur verið milli
tannanna á fólki enda er fátt
jákvætt hægt að finna í níu lands-
leikjum liðsins á þessu ári nema
kannski frábæra vikan í septem-
ber þegar liðið gerði jafntefli við
Spán og vann Norður-Írland. Þessi
vika sér þó til þess að liðið hækkar
sigurhlutfall sitt um tvö prósent
milli ára en karlalandsliðið hefur
aðeins unnið 2 leiki af 15 undan-
farin tvö ár.
Kvennalandsliðið í fótbolta er
besta landsliðið kvennamegin og
er auk þess í 2. sæti yfir öll lands-
liðin sex. Stelpurnar unnu bæði
Kína og Frakkland sem eru í
fremstu röð í heiminum og með
því að vinna 3 af 4 leikjum sínum
í sínum riðli í undankeppni EM á
liðið enn góða möguleika á að
komast inn á EM í Finnlandi
2009.
Það er nokkur munur á karla- og
kvennaliðunum í körfubolta og
fótbolta en handboltalandsliðin
virðast vera á svipuðu róli. Hand-
boltalandslið karla náði 42 pró-
senta árangri í keppnisleikjum
ársins og þar var kvennalandsliðið
með 80 prósenta sigurhlutfall.
Karlaliðið endaði í 8. sæti á HM og
stelpurnar tryggðu sig inn í umspil
fyrir úrslitakeppni EM. Það má
því segja að handboltafólkið hafi
verið í góðu formi í þeim leikjum
sem skiptu máli á árinu.
Körfuboltalandslið karla náði
langþráðu takmarki með því að
vinna gull á Smáþjóðaleikunum í
fyrsta sinn í 14 ár og endaði síðan
undankeppni EM með því að vinna
þrjá síðustu leiki sína. Stelpurnar
náðu sögulegum árangri en 62-67
sigur liðsins á Írum í Dublin var
fyrsti útisigur íslenska kvenna-
körfuboltalandsliðsins í Evrópu-
keppni. - óój
Fréttablaðið ber saman gengi karla- og kvennalandsliða þriggja stærstu boltagreinanna á árinu:
Karlalandsliðið í fótbolta var lélegast í ár
HJÁLPARHÖND Eiður Smári
Guðjohnsen og Ívar Ingimars-
son sem lék sína síðustu
landsleiki á ferlinum.
FRÉTTABLAÐIÐ/PJETUR
STIG FYRIR KVENNA-
LANDSLIÐIÐ Í KÖRFU
1. Helena Sverrisdóttir 63
2. Hildur Sigurðardóttir 21
3. Signý Hermannsdóttir 19
4. Pálína Gunnlaugsdóttir 11
5. Svava Ósk Stefánsdóttir 9
MÖRK FYRIR KVENNA-
LANDSLIÐIÐ Í FÓTBOLTA
1. Margrét Lára Viðarsdóttir 8
2. Hólmfríður Magnúsdóttir 3
3. Greta Mjöll Samúelsdóttir 2
3. Dóra María Lárusdóttir 2
3. Katrín Jónsdóttir 3
MÖRK FYRIR KVENNA-
LANDSLIÐIÐ Í HANDBOLTA
1. Rakel Dögg Bragadóttir 70
2. Dagný Skúladóttir 32
3. Guðbjörg Guðmannsdóttir 28
4. Rut Arnfjörð Jónsdóttir 25
4. Anna Úrsúla Guðmundsdóttir 25
SIGURHLUTFALL LANDS-
LIÐANNA Á ÁRINU 2007:
1. Karlalandsliðið í körfubolta 88,9%
(9 leikir - 8 sigrar, 1 tap)
2. Kvennalandsliðið í fótbolta 61,1%
(9 leikir - 5 sigrar, 3 töp)
3. Karlalandsliðið í handbolta 45,8%
(24 leikir - 10 sigrar, 12 töp)
4. Kvennalandsliðið í handb. 40,0%
(15 leikir - 6 sigrar, 9 töp)
5. Kvennalandsliðið í körfub. 33,3%
(3 leikir - 1 sigur, 2 töp)
6. Karlalandsliðið í fótbolta 27,8%
(9 leikir - 1 sigur, 5 töp)
KÖRFUBOLTI Stjórn KKÍ hefur valið
þau Helenu Sverrisdóttur,
Haukum/Texas Christian Univer-
sity, og Jón Arnór Stefánsson,
Lottomatica Roma, körfuknatt-
leikskonu og körfuknattleiks-
mann ársins 2007.
Þetta er í fimmta sinn á sex
árum sem Jón Arnór fær þessa
viðurkenningu en Helena var hins
vegar valin þriðja árið í röð.
Jón Arnór hefur leikið frábær-
lega með Lottomatica Roma síðan
hann gekk til liðs við liðið í
ársbyrjun en sérstaka athygli
hefur vakið frammistaða hans í
Meistaradeildinni þar sem hann
hefur skorað 12,9 stig í leik.
Helena Sverrisdóttir var
lykilleikmaður liðs Hauka sem
vann alla titla í íslenskum
körfuknattleik á árinu. Hún gekk
til liðs við sterkt háskólakörfu-
boltalið í Bandaríkjunum, Texas
Christian University, þar sem hún
hefur verið í byrjunarliðinu allt
tímabilið. - óój
Körfuknattleiksfólk ársins:
Jón Arnór og
Helena valin
GOTT ÁR Jón Arnór Stefánsson hefur
blómstrað í Róm. NORDICPHOTOS/GETTY
FÓTBOLTI Jens Lehmann, mark-
vörður Arsenal og þýska lands-
liðsins, er enn mjög bitur yfir því
að hafa misst byrjunarliðssæti
sitt hjá Arsenal.
„Ég get ekki neitað því að ég
hef orðið fyrir miklum vonbrigð-
um með að þurfa að horfa á leiki
liðsins frá bekknum. Ég verð svo
reiður að ég verð að kreppa
hnefana með hendurnar í
vasanum,“ sagði Lehmann í
viðtali við fótboltablaðið Kicker.
Lehmann gæti einnig átt á
hættu að missa byrjunarliðssæti
sitt hjá þýska landsliðinu fyrir
EM. Andreas Köpke, markmanns-
þjálfari Þýskalands, segir að
ekkert sé enn ákveðið með stöðu
Lehmanns hjá liðinu, þrátt fyrir
yfirlýsingar Joachims Low,
þjálfara Þýskalands, í fjölmiðlum.
- óþ
Andreas Köpke þjálfari:
Lehmann ekki
öruggur enn
ALLT Í MÍNUS Lehmann hefur ekki átt
sjö dagana sæla og getur ekki leynt
vonbrigðum sínum. NORDIC PHOTOS/GETTY
FÓTBOLTI Aganefnd enska knatt-
spyrnusambandsins hefur neitað
áfrýjun Tottenham vegna rauðs
spjalds sem Didier Zokora,
leikmaður liðsins, hlaut í leik
liðsins gegn Manchester City í
enska deildarbikarnum.
Steve Bennett, dómari leiksins,
gaf Zokora beint rautt fyrir
meinta tveggja fóta tæklingu á
Elano, leikmanni Man. City, en
engin snerting átti sér stað á milli
leikmannanna. Bennett áleit hins
vegar svo að Zokora hefði sýnt
takkana of mikið og um illan
ásetning hefði verið að ræða og
nú hefur aganefndin tekið undir
dóminn og Zokora þarf að afplána
þriggja leikja bann. - óþ
Aganefnd FA:
Bann Zokora
skal standa
SJÖTÍU MÖRK Rakel
Dögg Bragadóttir skoraði 38
mörkum meira en næsta
kona í kvennalandsliðinu í
handbolta.
FRÉTTABLAÐIÐ/DANÍEL