Fréttablaðið - 16.02.2008, Síða 31

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Erna Indriðadóttir, upplýsingafulltrúi hjá Alcoa
Fjarðaáli, er nýkomin niður snævi þakinn
Fagradal á sínum Ford Explorer þegar í hana
næst. Þar geta veður verið válynd en svo er ekki
þennan daginn.
„Þetta var eins og að keyra í póstkorti. Fagridalurinn
ber nafn með rentu í svona veðri,“ segir Erna. Hún
kveðst hafa skroppið í bæinn og bíllinn hennar beðið
á Egilsstaðavelli á meðan. Sá er af gerðinni Ford
Explorer. „Þetta er ótrúlega góður bíll, sá besti sem
ég hef átt,“ segir hún. Ekki stendur heldur á rök-
stuðningi þegar rukkað er um hann. „Helsti kostur-
inn er sá að bíllinn er svo einfaldur og allur búnaður
auðskilinn. Auk þess er hann þægilegur og öruggur í
akstri. Ford er elsti bílaframleiðandi í heimi, hjá
honum er það einfaldleikinn sem gildir ásamt gæðum
og öryggi.“ Í framhaldinu kemur saga um bíl – eða
öllu heldur gestaþraut – sem Erna ók nýlega og var
komin á langleiðina úr bænum austur fyrir fjall þegar
henni tókst að fá miðstöðina til að virka. „Ég er ekki
hrifin af tækniundrum í bílum,“ segir hún með
áherslu.
Fordinn hennar Ernu er af árgerð 2006 og sjálf-
skiptur. Hún kveðst grípa til fjórhjóladrifsins þegar
með þurfi í hinum austfirsku ölpum og einnig APS-
kerfis með átaksmiðlun. „Einu sinni var ég þó í svo
kröppum dansi í hálku að ég þurfti að keyra út af en
hvorki ég né bíllinn bárum skaða af því,“ segir hún.
Erna bætir við að víða á Suðausturlandinu sé útsýnið
úr bílgluggunum reyndar svo fallegt að ökumenn geti
orðið dáleiddir og átt á hættu að lenda utan vegar.
Á langleiðum kveðst Erna ýmist syngja eða hlusta
á hljóðbækur og minnist ferðar síðasta sumar er hún
hlýddi á Magnús Þór Bernharðsson lesa bók sína
Píslar votta nútímans næstum alla leið frá Reyðar-
firði til Reykjavíkur. „Sögunni lauk um það bil sem
ég kom út úr Hvalfjarðargöngunum og eftir það söng
ég,“ segir hún glaðlega. gun@frettabladid.is
Einfaldur og auðskilinn
Erna í vetrarríki Austurlands. Hún telur leitun að betri bíl en sínum. MYND/HILMAR SIGURBJÖRNSSON
FYRIR STÆRRI FJÖLSKYLDUR
Þegar fimm manna fjöl-
skyldubílar duga ekki
lengur koma þeir
sjö manna
sterkir inn.
BÍLAR 3
VATNSHELD Í VÆTUNNI
Það er óþarfi að vera fótkaldur
og blautur í rigningunni ef
rétt er að farið.
TÍSKA 5