Fréttablaðið - 08.03.2008, Blaðsíða 60

8. MARS 2008 LAUGARDAGUR18 ● fréttablaðið ● ferðaklúbburinn 4x4 25 ára
Skagafirðingadeild var stofnuð 28. febrúar árið
1992.
Eins og fleiri á landsbyggðinni voru Skagfirðingar
nokkuð seinni til að tileinka sér jeppabreytingar en
íbúar höfuðborgarsvæðisins. Þeir voru þó fjölmarg-
ir sem fylgdust með og einstaka maður lét sér ekki
nægja að horfa á og má þar til dæmis nefna Sigur-
þór Hjörleifsson í Messuholti sem var einna fyrstur
Skagfirðinga til þess að nota stærri hjólbarða undir
bíl sinn snemma á áttunda áratugnum. Einn og einn
breyttur bíll slæddist þó hingað, en oftast var þar um
að ræða hálfgerða garma sem annað tveggja höfðu
ekki reynst vel eða voru orðnir mikið slitnir.
Þegar leið á níunda áratuginn fór þeim að fjölga
sem áttu breytta jeppa og um 1990 er breyttum jepp-
um farið að fjölga mikið og vetrarferðir farnar að
vera tíðari. Samhliða hófst umræða meðal eigenda
þessara bíla um nauðsyn þess að tengjast meira því
félagsstarfi sem þá var farið að blómstra syðra og til
þess að auðvelda gæslu hagsmuna sinna.
Stofnfundur var haldinn 28. febrúar 1992. Eitt
fyrsta viðfangsefni klúbbfélaga var að komast yfir
samastað á fjöllum. Samið var við Upprekstrarfé-
lag Eyvindarstaðaheiðar um að fá til umráða gangna-
mannaskála sunnarlega á Goðdalafjalli þar sem
ógjörningur var að fá leyfi á þessum árum til að
byggja nýja skála á hálendinu. Gerður var langtíma-
samningur um skálann og klúbburinn endurbætti
skálann nokkurn veginn eftir sínu höfði en „eigend-
ur“ hans myndu svo eignast hann smám saman á
samningstímanum sem leigu.
Samningamál hafa þróast þannig að fyrirséð er að
klúbburinn muni eignast að minnsta kosti verulegan
hlut í skálanum út á endurbætur sínar. Skagafjarð-
ardeild hefur nú keypt Skiptabakka og er nú skálinn
alfarið í eigu deildarinnar og er með vistlegri skál-
um landsins. Þar er olíukynt, Sóló-eldavél með mið-
stöðvarkatli sem ofnar eru tengdir við. Í skálanum er
meðal annars vatnssalerni og einnig hafa verið sett
upp sólarrafhlöðuljós. Nú á haustdögum var byrjað að
byggja forstofu við skálann þannig að verkefnin eru
næg og mikill fjöldi félaga sem kemur að þeim.
Það má sjá á fundargerðabókum klúbbsins að
strax hafa menn tekið til óspilltra málanna við að
afla fræðslu fyrir félagsmenn um hin ýmsu mál sem
brunnu og brenna á jeppamönnum. Strax á fyrsta
starfsári voru haldin námskeið um notkun korta, átta-
vita og leiðsögutækja og síðar fóru fram kynningar
frá seljendum ýmiss konar búnaðar og fengnir voru
„lærðir“ menn til að kynna hina ýmsu leyndardóma
jeppabreytinga.
Það komst fljótlega á sá siður að fara þorrablóts-
ferð til fjalla snemma vetrar. Síðastliðinn vetur var
farið í fimm daga ferð á Vatnajökul og í ár var stefnan
sett á fjögurra daga ferð austur í Kverkfjöll.
Meðan á endurbótum Skiptabakkaskálans stóð
voru svo farnar margar vinnuferðir þangað upp eftir
og einnig dreifa félagar áburði og fræjum á mela í
kringum skálann. Nú eru félagsmenn í uppgræðslu-
átaki þar sem hey- og hálmrúllum er dreift á melana,
sú ferð er farin á hverju sumri. Það er ef til vill
einna athyglisverðast við starf þessarar deildar hvað
félagsfólk hefur verið fúst til að leggja á sig vinnu og
fyrirhöfn í þágu klúbbsins.
Sá siður komst fljótlega á að almennir fundir væru
fyrsta miðvikudagskvöld í mánuði hverjum frá sept-
ember fram í apríl. Aðalfundur deildarinnar er hald-
inn í maí og sú venja hefur skapast síðustu árin að
hafa bjórkvöld í júní. Aðventuferð er orðin að árleg-
um viðburði sem og fjölskyldudagurinn í janúar þar
sem eitthvað sniðugt er gert og allir fjölskyldumeð-
limir geta skemmt sér. Þorrablót er haldið í febrúar
og farið í stórferð í marsmánuði sem deildin heldur
utan um.
Félagar deildarinnar eru orðnir um áttatíu þannig að
deildin hefur vaxið og dafnað í gegnum árin.
STJÓRN SKAGAFJARÐARDEILDAR 20072008
Hilmar A. Baldursson formaður, K-651, hilbal@sim-
net.is sími: 8995204 / 4535204, Grenihlíð 4
Stefán Guðmundsson gjaldkeri, K-621, unaas@sim-
net.is sími: 8954405 / 4536025, Hólavegi 30
Rúnar Már Jónsson ritari, K-717, rmjhg@simnet.is
sími: 8612673 / 5512674, Birkihlíð 7
Ólafur Björnsson meðstjórnandi, K-668, gugga@sim-
net.is sími: 8947485 / 4536752, Hvannahlíð 2
Sigþór Smári Sigurðsson meðstjórnandi, k4@visir.is
sími: 8672747, Knarrastígur 4
Starfandi eru ferðanefnd, skemmtinefnd og skála-
nefnd.
Deildin heldur úti heimasíðu http://skagafjordur.
net/4x4
Hilmar A. Baldursson formaður og Rúnar Már Jónsson ritari.
Mönnum þótti brýnt að geta horft á fyrstu formúlukeppni ársins. Horft var á keppnina í Setrinu aðfaranótt 18. mars 2007.
MYND/RÚNAR MÁR JÓNSSON
Húsavíkurdeildin var fyrsta deildin innan f4x4 sem
stofnuð var á landsbyggðinni 1987 og er ennþá starf-
andi.
Húsavíkurdeild var stofnuð til þess að gæta hags-
muna jeppamanna og þeirra sem hefðu áhuga á að
ferðast saman um landið. Fundir eru haldnir reglu-
lega þar sem málefni deildarinnar og það sem við-
kemur ferðamennskunni er rætt í þaula.
Skipulagðar ferðir eru farnar á vegum deildarinn-
ar svo sem dagsferð um áramótin ásamt lengri ferð-
um þegar það hentar.
STJÓRN HÚSAVÍKURDEILDAR 2007  2008
Ómar Egilsson formaður, sími: 8664083 / 4641647
Oddur Örvar Magnússon ritari, flatey@simnet.is
sími 8951776 / 4641776
Árni Pétur Hilmarsson gjaldkeri, arnihilmarsson@
gmail.com sími: 866 3586
Hægt er að panta Þeistareykjaskálann hjá formanni
deildarinnar.
Oddur Örvar Magnússon ritari
EYJAFJARÐARDEILD
Eyjafjarðardeild Ferðaklúbbsins 4x4 var stofnuð 14. apríl 1991.
Stofnfélagar voru um 60. Núna eru skráðir félagar um 180 talsins.
Almennir deildarfundir eru haldnir í húsnæði Björgunarsveitarinn-
ar Súlna að Hjalteyrargötu 12. Fundirnir eru haldnir frá septemb-
er til júnímánaðar, fyrsta þriðjudag í hverjum mánuði klukkan 20.
Starf deildarinnar einkennist af skipulagningu ferða, fræðslu og
skemmtunum. Einnig hefur mikið starf verið unnið við byggingu
skála félagsins á Réttartorfu.
Starf deildarinnar hefur alla tíð verið nokkuð öflugt og góður
kjarni jeppamanna á Eyjafjarðarsvæðinu haldið deildinni gangandi
í gegnum árin. Margar ferðir eru farnar sem skipulagðar eru af
ferðanefnd eða af félögunum sjálfum. Einnig eru skemmtanir, eins
og þorrablót, þrettándagleði, bjórkvöld, árshátíð og fjölskyldudag-
ur, haldnar ár hvert. Í öllum þessum ferðum og skemmtunum er
jafnan góð þátttaka og eflir það félagsandann og lífgar upp á fé-
lagsmenn. Til dæmis fóru 23 bílar með brennuefni á milli jóla og
nýárs upp í Réttartorfu og svipað magn af bílum fór á gleðina sjálfa
hinn 12. janúar. Þar var mikið um dýrðir, brenna, flugeldasýning og
borðaður góður matur. Einnig var hljómsveit á staðnum sem spil-
aði undir söng.
Árshátíð 4x4 klúbbsins var að þessu sinni haldin á Akureyri og sá
Eyjafjarðardeildin um stóran hluta þess undirbúnings. Mæddi þar
mest á Benedikt Sigurgeirssyni og kunnum við honum þakkir fyrir.
Árshátíðin fór vel fram með skemmtiatriðum, fjöldasöng, dýrindis
kvöldverði og dansleik á eftir.
Þorrablótið var haldið í Dreka, skála Ferðafélags Akureyrar við
Öskju. Menn óku þrjár mismunandi leiðir til þess að koma sér þang-
að og lögðu ekki allir af stað á sama tíma en allir náðu að komast á
réttum tíma til blóts sem var hin besta skemmtun. Heimferð gekk
nokkuð vel þótt smá óhöpp yrðu. Einhver misskilningur varð þegar
verið var að draga einn úr krapapytti og bökkuðu þeir bílunum
saman. Töluvert tjón hlaust af en engin meiðsl á fólki.
Félagsmenn hafa verið nokkuð iðnir í bílaskiptum þetta árið og
væri það efni í aðra grein að telja þau skipti upp. Sumir stækkuðu
dekkin, aðrir stækkuðu vélarnar og enn aðrir skiptu um bíla og
sumir enn þá akandi á geisladiskunum (upphaflegum hjólbörðum).
Vert er að minnast samt á þá bjartsýnismenn Baldur og Tryggva
Pálssyni sem réðust í það stórvirki að setja 54” háa hjólbarða undir
Land Cruiser HJ61. Það skrímsli var vígt í þorrablótsferðinni og
virðist kominn nýr kafli í íslenskri jeppamennsku. Þetta virðist
vera óstöðvandi tæki hvað drifgetu varðar.
Skriðgírs-væðing er orðin nokkuð áberandi hjá Eyjafjarðardeild
og fórum við í ferð um daginn í Kerlingarfjöll, svokallaða þing-
mannaferð, þar sem í ljós kom að allir sem í þeirri ferð voru með
skriðgír (lóló). Enda kom það sér vel þar sem færið var mjög þungt
á köflum.
Skáli deildarinnar er eins og áður sagði á Réttartorfu. Það hús
var reist við hlið lúins gagnamannakofa og er svokallað A-hús. Skál-
inn er hinn myndarlegasti og notalegur í að koma. Sumarið 2005 var
ráðist í að stækka skálann og var byggt við hann til norðurs önnur
A-álma. Hefur það verk verið unnið með hléum síðan og vantar að-
eins herslumuninn á að það sé fullklárað.
Nýi hlutinn var samt gerður fokheldur strax og hefur nýst okkur
vel fram að þessu. Í viðbyggingunni á að vera snyrting, geymsla og
verkfæraaðstaða.
Að lokum viljum við hvetja alla jeppaáhugamenn á Eyjafjarðar-
svæðinu að kynna sér starf okkar með því að líta til okkar á félags-
fund.
STJÓRN EYJAFJARÐARDEILDAR 20072008:
Halldór G. Hauksson formaður, halligulli@kliptrom.is
sími: 5645104 / 692 1112
Erlingur Harðarson gjaldkeri, erlingur@unak.is
sími: 4627259 / 864 8442
Jörundur Þorgeirsson ritari, jorundur@taeting.is
sími: 461 2227 / 894 5771
Sigurkarl Aðalsteinsson meðstjórnandi, passion@simnet.is
sími: 462 7053 / 8920083
Eiður Jónsson meðstjórnandi, ejonsson@simnet.is
sími: 861 5537
Elías þorsteinsson varamaður, elias@idnval.is
sími: 461 4422 / 894 4722
Grétar G. Ingvarsson varamaður, ggi@simnet.is;
sími: 462 4335 / 846 9021
Deildin heldur úti heimasíðu http://www.ey4x4.net
Halldór G. Hauksson formaður.
Þrettándabrenna við Réttartorfu 12. janúar 2008. MYND/ERLINGUR HARÐARSON
Dagsferð í Heilagsdal. MYND/ODDUR ÖRVAR MAGNÚSSON
HÚSAVÍKURDEILD
SKAGFIRÐINGADEILD