Fréttablaðið - 08.03.2008, Blaðsíða 6

6 8. mars 2008 LAUGARDAGUR
ORKA „Húsakaup fyrir þessar upp-
hæðir eiga ekki að vera efst á dag-
skrá Orkuveitunnar. Ef það vantar
svona mikið pláss geta þeir bara
smækkað aðeins skrifstofurnar
þarna á efstu hæðunum,“ segir
Svandís Svavarsdóttir, fulltrúi VG
í stjórn Orkuveitunnar.
Svandís var spurð um afstöðu
hennar til hugsanlegra lóðakaupa
Orkuveitunnar, sem greint var frá
hér í gær. Hún ætlar ekki að greiða
atkvæði með þeim, en meirihlut-
inn mun að líkindum leggja tillög-
una fyrir næsta stjórnarfund.
Rætt er um 33.000 fermetra lóð
Osta- og smjörsölunnar, við hlið-
ina á höfuðstöðvum Orkuveitunn-
ar. Með fylgir 4.700 fermetra hús.
Fasteignamat ríkisins metur
þetta samtals á tæpar 940 milljón-
ir króna, en verðhugmyndir Orku-
veitu og Smjörsölu eru trúnaðar-
mál. Þær eru líklega hærri.
Sigrún Elsa Smáradóttir Sam-
fylkingu tekur ekki afstöðu til
kaupanna. Ekki fyrr en meirihlut-
inn hafi fengið „tækifæri til að
færa rök fyrir því hvað hafi breyst
frá því hann gagnrýndi harðlega
að húsnæði Orkuveitunnar væri
allt of dýrt og stórt.“
„Ég hlakka til að sjá þann rök-
stuðning,“ segir hún.
Gunnar Sigurðsson, fulltrúi
Akranesskaupstaðar í stjórn fyrir-
tækisins, tekur heldur ekki beina
afstöðu. Hann vill „hvetja menn til
að fara hægt í þetta og meta vand-
lega hvað er hagkvæmt og hvað
ekki. Ég vil svo skoða þetta þegar
öll gögnin eru komið á borðið.“
Hann minnir þó á að horfa þurfi
til framtíðar og þarfa fyrirtækis-
ins, sem hafi vaxið mikið og eflst á
síðustu árum. Einnig geti verið
gott fyrir fyrirtækið að hafa eitt-
hvað að segja um hverjir verði
nágrannar þess.
Spurður hvort ekki hafi komið til
tals að lækka frekar reikninga við-
skiptavina, segir Gunnar það alltaf
til umræðu. klemens@frettabladid.is
Svandís vill ekki sjá
að lóðin verði keypt
Fulltrúi VG er mótfallinn lóðakaupum Orkuveitunnar, fulltrúi Samfylkingar
hlakkar til að heyra rök meirihluta fyrir þeim og fulltrúi Akraness hvetur
stjórnina til að fara varlega. Alfreð Þorsteinsson er ósammála kostnaðartölum.
OSTAHÚSIÐ Húsnæðið sem rætt er um hýsti áður Ostabúðina. Á bak við á mynd-
inni sést í hús Orkuveitu Reykjavíkur. Ostabúðina mun eiga að leigja út eða rífa.
Aðalfengurinn með kaupunum er lóðin. FRÉTTABLAÐIÐ/STEFÁN
Alfreð Þorsteinsson, fyrrverandi
stjórnarformaður Orkuveitunnar,
kveður þær tölur af og frá, sem
hafðar voru til upprifjunar í blaðinu í
gær um kostnað við Orkuveituhúsið.
Tölurnar voru teknar úr viðtali við
þáverandi stjórnarformann fyrirtækis-
ins, Guðlaug Þór Þórðarson.
„Sjálfstæðismenn hafa verið dug-
legir við að hækka kostnaðinn upp
í skýjahæðir. Þar hafa þeir meðal
annars tekið inn í reikninga stóra
byggingu sem var fyrir á lóðinni. Svo
hafa þeir framreiknað allan kostnað,
en ekki kostnaðaráætlanir, á verðlag
dagsins í dag,“ segir Alfreð.
Því hafi verið haldið fram að
kostnaður við húsið hafi verið 5,8
milljarðar og hann farið 300 til 400
prósent fram úr áætlun. Þetta sé
ótrúleg firra, því húsið hafi kostað 3,2
milljarða á verðlagi ársins 2005, en
uppfærð kostnaðaráætlun á sama
tíma hafi numið 2,7 milljörðum.
„Kostnaður fór því 20 prósent
fram úr áætlun og skýrist helst af
því að húsið var stækkað um 1.000
fermetra frá upphaflegri áætlun,“
segir hann. Söluandvirði gamalla
fasteigna hafi svo ekki átt að dekka
byggingarkostnað hússins, heldur
ganga upp í hann.
„Það er bara ein bygging á vegum
borgarinnar sem kemst nálægt þess-
um útreikningum sjálfstæðismanna.
Það er Ráðhúsið, sem átti að kosta
500 milljónir, en endaði í rúmum
þremur milljörðum!“ segir hann.
ÁRÓÐURSKENNDAR KOSTNAÐARTÖLUR
LÖGREGLUMÁL Annþór Kristján Karlsson var í gær
úrskurðaður í Héraðsdómi Reykjaness til að ljúka
eftirstöðvum 360 daga fangelsisrefsingar sem hann
átti óafplánaða af þriggja ára dómi fyrir hrottalega
líkamsárás. Hann var á reynslulausn þegar lögregla
handtók hann vegna rannsóknar á svokölluðu
hraðsendingarmáli. Þá var Tómas Kristjánsson,
starfsmaður hraðsendingafyrirtækisins UPS,
úrskurðaður í áframhaldandi gæsluvarðhald til 18.
apríl vegna sama máls.
Málið kom upp þegar reynt var að smygla
tæplega fimm kílóum af amfetamíni og 600
grömmum af kókaíni með hraðsendingu um miðjan
nóvember síðastliðinn. Þá lagði Tollgæslan á
Suðurnesjum hald á efnin sem komu hingað til
lands frá Þýskalandi.
Gæsluvarðhald yfir báðum mönnunum rann út í
gær. Annþór er kominn í afplánun, eins og áður
sagði, en gæsluvarðhald yfir Tómasi var framlengt
á grundvelli almannahagsmuna. Það þýðir að
sakborningi er gert að sitja í gæsluvarðhaldi þar til
rannsókn lýkur, ákæra er gefin út og jafnvel þar til
dómur gengur og afplánun getur hafist. Þetta er
algengt ferli í stærri fíkniefnamálum. - jss
Úrskurðir Héraðsdóms Reykjaness vegna gæsluvarðhalds í hraðsendingarmáli:
Annar sakborninga farinn í
afplánun og framlengt á hinn
HÉRAÐSDÓMUR REYKJANESS Dómari sendi Annþór í afplánun
og framlengdi gæsluvarðhald yfir Tómasi Kristjánssyni.
AÐALFUNDUR
Starfsmannafélags Reykjavíkurborgar verður
haldinn laugardaginn 8. mars kl. 13.00
að Grettisgötu 89, 1. hæð.
Á dagskrá eru venjubundin aðalfundarstörf.
Aðalfundurinn er opinn öllum félagsmönnum.
Stjórnin
HEKLA vélasvið
Klettagörðum 8-10, sími 590 5000, www.hekla.is, velasvid@hekla.is.
Opið í dag, laugardag, frá 12 til 18.
Tilboðsverð í dag:
5.400.000 + vsk
Ein af tilboðsvélum dagsins:
KOMATSU D61PX
Árgerð 2000, ekin 8.400 klst.
Á GÓÐUM NOTUÐUM TÆKJUM
HJÁ VÉLASVIÐI HEKLU
ERU SAMNINGADAGAR
NÚ A
Finnst þér að breyta eigi lögum
um eftirlaun ráðherra, þing-
manna og hæstaréttardómara?
Já 92,2%
Nei 7,8%
SPURNING DAGSINS Í DAG:
Trúir þú að hægt sé að leiðrétta
launamun kynjanna?
Segðu skoðun þína á vísir.is
VIÐSKIPTI „Það verður aldrei
þannig að einhverjir verði ekki til
þess að leita út fyrir hið hefð-
bundna umhverfi. Við getum
aldrei stoppað allt,“ segir Árni M.
Mathiesen fjármálaráðherra.
Indriði H. Þorláksson, fyrrver-
andi ríkisskattstjóri, hefur bent á
að þriðjungur eignar í Kauphöll-
inni sé skráður erlendis. Vera
kunni að ríkið verði af miklum
skatttekjum vegna þess.
„Við höfum verið að gera skatt-
kerfið okkar samkeppnishæfara,”
segir Árni. Hann bendir á að
nýlega hafi verið ákveðið að
lækka skatta á fyrirtæki í fimm-
tán prósent auk þess liggi fyrir
frumvarp um söluhagnað af hluta-
bréfum.
Indriði hefur lagt til að meðal
annars verði tekin upp svonefnd
CFC-löggjöf. Árni segir yfirvöld
hér hafi ekki komist að þeirri
niður stöðu að slík löggjöf „yrði til
stórkostlegra bóta“.
Fram kemur í tölum frá Seðla-
bankanum að fé sem Íslendingar
geyma í Hollandi, Lúxemborg og
í skattaparadísum og fjárfesta
svo aftur hér á landi, hefur marg-
faldast frá árinu 2004. Þessi upp-
hæð nemur hátt í 500 milljónum
króna að markaðsvirði. Árni seg-
ist engar skýringar kunna á því.
Árni væntir þess ennfremur að
nefnd sem falið var að fara yfir
skattkerfið og kanna skattkerfi í
ýmsum löndum fari að skila
skýrslu. - ikh
Fjármálaráðherra telur ómögulegt að hindra að fé sé geymt í skattaparadísum:
Getum aldrei stoppað allt
ÁRNI M. MATHIESEN Fjármálaráðherra
bíður eftir skýrslu frá nefnd sem kanna á
ýmis skattkerfi. FRÉTTABLAÐIÐ/PJETUR
DÓMSMÁL Reykvískur karlmaður
hefur verið dæmdur í þriggja
mánaða fangelsi, skilorðsbundið
til þriggja ára fyrir að ráðast
með ofbeldi og hótunum á tvo
lögreglumenn á veitingahúsi í
Reykjavík.
Maðurinn sló til annars
lögreglumannsins krepptum
hnefa en hinum síðarnefnda
tókst að koma sér undan
högginu.
Þá hótaði maðurinn báðum
lögreglumönnunum lífláti og að
hann gæti látið drepa þá. Loks
reyndi hann að skalla annan
lögreglumanninn í andlitið.
- jss
Reykvískur karlmaður dæmdur:
Hótaði lögreglu-
mönnum lífláti
KJÖRKASSINN