Fréttablaðið - 08.03.2008, Blaðsíða 104

64 8. mars 2008 LAUGARDAGUR
sport@frettabladid.is
Þau komu talsvert á óvart tíðindin á fimmtudag að Viggó Sigurðsson
væri búinn að semja við Fram til næstu tveggja ára. Hann tekur
við starfinu af Ungverjanum Ferenc Buday en samningur hans
við Safamýrarliðið rennur út í lok tímabils.
„Okkur barst til eyrna að hann hefði áhuga á að koma aftur
í þjálfun og heyrðum fyrst í honum á þriðjudaginn og lokuðum
málinu á fimmtudag. Þetta var einfalt. Við viðruðum okkar
hugmyndir, honum leist vel á þær og við kláruðum dæmið,“
sagði Jón Eggert Hallsson, formaður handknattleiksdeildar
Fram, en leikmönnum og núverandi þjálfara liðsins var tilkynnt
um ráðninguna eftir leikinn gegn Aftureldingu á fimmtudag.
Tímasetningin vekur eðlilega athygli enda tímabilið ekki búið
og vandséð hvernig tíðindin fara í leikmenn sem og núverandi
þjálfara.
„Við vildum ekkert vera í felum með þetta. Það er algjör
óþarfi. Buday fékk líka að vita að hann nyti fulls stuðnings
stjórnar út tímabilið. Það er alls ekkert verið að reka hann,
málið er einfaldlega að hann er bara að klára sinn samning.
Við vorum að velta fyrir okkur framhaldinu og hvaða þjálfara við vild-
um. Viggó var í boði og hann er frábær þjálfari sem við vildum fá.
Ég væri að ljúga ef ég segði að við hefðum ekki áhyggjur af því
hvaða áhrif þetta kemur til með að hafa í framhaldinu. Við höfum
samt trú á Buday, hann er reyndur kappi sem klárar þetta
örugglega með sæmd. Hann tók fréttunum af fag-
mennsku,“ sagði Jón.
Viggó Sigurðsson hefur verið ákaflega sigursæll
þjálfari í gegnum tíðina. Það er ljóst að slíkur þjálfari
kostar skildinginn.
„Það er ekkert ókeypis í lífinu. Við höfum vel efni
á Viggó, annars værum við ekki að standa í þessu,“
sagði Jón Eggert en það eru hvorki einstaklingar né
fyrirtæki sem fjármagna þessa tilteknu ráðningu líkt
og oft tíðkast í íþróttalífinu hér heima. „Við erum
bara duglegir að safna peningum. Þetta rúmast vel
innan rekstraráætlunar næsta árs og það er gert
ráð fyrir þessu á áætluninni árið þar á eftir.“
VIGGÓ TEKUR VIÐ AF BUDAY: TÓK AÐEINS TVO DAGA FYRIR FRAMARA AÐ NÁ SAMNINGUM VIÐ VIGGÓ
Við höfum vel efni á Viggó Sigurðssyni
HANDBOLTI Eins og kunnugt er
mun Viggó Sigurðsson taka við
liði Fram næsta sumar er
samningur Ungverjans Ferenc
Buday rennur út.
Buday sagðist hafa fengið
tíðindin eftir leik Fram og
Aftureldingar á fimmtudag og
játaði að þau hefðu komið sér
nokkuð á óvart.
Hann sagði að þó svo að hann
ætti ekki framtíð hjá félaginu
myndi hann klára tímabilið af
fullum krafti fyrir Fram.
Buday sagði framhaldið hjá sér
óljóst en taldi nokkuð víst að hann
ætti að geta komist að hjá
félögum í Evrópu eða í heima-
landinu. Aðspurður hvort hann
hefði áhuga á að þjálfa áfram á
Íslandi sagðist hann einfaldlega
skoða allt sem kæmi upp með
opnum huga en eins og staðan
væri núna myndi hann eflaust
halda heim á leið. - hbg
Ferenc Buday:
Væntanlega á
leið heim
Á FÖRUM Ferenc Buday fer líklega aftur
til Ungverjalands í sumar.
Iceland Express-deild karla
Snæfell-Grindavík 75-72
Þór Ak.-Fjölnir 106-81
Iceland Express deild kvk.
Keflavík-Hamar 97-74 (51-37)
Stig Keflavíkur: Kesha Watson 42, Margrét Kara
Sturludóttir 15 stig (14 frák., 6 stolnir), Pálína
Gunnlaugsdóttir 13 (10 frák.), Susanne Biemer
10, Birna Valgarðsdóttir 9, Rannveig Randvers-
dóttir 4, Ingibjörg Elva Vilbergsdóttir 2, Halldóra
Andrésdóttir 2.
Stig Hamars: Lakiste Barkus 28 stig (9 frák. 9
stoðs.), Iva Melevoj 20 (8 frák., 6 stoðs.), Hafrún
Hálfdánardóttir 8 (7 frák.), Jóhanna Björk Sveins-
dóttir 7, Sóley Guðgeirsdóttir 4, Fanney Lind
Guðmundsdóttir 3, Dúfa Dröfn Ásbjörnsdóttir 2,
Íris Ásgeirsdóttir 2.
Algarve Cup
Ísland-Írland 4-1
1-0 Erla Steina Arnardóttir (7.), 2-0 Margrét Lára
Viðarsdóttir (12.), 3-0 Sara Björk Gunnarsdóttir
(18.), 3-1 (23.), 4-1 Margrét Lára Viðarsdóttir
(40.).
*Ísland mætir heimaliði Portúgal á mánudaginn.
ÚRSLITIN Í GÆR
> Ragna hætti keppni vegna meiðsla
Ragna Ingólfsdóttir, margfaldur Íslandsmeistari í badmin-
ton, varð að hætta keppni á alþjóðlega badmintonmótinu
Croatian International í gær. Ragna mætti þá Kristinu
Ludikovu frá Tékklandi í fyrstu umferð mótsins en varð fyrir
því óláni að snúa sig í annarri lotu og varð í framhaldinu
að gefa leikinn. Samkvæmt heimasíðu Badmintonsam-
bands Íslands munu meiðsli Rögnu ekki
vera talin alvarleg en hún fer strax í
meðferð hjá læknum og sjúkraþjálf-
urum við heimkomuna til Íslands.
Ragna mun líklega fara á færri mót
á næstunni en hún hafði planað og
einbeitir sér væntanlega að því að
verða klár í slaginn á Evrópumót-
inu í apríl næstkomandi.
FÓTBOLTI Íslenska kvennalandslið-
ið í knattspyrnu sigraði Íra auð-
veldlega 4-1 á Algarve Cup í Portú-
gal í gær. Öll mörk leiksins voru
skoruð í fyrri hálfleik en þetta var
annar leikur Íslands í mótinu og
annar sigurinn.
Erla Steina Arnardóttir kom
Íslandi yfir strax á 7. mínútu og
Margrét Lára Viðarsdóttir bætti
öðru marki við fimm mínútum
síðar. Sara Björk Gunnarsdóttir,
sem var að leika sinn fyrsta lands-
leik í byrjunarliðinu, skoraði
þriðja markið á 18. mínútu en
fimm mínútum síðar minnkuðu
írsku stelpurnar muninn. Það var
svo Margrét Lára sem skoraði síð-
asta mark leiksins á 40. mínútu.
Sigurður Ragnar Eyjólfsson,
þjálfari kvennalandsliðsins, var
afar sáttur þegar Fréttablaðið náði
tali af honum í leikslok í gær.
„Ég er mjög ánægður með leik
liðsins og þá sérstaklega fyrri
hálfleikinn, sem er einn sá besti
sem liðið hefur spilað undir minni
stjórn. Það var virkilega góð bar-
átta í liðinu og við náðum að skapa
okkur sex til sjö góð færi og nýtt-
um fjögur af þeim. Varnarleikur-
inn var líka til fyrirmyndar og
ég er reyndar búinn að vera
ánægður með varnarvinnu
liðsins í síðustu leikjum. 4-
3-3 leikkerfið sem við
höfum verið að spila er
líka að gefa sig vel. Við
héldum alltaf áfram
þrátt fyrir að við höfum
komist fljótlega í 3-0
og í seinni hálfleik
gat ég leyft mér að
gera margar breyt-
ingar á liðinu til
þess að dreifa
álag-
inu
og leyfa fleiri stelp-
um sem höfðu spilað
minna að fá tækifæri
til að sanna sig og
það var mjög fínt,“
sagði Sigurður
Ragnar og sá ástæðu
til þess að hrósa ungum og
efnilegum stelpum sem eru að
koma inn í landsliðið.
Efnilegar stelpur að stíga fram
„Sara Björk hefur staðið sig frá-
bærlega á mótinu og er mjög efni-
leg. Rakel Hönnudóttir kom vel
inn í fyrsta leikinn en meiddist þá
en getur vonandi spilað á mánu-
daginn,“ sagði Sigurður Ragnar,
sem telur möguleika Íslands í
lokaleik riðilsins á mánudag gegn
heimaliði Portúgals vera góða.
„Lokaleikur riðilsins gegn
Portúgal verður algjör úrslita-
leikur, en portúgalska liðinu hefur
greinilega farið fram frá því í
fyrra þar sem það lagði bæði Pól-
land og Írland að velli þrátt fyrir
að þau lið séu bæði ofar en Portú-
gal á styrkleikalista. Okkur dugir
jafntefli til þess að enda í toppsæti
riðilsins en stefnum að sjálfsögðu
á sigur,“ sagði Sigurður Ragnar
ákveðinn.
omar@frettabladid.is
Öruggur sigur gegn Írlandi
Ísland sigraði Írland með miklum yfirburðum, 4-1, í öðrum leik liðsins á Algarve
Cup í Portúgal í gær. Sigurður Ragnar Eyjólfsson, þjálfari liðsins, var sáttur með
leikinn í gær og telur möguleika liðsins góða gegn Portúgal í næsta leik.
ÖFLUGAR Margrét Lára Viðarsdóttir og Edda Garðarsdóttir voru í eld-
línunni þegar Ísland sigraði Írland 4-1 á Algarve Cup í Portúgal í gær.
Margrét Lára skoraði tvö mörk í leiknum. FRÉTTABLAÐIÐ/DANÍEL
EFNILEG
Sara Björk Gunn-
arsdóttir skoraði
þriðja mark
Íslands í gær.
FRÉTTABLAÐIÐ/DANÍEL
KÖRFUBOLTI Keflavíkurkonur tóku
við deildarmeistaratitlinum eftir
23 stiga sigur á Hamri, 97-74, í
lokaheimaleik sínum í Iceland
Express deildinni í gær. Keflavík
vann þar með alla tólf heimaleiki
sína í vetur og hefur nú heima-
vallarréttinn út úrslitakeppnina.
Kesha Watson skoraði 42 stig í
leiknum, Margrét Kara Sturlu-
dóttir var með 15 stig, 14 fráköst
og 6 stolna bolta og Pálína Gunn-
laugsdóttir bætti við 13 stigum og
10 fráköstum. Hjá Hamri var Lak-
iste Barkus með 28 stig, 9 fráköst
og 9 stoðsendingar og Iva Melevoj
var með 20 stig, 8 fráköst og 6
stoðsendingar.
„Mér finnst allt vera að ganga
upp hjá okkur núna, við höfum
stefnt að því allan veturinn að
toppa á réttum tíma og ég tel að
það sé að gerast núna. Við ætluð-
um okkur stóra hluti í vetur og
erum búin að vinna þrjá af fjór-
um titlum sem hafa verið í boði.
Það voru gríðarlega mikil von-
brigði fyrir liðið að detta út úr
undanúrslitum í bikar en það
gerir okkur bara ennþá ákveðnari
í að standa okkur vel í úrslita-
keppninni og ég vildi helst að
úrslitakeppnina byrjaði á morg-
un,“ sagði Jón Halldór Eðvalds-
son, þjálfari nýkrýndra Íslands-
meistara. - óój
Keflavík tók við deildarmeistaratitlinum í gærkvöld:
Allt að ganga upp
VERÐLAUNAAFHENDING Hannes S. Jónsson, formaður KKÍ, afhendir hér Ingibjörgu
Elvu Vilbergsdóttur, fyrirliða Keflavíkur, deildarmeistaratitilinn í Keflavík í gærkvöld.
ÞORGILS/VÍKURFRÉTTIR
KÖRFUBOLTI Snæfell er ekki búið að
segja sitt síðast í baráttunni um
fjórða sætið og sigraði Grindavík
75-72 í Hólminum í gær. Slobodan
Subasic tryggði Snæfelli sigur á
lokasekúndunum með þriggja stiga
körfu.
Snæfell komst með sigrinum upp
að hlið Njarðvíkur í fjórða sætinu en
bæði lið eru með 24 stig þegar
tveimur leikjum er ólokið áður en
úrslitakeppnin hefst og fjórða sætið
er síðasta sætið sem gefur heima-
leikjarétt í henni. Grindavík heltist
úr lestinni um deildartitilinn með
tapinu og er sem stendur fjórum
stigum á eftir Keflavík og KR.
Hlynur Bæringsson var sáttur
með stigin en ekki spilamennsku
Snæfells.
„Mér fannst við ekki vera að
spila vel og við vorum búnir að
eiga við einhver meiðsli og
veikindi fyrir leikinn en sigurinn
var mikilvægur. Við náðum því
sem við lögðum upp með og það
voru stigin tvö,“ sagði Hlynur í
viðtali við Fréttablaðið í gær. - óþ
Iceland Express-deild karla:
Snæfell sigraði
Grindavík