Fréttablaðið - 08.03.2008, Blaðsíða 98

Fréttablaðið - 08.03.2008, Blaðsíða 98
58 8. mars 2008 LAUGARDAGUR utlit@frettabladid.is DAÐRAÐ VIÐ TÍSKUNA Anna Margrét Björnsson Geggjað neonbleikt varagloss frá Lancome fyrir okkar innri pönkprinsessu. Í dag er dagur kvenna og ekki úr vegi að velta fyrir sér hvað kvenréttindabaráttan hefur fært okkur í tískunni. Við erum vissulega ekki fangar korseletta og krínólína lengur, getum gengið um án brjóstahaldara ef okkur svo sýnist, þökk sé brennum sjöunda áratug- arins, og getum reyndar gert allt það við útlit okkar sem okkur kemur til hugar. Við getum strílað okkur upp, litað húðina appelsínugula, gengið um í níðþröngum hnakkafötum og gengist upp í Britney Spears og MTV-væðingunni eða þá sett „piercing“ í allan líkamann og litað hárið svart. Við getum klætt okkur eins og strákar eða rokkarar eða ýkt allan okkar kvenleika. Tískan er leikvöllur okkar og við sýnum heiminum hverjar við erum með því sem við kjósum að klæðast. Það eru forréttindi okkar vestrænu kvenna að sýna frelsi okkar með klæðavali. Því heyrist oft fleygt að það séu karlar sem stjórna tískuheiminum. En það eru jú konur sem velja í hvað þær vilja fara og stjórna því hvað selst hjá blessuðum tískuhúsunum. Oftast virðast konur velja fatnað fyrir sjálfar sig eða til þess að ganga í augun á öðrum konum því við erum jú í eilífri samkeppni, ekki satt? Það hefur virst svo sem ákveðnir feministar sem geta ekki hugsað sér að kenna sig við varalit telji að púritanismi og „náttúrulega“ lúkkið sé það eina sem gildir ef maður vill ekki líta út fyrir að vera ofurpjattað leikfang karlmanna. Farði og háir hælar eru nánast á bannlista, hvað þá flegin föt, minipils eða bikini-vax. (Brýnna þykir mér þá í kvennabaráttunni að fara að setja flugfreyjur í praktíska búninga og afnema sjónvarps- þulustarfið tilgangslausa). Auðvitað er margt skrýtið i kýrhausnum hvað tísku varðar og hefur alltaf verið. Fyrir fjögur þúsund árum voru karlmenn og konur ekki svo ólík þegar kom að pjatti, bæði kyn fjarlægðu hár, lituðu hár, gengu með hárkollur og notuðu andlitsfarða. Það sama var uppi á teningnum til dæmis á 18.öld þegar karlmenn tipluðu um á háum hælum með rauðar varir, hvítt andlitspúður og fegurðarbletti. Og í dag eru karlmenn farnir að fjarlægja jafn mikið af líkamshárum og konur, hvað svo sem okkur kvenfólkinu kann að finnast um það. Persónulega finnst mér einmitt að það sé það ólíka sem laðar okkur að hinu kyninu en auðvitað er smekkur misjafn í þeim efnum. Staðreyndin er sú að konur eru jú mýkri en karlmenn að eðlislagi og eins og sjálfur Charles Darwin sagði í Uppruna tegund- anna stafar lítill hárvöxtur kvenfólks á líkamanum væntanlega af náttúruvali. Því finnst mér hæpið þegar ákveðnum hópi feminista dettur í hug að stimpla háreyðingu sem einhverskonar annarlega hvöt eða klámvæðingu og kúgun. Einnig finnst mér hæpið að það séu óskir karlmanna sem ýta undir nýjasta æði seinni ára - „Size Zero“ eða núllstærðina svokölluðu, sem er ástand sem margar frægar konur virðast vera hreinlega að hverfa úr. Ólíklegt að það séu karlmenn sem vilja hafa konur eins og spýtukarla. Það er aldeilis af nógu að taka í baráttumálum kvenna heima fyrir og erlendis. Raddir kvenna um heim allan segja okkur frá hörmu- legum aðstæðum, kúgun, trúarbrögðum og stjórnunarháttum sem hafa aðeins eitt að markmiði- að halda konum niðri. Við konur þurfum að standa saman til að hjálpa kynsystrum okkar og það er ansi sorglegt ef við ætlum að eyða dýrmætum tíma í að tuða yfir því í hverju við mætum í slaginn. Frelsið í tískunni Það var eitthvað mjög krúttlegt en um leið dálítið gotneskt og hryllingsmyndalegt við fatnaðinn sem Luella Bartley, John Rocha og Bora Aksu sýndu á tískuvikunni í London fyrir haust og vetur 2008. Luella Bartley sagðist hafa fengið innblástur af sænsku leikkonunni Britt Ekland í „The Wicker Man“ og af nornasafninu í Cornwall. „Ég vildi gera eitthvað dáldið hrátt. Svona eitthvað krúttlegt en samt dáldið „sick“.“ Tjullpils þessara hönnuða minntu bæði á ballerínur og á pils sem unglingsstelpur finna gjarnan á flóamörkuðum og klæðast í bland við grófa skó og pönklega fylgihluti. - amb GOTNESK HRYLLINGSMYND Svart og gyllt hjá Luellu Bartley. SETTLEGT Hvít skyrta og appelsínugult pils með tjulli frá John Rocha. STELPULEGT Svartur og app- elsínugulur kjóll með krínólínu frá John Rocha. BRESKIR HÖNNUÐIR SKAPA LITLAR PÖNKPRINSESSUR Krínólínur og tjullpils SVART TJULL Blússa, pils og leggings frá John Rocha. SKÆRBLATT Fallegur stuttur kjóll frá Luellu. GRÁTT OG GLÆSILEGT Grátt tjull við bleika skyrtu hjá Bora Aksu. > TÍSKUFRÉTTIR VIKUNNAR Victoria Beckham á forsíðu Vogue Fótboltaeiginkonan fræga, kryddpían Victoria Beck- ham er framan á nýjasta eintaki breska Vogue. Í opinskáu viðtali við ritstjórann Alexöndru Schul- man ræðir hún um tónleikaferð Spice Girls, lífið með David og fjölskyldunni og nýja fatalínu sem hún hefur skapað og heitir DVB. „Línan er gerð í samvinnu við David,“ segir hún. „Hann veitir mér svo mikinn innblástur. Til dæmis sagði hann mér í dag að ég liti út eins og sambland af George Michael og Andrew Ridgley og ég sagði, vá þá er ég greinilega að ná „eighties“ lúkkinu.“ Æðisleg ökklastígvél sem eru eins og beint út af Chanel tískupallinum. Frá Taryn Rose og fást hjá Þráni Skóara, Grettisgötu. OKKUR LANGAR Í … Svakalega glamúrleg svört sólgleraugu með semelíu- steini frá Marc Jacobs. Fást í Gleraugnasmiðjunni.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93
Blaðsíða 94
Blaðsíða 95
Blaðsíða 96
Blaðsíða 97
Blaðsíða 98
Blaðsíða 99
Blaðsíða 100
Blaðsíða 101
Blaðsíða 102
Blaðsíða 103
Blaðsíða 104
Blaðsíða 105
Blaðsíða 106
Blaðsíða 107
Blaðsíða 108
Blaðsíða 109
Blaðsíða 110
Blaðsíða 111
Blaðsíða 112

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.