Fréttablaðið - 08.03.2008, Blaðsíða 92

52 8. mars 2008 LAUGARDAGUR
GÓÐ VIKA / SLÆM VIKA
HELGARKROSSGÁTAN
„Við vorum bara
vaxnir upp úr þessari
tónlist, og spilagleðin
var ekki sú sama,“
útskýrir Hallberg Daði
Hallbergsson, gítar-
leikari Jakobínurínu
sem fékk fyrir tveimur
árum glimrandi dóma
tónlistarblaðsins
Rolling Stone. Þá voru
meðlimirnir aðeins um
sextán ára gamlir en
nú tekur alvara lífsins
við að sögn Hallbergs.
„Við erum samt alls
ekkert hættir í
tónlistinni,“ útskýrir
hann en fjórir
meðlimir eru að vinna
nýja tónlist. „Ég ætla
ekki að tala um
tónlistina ennþá, það
er of snemmt. En hún
er meira fullorðinsleg,
meira „psychedelic“
og við sækjum áhrif
meira til fortíðarinn-
ar.“ Vinabönd Jakob-
ínurínu, Mammút og
Singapore Sling, munu
hita upp og þau taka
sitthvort „cover“-
lagið. „Slingararnir
taka til dæmis lagið
His Lyrics Are
Disastrous og ég er
mjög spenntur að
heyra útkomuna á
því,“ segir Hallberg en
bandið mun formlega
leysast upp að loknum
tónleikum í kvöld. „Við
ætlum að hætta með
stæl. Og þegar
tónleikunum er lokið
þá tökum við kastið.“
Tónleikarnir hefjast klukkan 21.30 og miðaverð er 1.000 krónur.
Eintak af plötu Jakobínurínu fylgir með miðanum. - amb
Ætlum að taka kastið
Bjartasta von íslenska rokksins, Jakobínarína, hættir
með stæl í kvöld á Organ.
JAKOBÍNARÍNA
SINGAPORE SLING
MAMMÚT
99
k
r.
sm
si
ð
Dæmi hvernig SMS gæti litið út ef svarið er Jón:
Þá sendir þú SMS-ið: JA LAUSN JON
Þú gætir unnið
Brettin upp
á DVD!
Leyst
u
kross
gátun
a!
Þú sendir SMS skeytið
JA LAUSN LAUSNARORÐ
á númerið 1900!
Lausn krossgátunnar er birt að viku liðinni á vefnum, www.this.is/krossgatur
Góð vika fyrir …
Arnald Indriðason
Fáheyrðir yfirburðir hans í
könnun Fréttablaðsins sem
spurði almenning „Hvern telur
þú besta núlifandi rithöfund
landsins“ hljóta að teljast
ánægjuleg tíðindi fyrir þennan
ágæta metsöluhöfund. Tæplega
40 prósent nefndu hann sem
bestan og vöktu þessi tíðindi
mikla athygli, ekki síst meðal
menningarvita sem fussuðu og
töldu könnunina hreinlega ekki
við hæfi. En Arnaldur hefur efni
á að láta sér fátt um finnast.
Ólaf Jóhann Ólafsson
Rithöfundar áttu margir góða
viku og Ólafur Jóhann er sann-
arlega einn þeirra. Hann hlaut
hin virtu O’Henry-verðlaun í
Bandaríkjunum fyrir smásagna-
safn sitt Aldingarðinn. Hann er
nú kominn í hóp rithöfunda á
borð við Hemingway, Steinbeck,
Faulkner og Salinger. Og geri
aðrir betur.
Helga Björns
Íslendingar í útlöndum eru að
gera það gott og ekki síst Holy B
sem er elskaður og dáður í
Þýskalandi þar sem hann rekur
risastórt menn-
ingarhús. Helgi
og húsið hans,
House of the
Holy eða
Admiralspal-
ast eins og það
heitir, hefur
hlotið tilnefn-
ingu til hinna
miklu Der
Deutsche Live Entertainment
verðlauna. Þau verða afhent
með viðhöfn á þriðjudag og býr
Helgi sig nú undir að þakka
mömmu og pabba á þýsku fyrir
að hafa getið af sér þennan
afburðadreng.
Vond vika fyrir …
Jóhönnu Vilhjálms og Kastljósið
Jóhanna keyrði óvart grínauglýs-
ingu í viðtali við furðu lostinn
Karl Th. Birgisson og Silju Báru
Ómarsdóttur.
Þar kom fram
að dauðasveitir
Hillary Clinton
ætluðu að drepa
börn þeirra
sem ekki kysu
hana. 24 stund-
ir tala um eitt
neyðarlegasta
atvik íslenskr-
ar sjónvarpssögu og DV telur
ekki trúverðug sú eftiráskýring
Þórhalls Gunnarssonar að þetta
hafi allt verið tækniliðinu að
kenna. Til að bæta gráu ofan á
svart eru ýmsir femínistar
þeirrar meiningar að Kastljósið
hafi verið að koma höggi á Hill-
ary meðal íslenskra kjósenda.
Eirík Jónsson
Eiríkur hefur mátt sitja undir
furðudómum í hrotu meiðyrða-
mála sem dundu yfir DV á sínum
tíma. Hvorki
blaðamannafé-
lagið né stéttin
hreyfði legg
né lið og nú
eru komin
dómafordæmi
– nú sjá menn
lag. Og þar
sem Eiríkur
situr við og
reynir að gera lífið skemmti-
legra við að ritstýra Séð og heyrt
er honum hótað lögsókn af hálfu
Ingu Birnu Dungal vegna mynda
sem Eiríkur fékk lánaðar af Tar-
antino í kossaflensi og svo Ruth
Reginalds. Ofan í kaupið þarf
Eiríkur að þola þreytt grín af
hálfu 24 stunda sem notar gamla
DV-fyrirsögn sem fyrirmynd:
„Ruth reið Eiríki“.
Davíð Oddsson
Valgerður Bjarnadóttir er með
vesen og vill ekki gefa sig vegna
þess sem hún kallar „eftirlauna-
ósómann“. Hún er nú að grennsl-
ast fyrir um hvað orðið er um
frumvarp sitt þar sem hún vill
afnema lögin um sanngjörn
eftirlaun Davíðs og annarra
ráðamanna. Hvaða vesen er á
konunni?