Fréttablaðið - 08.03.2008, Blaðsíða 52

8. MARS 2008 LAUGARDAGUR10 ● fréttablaðið ● ferðaklúbburinn 4x4 25 ára
Þegar upphaf og fyrstu ár
Ferðaklúbbsins 4x4 eru skoð-
uð er eitt nafn sem kemur oft
upp, en það er nafn Garðars
Skaptasonar, sem kom fram
fyrir hönd undirbúningshóps-
ins á stofnfundi félagsins 10.
mars 1983.
Garðar Skaptason var formaður
félagsins 1984 og 1985 og í stjórn
með honum voru Snorri Ingimars-
son, Þorvarður Hjalti Magnússon,
Árni Brynjólfsson, Hafþór Ferd-
inandsson, Þorgrímur St. Árna-
son, Bergþór Bjarnason og Kol-
beinn Pálsson. Á þessum tveim-
ur árum varð mikill viðsnúningur
í starfi félagsins. Félagið fékk að-
stöðu á Hótel Loftleiðum og voru
fundir haldnir eins og nú einu sinni
í mánuði. Einnig fjölgaði mikið
í Ferðaklúbbnum 4x4 um þetta
leyti auk þess sem nefndir eins
og dekkjanefndin sem síðar varð
tækninefndin tók til starfa.
Undirrituð hafði ásamt Svein-
birni Halldórssyni upp á Garðari
og við hittum hann yfir kaffibolla
í glænýrri aðstöðu klúbbsins á Eir-
höfða þriðjudaginn 19. febrúar 2008
og fengum hann til að rifja upp þá
daga þegar klúbburinn varð til.
„Það voru margir sem komu að
stofnuninni og lengi höfðu jeppa-
menn rætt það sín á milli að þeir
þyftu að gera eitthvað til að standa
saman í baráttunni við yfirvöld og
ná sátt um að fá að breyta bílum
og keyra um á stórum dekkjum.
Að öllum öðrum ólöstuðum þá var
það Hafþór heitinn Ferdinands-
son, kallaður Hveravalla-skrepp-
ur, sem átti hvað stærstan þátt í
því að Ferðaklúbburinn 4x4 var
stofnaður,“ segir Garðar.
„Á þessum dögum var þetta ekk-
ert grín, menn voru að baxa við það
hver í sínu horni að breyta bílum
og setja þá á stærri dekk. Sumir
gerðu þetta vel en aðrir illa eins
og gengur, en allir voru í sama ves-
eninu við yfirvöld. Menn voru að
breyta bílum til baka fyrir skoð-
anir, fóru með stóru dekkin í kerru
út fyrir bæinn og skiptu þar um
dekk; laumuðust hliðargötur út úr
bænum því lögreglan átti það til að
sitja fyrir mönnum. Ímynd almenn-
ings var sú að þetta væru brjálað-
ir menn á allt of stórum dekkjum
sem færu spólandi og spænandi
um landið. En þetta var fyrst og
fremst hópur sem vildi fá að ferð-
ast um landið í friði og sátt við nátt-
úruna. Spól og náttúruskemmd-
ir minkuðu til mikilla muna eftir
að klúbburinn varð til, bæði því að
menn fóru að ferðast miklu meira
á veturna og strax frá upphafi var
náttúruvernd og landgræðsla stór
hluti af starfi klúbbsins.“
Garðar segir að þrátt fyrir að
klúbburinn hafi verið stofnað-
ur sem hagsmunasamtök en ekki
ferðafélag stóð hann strax frá upp-
hafi fyrir ferðum, því töluverð-
ur þrýstingur var frá hálfu félags-
manna um það.
„Markmiðið með stofnun
klúbbsins var að menn gætu sam-
einast með yfirvöldum um að
koma á lögum og reglum sem hægt
væri að fara eftir og er það engin
spurning að við værum ekki að
keyra um í dag á breyttum jepp-
um ef þessi vinna hefði ekki verið
unnin á þessum tíma. Á stofnfund-
inum komu þrjár tillögur að nafni.
Það voru nöfnin Ferðaklúbbur-
inn 4x4, Fjallfari og Drif á öllum.
Einnig kom upp sú tillaga (sem var
samþykkt) að fresta ákvörðun um
nafnið þar til á næsta fundi til að
gefa mönnum tíma til að íhuga til-
lögurnar en að félagið skyldi kallað
Ferðaklúbburinn 4x4 þangað til.“
Hvernig finnst þér Ferðaklúbbur-
inn 4x4 í dag og stefna hans?
„Ég vildi að ég vissi meira um hvað
þið í klúbbnum eruð að gera; ég hef
verið utanveltu svo lengi í þessu
starfi að ég get ekki sagt mikið um
það, en ég þarf ekki annað en að líta
í kringum mig til að vera ákaflega
ánægður með það hvernig til hefur
tekist. Ánægjulegt að sjá hversu
margir af upphafsmönnunum eru
enn virkir félagar í klúbbnum.
Patrol eða Toyota?
„Aldrei í lífinu, það er bara amer-
ískt sem kemur til greina.“
Helena Sigurbergsdóttir
Upphaf og fyrstu ár klúbbsins
Garðar Skaptason í nýrri aðstöðu klúbbsins á Eirhöfða. MYND/HELENA SIGURBERGSDÓTIR