Fréttablaðið - 28.03.2008, Side 22

22 28. mars 2008 FÖSTUDAGUR
Pantaðu ókeypis fjármálaráðgjöf í síma 440 4000
og sjáðu hvað við getum gert betur fyrir þig.
Það er góð tilhugsun að hafa fjármálin á hreinu. Nú þegar
hafa þúsundir nýtt sér ókeypis fjármálaráðgjöf Glitnis og látið
yfirfara og endurskipuleggja fjármálin.
„Það eitt að setjast niður og fara yfir stöðuna var góð tilfinning.“
Íris Jónsdóttir
AF FJÁRMÁLUNUM Í GÓÐU LAGI
GOTT
AÐ VITAHVÍTA H
Ú
S
IÐ
/S
ÍA
–
0
8
–
0
3
3
0
taekni@frettabladid.is
Blizzard í mál við höfund hjálparforrits
Tölvuleikjaframleiðandinn Blizzard vill að not-
endur í fjölspilunarleiknum sínum, World
of Warcraft, vinni vinnunna sína sjálfir.
Fyrirtækið hefur höfðað mál á hendur
höfundi forrits sem gerir ýmsar aðgerð-
ir í leiknum sjálfvirkar, eins og til dæmis
að berjast og safna verðmætum. Þannig
geta spilarar notið ávaxta erfiðisins án þess
að þurfa að erfiða sjálfir. Forsvarsmenn Blizzard segja að forritið brjóti gegn
reglum leiksins og vilja banna höfundinum að selja það á netinu. Málið verður
tekið fyrir hjá dómstólum í Arizona í Bandaríkjunum á næstunni.
Vefur BBC opnaður Kínverjum
Íbúar Kína geta nú loksins lesið fréttir á BBC-vefnum. Kínversk yfirvöld hafa
lengi vel lokað fyrir aðgang að ýmsum „óæskilegum“ vefsíðum, þar á meðal
BBC, en nú virðist sem opnað hafi verið fyrir fréttasíðuna. Kínverjar geta þó
aðeins lesið enska hluta síðunnar því sá kínverski er enn harðlæstur.
Handrit Shakespeare á netið
Handrit eins frægasta skálds allra tíma, William Shakespeare, eru á leiðinni á
netið. Bodleian-bókasafnið í Oxford í Englandi og Folger Shakespeare bóka-
safnið í Washington í Bandaríkjunum ætla í sameiningu að koma öllum 75
útgáfum af handritum hans sem gefin voru út fyrir 1641 á internetið. Unnið
hefur verið að því að skanna þau inn undanfarin ár, og nú á að leyfa almenn-
ingi að njóta þeirra.
iPhone með 3G á leiðinni?
Fulltrúi greiningarfyrirtækisins Gartner sagði í viðtali við
tímaritið iPod Observer að Apple hafi pantað tíu milljón
stykki af 3G iPhone símum frá Asíu. 3G tæknin býður
upp á margfalt hraðari netsamskipti í símann en forveri
hennar, EDGE, og er vöntun á þessari tækni sagður
einn helsti löstur núverandi iPhone síma. Þessar fregnir
flokkast þó aðeins undir orðróm, því Apple hefur ekki
enn staðfest að 3G útgáfa af símanum vinsæla sé yfir
höfuð á leiðinni.
Take Two neitar yfirtökutilboði EA – aftur
Tölvuleikjaframleiðandinn Take Two, sem er frægastur
fyrir Grand Theft Auto leikina, ætlar ekki að
selja sig tölvuleikjarisanum Electronic Arts.
Stjórn fyrrnefnda fyrirtækisins hefur enn á ný
hafnað yfirtökutilboði EA í fyrirtækið, en gefur í skyn að fyrirtæk-
ið gæti haft áhuga á einhvers konar samvinnu við
risann.
Skutla í geimnum
Japanskir vísindamenn ætla að kasta
pappírsskutlu í geimnum og fylgjast með
för hennar aftur til jarðar. Þeir vonast til þess
að með því sé hægt að læra meira um það hvernig
best sé að hanna farartæki sem koma á miklum hraða inn
í lofthjúp jarðar úr geimnum. Sérfræðingar í origami-listinni hafa
brotið saman sérstaklega harðgera skutlu í þetta verkefni. Hún er um
sjö sentimetra löng, hefur fimm sentimetra vænghaf og þolir allt að 230 gráðu
hita á sjöföldum hljóðhraða.
TÆKNIHEIMURINN
Skýrslutæknifélag Íslands fagnar fertugs-
afmæli sínu í ár. Afmælisveislan verður
á Hilton Nordica hótelinu á morgun.
Svana Helen Björnsdóttir, formaður
afmælisnefndar innar, segir hlutverk félags-
ins vera óbreytt þótt upplýsingatækninni
hafi fleygt fram á fjórum áratugum.
„Þetta byrjaði allt þegar fyrsta tölvan var
keypt til landsins fyrir rúmum fjörutíu árum,“
segir hún. „Þetta voru rosalegir hlunkar sem
menn skildu ekki alveg hvernig virkuðu
nema að úr þessu komu skýrslur. Þar sem
orðið tölva var ekki til á þessum tíma voru
þetta kallaðar skýrsluvélar.“
Svana segir að í kjölfarið hafi Skýrslu-
tæknifélagið verið stofnað. Tilgangurinn með
félaginu var að það yrði umræðuvettvangur
um þessa nýju tækni og hvernig væri hægt
að nýta hana. Fyrir tilstuðlan þess hafi
tölvunarfræðibraut verið sett á fót í
Háskóla Íslands, og orðið tölva verið
búið til í orðanefnd félagsins.
Innan félagsins eru einnig
nefndir og hópar á borð við
UT-konur, sem stuðla að því
að stúlkur velji sér raungreinar
í framhalds- og háskólum,
faghóp um fjarskipti, faghóp
um upplýsingaöryggismál og
öldungadeild sem varðveitir
sögu upplýsingatækni á
Íslandi.
„Það verður að segjast
að hlutverk félagsins
er ennþá það sama, að
hjálpa fólki að skilja
þessa tækni,“ segir
Svana. „Það er ögrandi
verkefni á fjörutíu ára afmælinu að
halda félaginu síungu og virku í
takt við þróun tækninnar. Upp-
lýsingatæknin breytist svo hratt
að maður þarf að hafa sig
allan við til að fylgja henni.“
En heldur hún að hlut-
verkið eigi eftir að breytast
á næstu árum? „Ég held
það sé klárt að hlutverk
félagsins verður mikilægara
í framtíðinni því upplýs-
ingatækni er orðinn svo
stór hluti af okkar lífi.
Það verður mikil þörf
á að útskýra þessa
tækni og kynna gildi
hennar fyrir fólki.“
TÆKNISPJALL: SKÝRSLUTÆKNIFÉLAG ÍSLANDS FERTUGT Í ÁR
Hjálpa fólki að skilja upplýsingatæknina betur
Vefurinn: How to Clean Anything
Þarftu að þrífa einhvern hlut en veist ekki
hvernig er best að gera það? Finndu leið-
beiningar hér.
www.howtocleananything.com
Eftir sextán daga og tíu
milljón kílómetra ferðalag
lenti geimferjan Endeavour
á jörðinni í fyrrakvöld. Í
ferðinni settu geimfararnir
meðal annars saman kanad-
ískt risavélmenni, sóttu
einn geimfara í geimstöð og
skildu annan eftir. Ferjan
þurfti að fara einn auka-
hring um jörðina áður en
hún gat lent vegna skýja.
Geimferjan Endeavour lauk sex-
tán daga löngu ferðalagi sínu í
fyrrakvöld þegar hún lenti heilu
og höldnu í Kennedy-geimstöðinni
í Bandaríkjunum. Mikil fagnaðar-
læti voru við flugbrautina þegar
ferjan lenti, enda lengsta ferðalag
til Alþjóðlegu geimstöðvarinnar
hingað til.
Tilgangur ferðarinnar var að
byggja frekar við geimstöðina,
sem var fyrst sett saman í geimn-
um árið 1998. Geimfararnir um
borð aðstoðuðu meðal annars
áhöfn geimstöðvarinnar við að
setja upp japanska rannsóknar-
stofu, settu saman risastórt kanad-
ískt vélmenni að nafni Dextre og
prófuðu nýja aðferð til að gera við
geimferjuna.
Ferjan var einnig notuð undir
farþegaflutninga. Bandaríkja-
maðurinn Garrett E. Reisman var
skilinn eftir um borð í Alþjóðlegu
geimstöðinni þar sem hann mun
dvelja næstu sjö vikurnar við
rannsóknir. Í hans sæti settist hinn
franski Léopold Eyharts, sem fór
heim eftir sex vikna dvöl í stöð-
inni.
„Við fengum ótrúlega mikið út úr
þessari ferð,“ sagði Dominic
Gorie, yfirmaður áhafnar
Endeavour, eftir lendinguna í
fyrradag. „Þetta var spennandi
frá upphafi til enda.“
Lendingin fór fram að kvöldi til,
sem er mjög óvenjulegt. Upphaf-
lega átti ferjan að lenda rétt fyrir
sólarlag en aðeins nokkrum mín-
útum fyrir áætlaðan lendingar-
tíma varð skýjað og hætta þurfti
við. Á meðan áhöfnin flaug einn
aukahring í kringum jörðina létti
til og ferjan fékk grænt ljós á
lendingu. salvar@frettabladid.is
Lenti í svartamyrkri eftir
sextán daga í geimnum
MJÚK LENDING Ferjan átti upphaflega að lenda rétt fyrir sólarlag, en vegna skýja seinkaði lendingunni um nokkra stund. Á
meðan flaug hún einn hring í kringum jörðina. NORDICPHOTOS/AFP