Fréttablaðið - 28.03.2008, Blaðsíða 30
[ ]
Santa Maria er nýr mexíkósk-
ur veitingastaður til húsa á
Laugavegi 22a.
Parið María Hjálmtýsdóttir og
Ernesto Ortiz Alvarez reka saman
mexíkóska veitingastaðinn Santa
Maria en Ernesto er frá Mexíkó.
Þau hafa verið saman í fimmtán ár,
þar af búið í um fimm ár í Mex-
íkó.
Ástæðan fyrir því að þau María
og Ernesto fóru út í þennan rekst-
ur var einfaldlega sú að þau hafði
lengi langað í almennilegan mex-
íkóskan mat hérlendis og ekki
fundið. „Sá mexíkóski matur sem
er á boðstólum hér á landi er allur
frá Bandaríkjunum, það er enginn
staður með alvöru mexíkóskan
heimilismat,“ segir María.
Ernesto hefur reynslu af því að
vinna á mexíkóskum veitingastöð-
um bæði hér á Íslandi og í Mexíkó
og svo fluttu hann og María inn
mexíkóska húsmóður til að kenna
þeim að elda alvöru heimilismat.
Sú innflutta er Lolita, móðir Ern-
estos, en hún ætlar að vera þeim
innan handar næstu mánuði við
matargerðina.
Staðurinn hefur verið vinsæll,
sérstaklega hjá Bandaríkjamönn-
um og Kanadabúum sem þekkja til
mexíkóskrar matarmenningar.
Þeir Mexíkóar sem búa hérna hafa
komið aftur og aftur og vill María
meina að það séu góð meðmæli.
„Einn þeirra sagði að maturinn
væri eins og hjá ömmu sinni,“
segir hún og hlær. Íslendingar
hafa einnig tekið staðnum vel, þótt
sumir séu haldnir „kryddfordóm-
um“ að sögn Maríu, og eru hrædd-
ir um að maturinn sé of sterkur.
María og Ernesto reyna að halda
verðinu í lægri kantinum, dýrasti
rétturinn þeirra kostar um þrettán
hundruð krónur. „Fólk á ekki að
þurfa að fara á hausinn við það að
fara út að borða,“ segir María. Eld-
húsið er opið frá ellefu á morgnana
til tíu á kvöldin á virkum dögum,
um helgar er eldhúsið opið til
klukkan ellefu. Matseðillinn er
fjölbreyttur, aðallega er um mex-
íkóskan heimilismat að ræða en til
þess að koma til móts við hinn
alþjóðlega hóp sem sækir staðinn
hafa þau María og Ernesto einnig
sett á matseðilinn klúbbsamlokur
og aðra vestræna rétti. „Gestirnir
okkar eru af öllu þjóðerni, í raun
má segja að við séum eins og lítið
útibú frá Alþjóðahúsinu,“ segir
María. Starfsfólk staðarins er einn-
ig frá hinum ýmsu heimshornum,
frá Bandaríkjunum, Kólumbíu,
Mexíkó, Brasilíu og frá Litháen.
Maríu og Ernesto hefur komið
einna mest á óvart hversu fjöl-
skrúðugur hópurinn er sem kemur
að borða, en María segir þó að stór
hluti viðskiptavinanna sé fólk á
miðjum aldri. klara@frettabladid.is
Fluttu inn mexíkóska húsmóður
María Hjálmtýsdóttir, Lolita og Ernesto Ortiz Alvarez. FRÉTTABLAÐIÐ/STEFÁN
Tómatar eru fræðilega flokkaðir sem ávextir þótt daglega
tölum við um þá sem grænmeti. Tómatar vaxa úr egglegi fræv-
unnar og umlykja fræ plöntunnar sem gerir þá að ávöxtum.
4OSTBORGARAR
FRANSKAR, SÓ
SA OG 2L GOS
Starfsfólk óskast!
Kaffitería Perlunnar óskar eftir
starfsfólki í fullt starf og hlutastarf.
Við bjóðum upp á gott vinnuum-
hverfi og jákvæðan anda. Einnig
vantar starfsfólk í uppvask.
Hafið samband í síma 898-3804
eða perlan@perlan.is.
The Pearls cafeteria is looking
for full time and part time staff.
We offer you a good and positive
work environment. We are also
looking for dishwashers.
Contact us by tel. 898-3804
or perlan@perlan.is.
Auglýsingasími
– Mest lesið