Fréttablaðið - 28.03.2008, Side 29

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TÓNLIST VINNUVÉLAR O.FL.
Guðrún Ósk Traustadóttir leiðbeinandi er
mikil áhugamanneskja um matargerð og þykir
skemmtilegt að búa til ýmsar tegundir af salati.
Uppáhaldssalatið hennar er kjúklingasalat sem
hún fékk að smakka í fyrsta skipti hjá systur
sinni.
„Þetta salat á systir mín alveg. Ég fékk fyrst að
smakka það hjá henni og eftir það hef ég verið mikill
aðdáandi þess. Það er mjög einfalt að útbúa salatið og
það er bæði hægt að bera það fram eitt og sér eða
með öðrum mat,“ segir Guðrún.
Það sem þarf í salatið er þrjár kjúklingabringur,
einn pakki af skrúfupasta, einn grænmetisteningur,
einn rauðlaukur, eitt bréf af beikoni, einn maribó -
ostur, pakki af furuhnetum, hvítlauksedik, ólífuolía
og ítalskt krydd.
„Aðferðin er afar einföld og fljótleg. Ég sýð pastað
og set grænmetisteninginn ofan og á meðan sker ég
kjúklingabringurnar í litla bita og steiki þær á
pönnu. Ég steiki líka beikonið og rista svo furuhnet-
urnar. Ég læt kjúklingabitana og beikonið kólna
saman í skál og sker rauðlaukinn, saxa kínakálið og
sker maribóostinn niður í teninga,“ útskýrir Guðrún
og bætir við: „Þegar pastað er tilbúið set ég það í
sigti og læt það standa í smástund meðan ég set
saman í litla skál einn og hálfan desilítra af ólífu-
olíu, hálfan desilítra af hvítlauksedikinu og eina
teskeið af ítalska kryddinu. Ég hræri þessu vel
saman og helli því svo yfir heitt pastað sem ég hef
áfram í sigtinu og læt blönduna renna í gegnum allt
pastað. Þegar því er lokið blanda ég öllu vel saman í
stóra skál. Gott er að hafa heitt hvítlauksbrauð með
salatinu og þá er hægt að gæða sér á þessu frábæra
kjúklingasalati,“ segir Guðrún.
mikael@frettabladid.is
Hollt, gott og fljótlegt
Kjúklingasalatið er bæði hægt að bera fram með öðrum mat og hafa eitt og sér. FRÉTTABLAÐIÐ/VILHELM
KRYDD Í TILVERUNA
Boðið er upp á ósvikinn
mexíkóskan heimilismat á
veitingastaðnum Santa Maria
sem nýverið var opnaður á
Laugavegi.
MATUR 2
KYNNGIMÖGNUÐ
HLJÓÐFÆRI
Netverslunin Spilverk.com
selur sérsmíðuð rafmagns-
hljóðfæri sem nefnd eru
eftir norrænum goðum
og öðrum kynjaverum.
TÓNLIST 3
Opnunartími
Mán - Föstudagar 09 - 18
Laugardaga 11 - 16
Erum í Dugguvogi 2. Sími 557-9510
ALLTAF BESTA VERÐIÐ