Fréttablaðið - 28.03.2008, Blaðsíða 80

48 28. mars 2008 FÖSTUDAGUR
sport@frettabladid.is
Aron Einar Gunnarsson, leikmaður AZ Alkmaar í Hollandi,
hefur vakið verðskuldaða athygli fyrir vasklega framgöngu með
íslenska landsliðinu í síðustu leikjum. Þrátt fyrir að þessi tæp-
lega 19 ára gamli Eyfirðingur hafi aðeins verið að leika sinn
þriðja landsleik í sigrinum gegn Slóvakíu í fyrrakvöld lítur
hann nú þegar út fyrir að vera sá sem valdið hefur.
„Það er náttúrlega frábært fyrir mig að vera að spila
með þessum köllum í landsliðinu og ég er að læra
mikið af þessari reynslu. Utan vallar er ég kannski
enn sem komið er ekki mikið að tjá mig en
þegar inn á völlinn er komið missi ég mig alveg
og hika ekki við að öskra á menn og láta til
mín taka,“ sagði Aron Einar, sem er verulega
ánægður með að hafa fengið tækifærið og
ætlar að nýta það til fulls.
„Ég er mjög þakklátur Ólafi Jóhannessyni landsliðsþjálfara fyrir
að hafa gefið mér tækifæri á að sanna mig. Mér gekk reyndar mjög
vel í fyrsta landsleiknum mínum gegn Hvít-Rússum á Möltumótinu
í byrjun febrúar og vissi það að ef ég spilaði vel í Færeyjaleiknum
ætti ég góðan möguleika á að halda sæti mínu í liðinu. Mark-
mið mitt núna er bara að halda mínu striki og gera mitt besta
til að eigna mér þessa miðju stöðu, það er klárt mál,“ sagði
Aron Einar.
Hann er ekki jafn ánægður með stöðu mála hjá félagsliði
sínu. „Ég er ekki sáttur við að fá ekki að spila og
mun fara yfir mín mál næsta sumar ef ekkert
gerist en ég á reyndar von á því að AZ Alkma-
ar nýti sér ákvæði um að framlengja samning
minn um eitt ár frá 1. apríl næstkomandi. Hvað
sem því líður ætla ég bara að halda áfram
að æfa á fullu og reyna að bæta mig sem
leikmaður,“ sagði Aron Einar, sem var ekki
langt frá því að velja handboltann fram yfir
fótboltann á sínum tíma.
„Ég var miklu betri í handbolta þegar ég var yngri og
ætlaði að velja hann eins og bróðir minn Arnór sem
spilar með Val, en ég þarf ekki að sjá eftir vali mínu
núna,“ sagði Aron Einar léttur í bragði.
ARON EINAR GUNNARSSON, AZ ALKMAAR: HEFUR SLEGIÐ RÆKILEGA Í GEGN MEÐ ÍSLENSKA LANDSLIÐINU
Ætla að eigna mér miðjustöðuna hjá landsliðinu
HANDBOLTI Íslands- og bikarmeist-
arar Vals fá gríðarlegan liðsstyrk
í sumar þegar landsliðsmaðurinn
Sigfús Sigurðsson snýr heim eftir
áralanga atvinnumennsku í Þýska-
landi og á Spáni. Sigfús átti ár
eftir af samningi sínum við
spænska félagið Ademar Leon,
sem hefur samþykkt að leysa hann
undan samningi strax í sumar svo
hann komist til Íslands.
Dagur Sigurðsson, fram-
kvæmdastjóri Vals, staðfesti við
Fréttablaðið að Sigfús væri laus
til þess að koma heim en sagði
ekki búið að ganga frá samningum
við línumanninn sterka. „Þetta er
langt komið og áhugi frá báðum
aðilum. Þegar góðir Valsmenn
vilja koma heim tökum við að
sjálfsögðu fagnandi á móti þeim,“
sagði Dagur.
Sigfús segir að aðalástæðan
fyrir því að hann hafi ákveðið að
koma heim sé sonur hans sem
hann sakni mikið.
„Strákurinn er orðinn þrettán
ára og ég er búinn að vera úti flest
árin af hans ævi. Ég hef ekki séð
eins mikið til hans, og ekki getað
eytt eins miklum tíma með honum,
og ég hefði viljað. Nú er kominn
tími til að hann fái að njóta þess að
vera með föður sínum,“ sagði Sig-
fús við Fréttablaðið í gær.
„Leon sýndi mínum málum mik-
inn skilning. Það er ekki bara ein-
tóm sæla að vera í atvinnu-
mennsku þegar maður er ekki
með fjölskyldu líkt og flestir aðrir.
Þá er félagslífið af skornum
skammti og manni leiðist stund-
um. Það er mikil tilhlökkun í mér
að koma heim,“ sagði Sigfús en
hann segir aldrei hafa komið
annað til greina en að fara í sitt
gamla félag.
„Valur hefur reynst mér vel í
gegnum tíðina. Félagið stóð þétt
við bakið á mér er ég gekk í gegn-
um erfiða tíma og ætli það sé ekki
kominn tími á að ég klóri þeim
aðeins á bakinu núna,“ sagði Sig-
fús léttur.
Hann segir að hrikalega freist-
andi tilboð þurfi að koma svo hann
fresti heimförinni. „Það yrði helst
að vera frá Lakers,“ sagði Sigfús,
sem hefur ekki verið í eins vel á
sig kominn líkamlega í mörg ár og
segist eiga nóg eftir. „Miðað við
ástandið á mér núna gæti ég spilað
tíu ár í viðbót. Hvort ég nenni því
er svo annað mál. Hnéð á mér er
loksins orðið gott og í fyrsta skipti
í mörg ár get ég æft án spelku. Ég
er farinn að geta hlaupið mikið
meira og það hafa lekið af mér um
sjö kíló síðan á EM í janúar. Ég
verð því vonandi í góðu ástandi til
þess að hjálpa landsliðinu við að
komast á Ólympíuleikana,“ sagði
Sigfús. henry@frettabladid.is
Rússajeppinn heim í Val
Sigfús Sigurðsson mun að öllu óbreyttu spila með uppeldisfélagi sínu, Val, á
næstu leiktíð. Ademar Leon hefur samþykkt að hleypa honum frá félaginu til
Íslands án greiðslu. Sigfús hefur þegar gert heiðursmannasamkomulag við Val.
AFTUR Á HLÍÐARENDA Rússajeppinn Sigfús Sigurðsson mun leika listir sínar á fjölum
Vodafone-hallarinnar næsta vetur ef að líkum lætur. FRÉTTABLAÐIÐ/PJETUR
HANDBOLTI Landsliðsmaðurinn
Einar Hólmgeirsson mun ákveða
eftir helgi hvaða liði hann leikur
með á næstu leiktíð.
Hann hefur komist að sam-
komulagi við Flensburg um að
rifta samningi sínum við félagið í
sumar en þar hefur hann fengið
ákaflega fá tækifæri.
Rhein-Neckar Löwen, Wetzlar,
Grosswallstadt og Melsungen
hafa öll boðið Einari samning.
Upphaflega ætlaði hann að
ákveða sig fyrir helgi en hann
sagði við Fréttablaðið í gær að
hann myndi þurfa helgina til þess
að klára sín mál. - hbg
Einar Hólmgeirsson:
Velur lið eftir
helgina
EINAR HÓLMGEIRSSON Segir erfitt að
taka ákvörðun um næsta skref.
FRÉTTABLAÐIÐ/VILHELM
FÓTBOLTI Michael Owen fór
fögrum orðum um David
Beckham, félaga sinn hjá
enska landsliðinu, eftir að sá
síðarnefndi lék sinn 100.
landsleik fyrir England gegn
Frakklandi í fyrrakvöld.
„Beckham sýndi í þessum
leik að hann hefur enn mjög
margt fram að færa fyrir
England og ég er sannfærður
um að hann á eftir að spila
fleiri leiki í framtíðinni. Hann
er í góðu líkamlegu
standi, er hungrað-
ur og hefur
frábæran hægri
fót. Allir félagar
hans í enska
landsliðinu
samgleðjast
honum með að
hafa náð þessum
frábæra áfanga,“
sagði Owen í viðtali
við BBC Sport.
Owen sjálfur á
ekki langt í 100
leikja markið en
hann var að leika
sinn 89. landsleik
fyrir England gegn
Frakklandi og er
sjöundi leikjahæsti
leikmaður enska
landsliðsins frá
upphafi.
- óþ
Michael Owen, Newcastle:
Beckham á
enn nóg eftir
> Birgir Leifur átta höggum frá toppnum
Birgir Leifur Hafþórsson er í 63. sæti eftir fyrsta dag á
meistaramóti Andalúsíu í golfi sem fram fer á Spáni.
Mótið er hluti af Evrópumótaröðinni og lék Birgir Leifur
á 73 höggum, sem þýðir að hann er átta höggum á eftir
Lee Westwood frá Englandi sem er efstur eftir fyrstu
18 holurnar. Birgir Leifur hefur aðeins komist í
gegn niðurskurðinn einu sinni af fjórum mótum
sínum á þessu tímabili en það var í Suður-
Afríku í desember. Af þeim sökum er Birgir
Leifur aðeins í 256. sæti af 290 kylfingum á
peningalista Evrópumótaraðarinnar. Það
er því mikilvægt að okkar maður komist
áfram í gegnum niðurskurðinn í dag en
hann stóð sig vel á sama móti í fyrra og
endaði þá í 34. sæti.
HANDBOLTI Íslenska kvennalands-
liðið tapaði með eins marks mun
fyrir Kína, 20-21, í fyrsta leik
sínum á æfingamótinu í Portúgal
eftir að hafa unnið fyrstu 27 mín-
útur seinni háfleiksins 11-3.
Kínverjar skoruðu sigurmarkið
fimm sekúndum fyrir leikslok
eftir að Ísland hafði verið með
boltann þegar 25 sekúndur voru
eftir. Íslenska liðið náði hins vegar
ekki skoti á marki í loka-
sókn-
inni og
kín-
versku
stelpurn-
ar skoruðu úr
hraðaupphlaupi.
„Ég sagði það við
stelpurnar eftir leik að
þessi leikur tapaðist ekki í lokin
heldur á mjög slæmum kafla á
tíu síðustu mínútunum í fyrri hálf-
leik þegar við misstum þær frá
okkur,“ sagði Júlíus Jónasson,
þjálfari liðsins. „Það er svekkj-
andi að tapa þessum leik, eftir að
hafa verið 9-15 undir í hálfleik en
komið til baka og átt svona frá-
bæran seinni hálfleik. Ég og allur
hópurinn er svolítið brotinn eftir
að hafa klúðrað þessu í
lokin en engu að síður
var þessi leikur
skref fram á við frá
því í leiknum í gær,“
sagði Júlíus, sem
var sérstaklega ánægður með inn-
komu þeirra Sunnu Maríu Einars-
dóttur og Þóreyjar Rósu Stefáns-
dóttur sem spiluðu bara seinni
hálfleik í gær.
„Þessar stelpur voru virkilega
góðar í seinni hálfleik og eiga heið-
ur skilinn. Begga var líka frábær í
markinu, liðið var að spila frábær-
an varnarleik í seinni hálfleik og
náði í kjölfarið að vinna seinni
hálfleikinn glæsilega,“ sagði Júlí-
us en stelpurnar eiga frí í dag en
mæta síðan Portúgal á morgun.
- óój
Mörk Íslands skoruðu: Þórey Rósa
Stefánsdóttir 5, Stella Sigurðardóttir
5, Rakel Dögg Bragadóttir 3/3, Rut
Jónsdóttir 2, Dagný Skúladóttir 2,
Sunna María Einarsdóttir 1, Sólveig
Lára Kjærnested 1, Anna Úrsúla
Guðmundsdóttir 1. Berglind Íris Hans-
dóttir varði 19 skot.
Íslenska kvennalandsliðið tapaði 20-21 fyrir Kína á æfingamótinu í Portúgal:
Sorglegur endir á góðum leik
ÞÓREY Skor-
aði jafnmörg
mörk og Kína í seinni
hálfleiknum. FRÉTTABLAÐIÐ/
HÖRÐUR