Fréttablaðið - 28.03.2008, Blaðsíða 86
54 28. mars 2008 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
LÁRÉTT
2. létu 6. óreiða 8. ferð 9. heyskapa-
ramboð 11. íþróttafélag 12. deyfa 14.
einkennis 16. tvíhljóði 17. gagn 18.
suss 20. búsmali 21. faðmlag.
LÓÐRÉTT
1. smæl 3. borðaði 4. sýklalyf 5. dýra-
hljóð 7. ráðning 10. fálæti 13. vöntun
15. baklaf á flík 16. í viðbót 19. gylta.
LAUSN
LÁRÉTT: 2. gáfu, 6. rú, 8. túr, 9. orf,
11. kr, 12. slæva, 14. aðals, 16. au, 17.
nyt, 18. uss, 20. fé, 21. knús.
LÓÐRÉTT: . bros, 3. át, 4. fúkalyf, 5.
urr, 7. úrlausn, 10. fæð, 13. van, 15.
stél, 16. auk, 19. sú.
VEISTU SVARIÐ
Svör við spurningum á síðu 8
1 Tveggja.
2 Að skíra dóttur hans að föð-
urnum forspurðum.
3 Spessi.
Útvarpsþátturinn A til J snýr aftur í kvöld af
fullum þunga eftir páskafrí og truflun af Gettu
betur. Þátturinn er í umsjón leikaranna Jóa G og
Atla Þórs og hefur verið á dagskrá Rásar 2 í vetur.
Auk gamanmála hafa gestir mætt í þáttinn og gefið
hluti úr eigu sinni til góðgerðarmála að eigin vali. Í
kvöld er komið að sjálfum Björgvini Halldórssyni
sem ætlar að gefa forláta hvítan hatt.
„Ég er mikill hattakarl og er
reyndar mikið fyrir havaískyrt-
ur líka,“ segir Björgvin. „Þetta
er svona panamahattur sem
Svala kom með fyrir mig eftir
eina af sínum mörgu ferðum
með Steed Lord. Ég á
nokkra svona hatta og nota
þá þegar ég er í hitabelt-
inu. Ég hef oft verið með
hattinn á giggum og valdi
að gefa hann einfaldlega
af því hann er mjög
flottur. Ég vona auðvitað
að það fáist sem mest
fyrir hann – helst að
einhver kaupi hann á
raðgreiðslum – enda fer peningurinn í gott málefni,
krabbameinssjúk börn.“
Uppboð stjarnanna hefur skilað hátt í milljón til
góðgerðarmála. Gjöf Bubba, gítar og gullplata,
skilaði mestu og seldist á 230.000 krónur, en Ómar
Ragnarsson kemur næstur; húfa með áletruninni
„Ég elska frúna“ og Daihatsu-smábíll seldust á
170.000 krónur samtals. Aðrar uppboðsvörur hafa
meðal annars verið tambúrína frá Siggu Beinteins,
sjóngleraugu Jóns Gnarrs, Rolling Stones-bolur frá
Sveppa og áritaðar treyjur frá Snorra Steini og
Guðjóni Val. Alls konar fólk hefur hreppt hlutina
en tónlistaráhugamaður sem ekki vill láta nafns
síns getið hefur oftast boðið best í tónlistartengda
dótið. Hann virðist vera að koma
sér upp poppminjasafni og
hefur að sögn smíðað
sérstakan glerskáp utan
um gítarinn hans Bubba.
- glh
Hattur Björgvins boðinn upp
PANAMA-HATTURINN
GÓÐI Björgvin vonar að
hann seljist á raðgreiðsl-
um.
„Ég hlusta nú lítið á tónlist í
vinnunni, það eru yfirleitt bara
fréttirnar sem ég næ í daglegu
amstri. Það er þá mest Rás 2
sem verður fyrir valinu.“
Gunnlaugur Jónasson, hótelstjóri á Hótel
Egilsstöðum.
„Já, það er mikill áhugi og margir
hafa skráð sig. Við tökum ekki
fleiri inn en 25 manns og umsókn-
arfrestur er til 31. mars,“ segir
Eva Þengilsdóttir þróunarstjóri
hjá Háskólanum í Reykjavík. Þann
7. apríl hefst nám sem hlýtur að
teljast með því flottara sem í boði
hefur verið á Íslandi. Ekki er á
hvers manns færi að stunda AMP-
nám við HR sem einkum er ætlað
er æðstu stjórnendum, forstjórum
og framkvæmdastjórum. Kostar
námið 1,9 milljónir á þátttakanda,
kennt er í 20 daga en námið varir
frá byrjun til enda í sex mánuði.
Sem þýðir að hver þátttakandi
borgar hundrað þúsund krónur
fyrir kennsludaginn sem slíkan.
Enda er aðbúnaður allur er eins og
best verður á kosið. Öll námsgögn,
hótel og fæði er innifalið. Námið
er í lotum og lýkur með vikudvöl í
Barcelona í september.
Aðalsteinn Leifsson lektor er
forstöðumaður MBA-náms HR, og
segir hann þetta síður en svo dýr-
asta námið sem þekkist á Íslandi.
Þannig kostar MBA-nám við skól-
ann 2,6 milljónir en það teygir sig
yfir lengra tímabil. Og jafnvel
þótt miðað sé við kennslustundina
sem slíka má finna dýrara nám.
En Aðalsteinn er fyrst og fremst
stoltur af því að geta boðið upp á
AMP-námið sem er í raun flutt
hingað til lands af Háskóla Reykja-
víkur. Ytra kosti þetta sama nám
vel á fjórðu milljón.
„Ellefu framúrskarandi erlendir
prófessorar koma að náminu og eru
með þeim fremstu á sínu sviði í
heiminum. Flestir eru frá IESE, en
jafnframt frá London Business
School, Richard Ivey School of
Business og NASA,“ segir Eva. Hún
nefnir sem dæmi úr fríðum flokki
fyrirlesara og kennara sjálfan Matt
Melis sem starfar hjá NASA og
vakti athygli þegar hann stjórnaði
rannsókn á Columbia-slysinu árið
2003 þegar sjö geimfarar fórust
þegar Discovery fórst.
Eva telur ljóst að mikils virði sé
fyrir íslenskt atvinnulíf að hafa
aðgang að slíku námi. HR er í sam-
starfi við IESE, viðskiptaháskóla í
Barcelona, sem Financial Times
hefur fimm undanfarin ár kjörið
sem þann besta sem býður fram
nám fyrir stjórnendur.
Markhópur í námið eru reyndir
stjórnendur og Eva, sem stýrir
þessu tiltekna verkefni, hefur
notað frumlegar aðferðir til að
vekja athygli á þessu einstaka
námi. Hún starfaði sem flugfreyja
á árum áður og leitaði ekki eftir
vatninu yfir lækinn. HR gekk til
samninga við Icelandair og hefur
því verið svo komið fyrir að glæsi-
legum bæklingi, þar sem náminu
er lýst, hefur verið dreift í vasa
sæta á Saga Class.
jakob@frettabladid.is
EVA ÞENGILSDÓTTIR: PRÓFESSORAR Í FREMSTU RÖÐ Á LEIÐINNI
Finna nemendur á Saga Class
EVA ÞENGILSDÓTTIR Mikils virði fyrir íslenskt atvinnulíf að hafa aðgang að AMP-nám-
inu sem ætlað er reyndum stjórnendum. FRÉTTABLAÐIÐ/ARNÞÓR
„Þetta er skemmtilegt hobbí sem
varð að veruleika. Ég ákvað að
gera eina plötu og sjá hvað gerð-
ist,“ segir Hlynur Ben, sem gaf
fyrir skömmu út sína fyrstu sóló-
plötu, Telling Tales.
Hlynur hélt útgáfutónleika á
Gauknum í síðasta mánuði sem
heppnuðust einkar vel og ætlar
hann að halda aðra slíka í heima-
bæ sínum Neskaupstað 5. apríl.
„Það er Sú Ellen, Einar Ágúst og
svo ég,“ segir hann og hlær. „Ég
hef alltaf verið að spila þar rosa-
lega mikið, með alls konar hljóm-
sveitum, og þeir hafa alltaf sýnt
mér mikið umburðarlyndi þar.“
Þekktasta hljómsveit Hlyns til
þessa er vafalítið Gleðisveit Ing-
ólfs sem gerði garðinn frægan í
sjónvarpsþáttunum Hljómsveit
Íslands á Skjá einum fyrir fimm
árum. „Ég var svo heppinn að
vera í því ævintýri öllu. Maður
var náttúrulega bara krakki en
þetta var mjög skemmtilegt. Ég
eignaðist góða vini út úr þessu,
sem eru strákarnir sem urðu
síðar hljómsveitin Wulfgang.
Þetta var alveg þess virði en
maður myndi kannski ekki gera
þetta aftur svona,“ segir hann.
„Maður öðlaðist mikla virðingu
fyrir þessum hörkurum sem hafa
stundað þessa dansspilamennsku
því ég bjóst ekki við að þetta væri
svona mikið mál. Allir sem eru að
spila eitthvað ættu að taka einn
svona sumarrúnt og sjá hvað þeir
endast.“
Hlynur ætlar sjálfur að láta
það vera að ferðast um landið í
sumar. „Ég verð að spila eitthvað
hér og þar en ætla ekki að taka
sveitaballahringinn. Þetta er
kannski ekki dansvænasta músík
sem þú finnur. Ég get þá bara
sungið Rangur maður við önnur
tilefni.“
- fb
Sólóferill í kjölfar Gleðisveitar Ingólfs
AF SKJÁNUM Í SÓLÓFERIL Tónlistarmað-
urinn Hlynur Ben hefur gefið út sína
fyrstu sólóplötu. Hann vakti athygli í
sjónvarpsþáttunum Hljómsveit Íslands
fyrir fimm árum.
Breytingar urðu á niðurstöðum
vikulegrar áhorfskönnunar Capac-
ent Gallup þegar sjónvarpsáhorfið
yfir páskana var kynnt í gær. Topp
20 listinn yfir vinsælustu þætti
landsins á öllum stöðvum var
hvergi sjáanlegur en þess í stað var
einungis hægt að kynna sér hverjir
væru vinsælustu sjónvarpsþættirnir
á hverri stöð fyrir sig. RÚV hefur
hingað til einokað þann lista og
átt nítján af tuttugu vinsælustu
þáttunum en samkvæmt heimild-
um Fréttablaðsins gengu stjórn-
endur einkastöðvanna hart fram að
þessu yrði breytt og fengu í gegn
með meirihlutaákvörðun.
Enda leit listinn ekkert
sérstaklega vel út fyrir
Pálma Guðmundsson
og hans fólk á Stöð 2
og Sigríði Margréti
Oddsdóttur og
hennar fólk á
Skjá einum.
Johnny King er á leið suður frá
Akureyri og hefur í fórum sínum
þrjú splunkuný og frábær kántrílög
sem hann hyggst afhenda Magn-
úsi Einarssyni útvarpsmanni til
athugunar og jafnvel spilunar.
Johnny, og/eða Kúrekar norðursins,
eru langt komnir með vinnslu nýrr-
ar kántríplötu sem heitir „Outlaws”
og mun ríkja mikil eftirvænting
vegna hennar hér sem og víða um
heim. Til að mynda í Noregi.
Rapparinn Erpur Eyvindarson er
sáttur við þær viðtökur sem hann
hefur fékk í erlendu pressunni
vegna frammistöðu Rottweiler-
hunda á Ísafirði yfir páskana. NME,
sem Erpur hefur lesið stíft síðan
hann var unglingur, fór lofsamleg-
um orðum um Rottweiler sem og
Ultra Mega Teknóbandið Stefán.
En Erpur og co fá einnig gusurnar,
til dæmis frá hipphopparanum
Poetrix sem í Kastljósi
nefndi Rottweiler sem
tónlistarmenn sem
virðast ekki hafa neina
tilfinningu, dýpt eða
þunga og í textagerð
sinni náð nýjum vídd-
um í tilgangsleysi.
- fgg/jbg
FRÉTTIR AF FÓLKI