Fréttablaðið - 03.04.2008, Blaðsíða 18

18 3. apríl 2008 FIMMTUDAGUR
hagur heimilanna
14
.2
90
10
.4
60
9.
22
0
7.
02
0
1999 2002 2005 2008
Kr
ón
ur
Útgjöldin
> Hundrað lítrar af 95 oktana bensíni á þjónustustöð.
HEIMILD: HAGSTOFA ÍSLANDS
■ Það er alltaf kostur að mæta smekk-
legur til fara á fundi, eins og Gísli S.
Einarsson, bæjarstjóri á Akranesi,
þekkir.
Gísli S. Ein-
arsson hefur
húsráð undir
rifi hverju.
„Til dæmis ef
einhver lendir
í þeirri ógæfu
að sletta
rauðvíni á hvítu
skyrtuna sína
þá má hæglega strá salti á blettinn
strax á eftir, leggja skyrtuna í kalt vatn
og nudda vel. Þá verður skyrtan svo
hvít sem áður að það má jafnvel fara
í henni á bæjarstjórnarfund.“
GÓÐ HÚSRÁÐ
VÍNSLETTAN ÚR
SKYRTUNNI
Verðhækkun á kjarnfóðri
bitnar helst á svína- og
kjúklingabændum. Að
óbreyttu er óhjákvæmilegt
að hærri fóðurkostnaður
skili sér í verðlagi til neyt-
enda, segja svína- og kjúkl-
ingabændur. Kúabændur
halda sjó fram að áramót-
um en sauðfjárbændur
sleppa með skrekkinn.
Verð á öllu fóðri frá Fóðurblönd-
unni hækkar um 12 til 21 prósent í
dag. Verðhækkanir á kjarnfóðri
koma verst niður á kjúklinga- og
svínabændum, þar sem fóður er
mun stærri kostnaðarliður hjá
þeim en kúa- og sauðfjárbændum.
„Í okkar tilviki er fóðurkostnað-
ur langstærsti útgjaldaliðurinn,“
segir Ingvi Stefánsson, formaður
Svínaræktarfélags Íslands. Hann
segir fóðurkostnað hafa tvöfald-
ast á undanförnum tveimur árum.
„Undir venjulegum kringumstæð-
um er fóðurkostnaður um helm-
ingur af útgjöldum. Þegar verðið
rýkur svona upp verður fóðrið
enn stærri hluti af rekstrar-
kostnaði.“
Ingvi segir að framleiðslukostn-
aður sé á mikilli uppleið víðast
hvar í heiminum. Erfiðara sé að
segja til um hvað áhrif hærra fóð-
urverð hafi á afurðaverð. „Á
markaði hafa aðrar breytur áhrif,
til dæmis framboð og eftirspurn.
En til lengri tíma litið hlýtur þetta
að hafa áhrif á verðlagið, annað
gengur ekki upp.“ Ingvi segir að
sama þróun hafi átt sér stað ann-
ars staðar í Evrópu og þar hafi
verð á svínakjöti hækkað á undan-
förnum vikum. „Þessi þróun er á
alþjóðavísu og við Íslendingar
erum ekki undanskildir því.“
Hildur
Traustadóttir,
framkvæmda-
stjóri Félags
kjúklingabænda,
segir ljóst að
hækkun á fóðri
muni hafa í för
með sér aukinn
kostnað sem
kjúklingabænd-
ur geti ekki borið.
„Ef ekki verður
spornað við þess-
ari hækkun hlýtur það að skila sér í
verðlagið. Þannig gerist þetta.“
Hildur bendir á að það sé ekki
aðeins fóður sem sé að hækka, akst-
urskostnaður hafi einnig hækkað
mikið, vextir, lyf hafi hækkað sem
og laun. „Allt telur þetta til.“ Hildur
segir ekki hægt að spá fyrir um
hvenær hærra fóðurverð skili sér í
verði til neytenda, enda séu kjúkl-
ingabændur í innbyrðissamkeppni,
en að óbreyttu sé óhjávæmilegt að
það muni gerast.
Baldur Helgi Benjamínsson,
framkvæmdastjóri Landssam-
bands kúbænda, býst ekki við frek-
ari hækkunum af þeirra hálfu á
þessu ári. „Það er nýbúið að hækka
mjólkurverð og ég geri ekki ráð
fyrir að það verði breytingar það
sem eftir lifir árs. En ef gengið
styrkist ekki þurfa bændur að bera
kostnað og það kemur að því að það
fer í verðlagið. Það verður væntan-
lega ekki fyrr en um næstu áramót
í fyrsta lagi og það gæti gerst mikið
í millitíðinni. Ef krónan styrkist
væntum við að kjarnfóðrið lækki
aftur.“
Jóhannes Sigfússon, formaður
Landssamtaka sauðfjárbænda,
segir kjarnfóður lítið notað í sauð-
fjárrækt. Hærra verð á kjarnfóðri
muni því ekki valda búsifjum í
greininni eða hafa áhrif á afurða-
verð. bergsteinn@frettabladid.is
Bitnar helst á
kjúklinga- og
svínabændum
KOSTAR KJÚKLINGABÆNDUR Fóðurkostnaður er mun hærri útgjaldaliður hjá svína-
og kjúklingabændum en kúa- og sauðfjárbændum.
INGVI STEFÁNS-
SON Verð á svína-
kjöti fer hækkandi
í Evrópu.
„Verstu kaupin eru klárlega borðstofu-
stólar sem ég keypti í Góða hirðin-
um um árið,“ segir Sigríður Eyrún
Friðriksdóttir, leik- og söngkona.
„Þeir voru með viðbjóðslega ljótt
rósótt áklæði sem ég ætlaði
alltaf að skipta um en það varð
ekkert úr því sökum anna. Eitt
sinn gerðist það að ég týndi
húslyklunum mínum í rúma
viku og var alveg að missa vitið.
Þá settist ég á einn borðstofu-
stólinn og viti menn: þar voru
lyklarnir. Áklæðið var svo
rósótt að að lyklarnir runnu
saman við bakgrunninn.
Eftir það ákvað ég að
skila stólunum aftur í
Góða hirðinn.“
Það kemur margt til greina sem
bestu kaupin, til dæmis íbúðin mín
eða tölvan. En ég held að ekkert
slái við miðunum á tónleika Kim
Larsen í nóvember sem ég og
bræður mínir gáfum mömmu í
afmælisgjöf. Hún ELSKAR Kim
Larsen. Mamma var hæst-
ánægð með karlinn, enda
hefur hún verið að syngja
„livet er langt, lykken er kort“
með ryksuguna á lofti síðan
ég man eftir mér. Nytjahlutir
eru góðir til síns brúks en
jafnast auðvitað ekki
á við það að gleðja
móður sína.
NEYTANDINN: SIGRÍÐUR EYRÚN FRIÐRIKSDÓTTIR, LEIK- OG SÖNGKONA
Ljótir stólar og miðar á Kim Larsen